Agam Suttani Satikam Part 08 Vipakshrut Auppatik Rajprashniya Sutram

SR No.: 003312
Original Sutra Author: N/A
Author: Dipratnasagar, Deepratnasagar
Publisher: Agam Shrut Prakashan
Publication Year: 2000
Total Pages: 372
Language: Prakrit, Sanskrit
Classification: Book_Devnagari, Agam, Canon, agam_vipakshrut, agam_aupapatik, & agam_rajprashniya
File Size: 20 MB

Page 17

१४
विपाकश्रुताङ्गसूत्रम् १/१/९
जाव समुप्पज्जित्था-एवंखलु अहं विजयस्स खत्तियससपुब्बिंइट्ठा ६ धेजा वेसासिया अणुमया आसी, जप्पभिईंचणं मम इमे गब्भे कुञ्छिसि गब्भत्ताए उववन्ने तप्पभिइंच णं अहं विजयस्स खत्तियस्स अनिट्ठा जाव अमणामा जाया यावि होत्था, निच्छति णं विजए खत्तिए मम नामं वा गोयं वा गिण्हित्तए वा किमंग पुण दंसणं वा परिभोगं वा १, तं सेयं खलु मम एयं गब्भं बहूहिं गब्भसाडणाहि य पाडणाहि य गालणाहि य मारणाहि य साडित्तए वा ४, एवं संपेहेइ संपेहित्ता बहूणि खाराणिय कडुयाणि यतूवराणिय गब्भसाडणाणिय खायमाणीय पीयमाणी य इच्छति तंगभं साडित्तए वा ४ नो चेवणं से गब्भे सडइ वा ४/
तते णं सा मियादेवी जाहे नो संचाएति तंगभंसाडेत्तए वा ४ ताहे संता तंता परितंता अकामिया असवसा तं गब्भंदुहंदुहेणं परिवहइ, तस्स णं दारगस्स गब्मयस्स चेव अट्ठ नालीओ अभिंतरप्पवहाओ अट्ठ नालीओ बाहिरपवहाओ अट्ठ पूयप्पवहाओ अट्ठ सोणियप्पवहाओ दुवे दुवे कन्नंतरेसु दुवे दुवे अञ्छितरेसुदुवे नकंतरेसुदुवे दुवे धमणिअंतरेसु अभिक्खणं अभिक्खणं पूयं च सोणियं च परिसवमाणीओ २ चेव चिट्ठति, तस्स णं दारगस्स गब्भगयस्स चेव अग्गिए नामंवाही पाउब्भूएजेणंसेदारएआहारेतिसेणंखिप्पामेव विद्धंसमागच्छतिपूयत्ताएसोणियत्ताए य परिणमति, तंपि य से पूयं च सोणियंच आहारेति, ततेणंसा मियादेवी अन्नया कयाइं नवण्हं मासाणं बहुपडिपुन्नाणं दारगं पयाया जातिअंधे जाव आगइमित्ते, ततेणंसा मियादेवी तं दारगं हुडं अंधास्वंपासति २त्ता भीया४ अम्मधाइंसद्दावेति २ ताएवंवयासी-गच्छहणंदेवाणुप्पिया ! तुम एवं दारगं एगते उक्करुडियाए उज्झाहि, तते णं सा अम्मधाई मियादेवीए तहत्ति एयमद्वं पडिसुणेति र त्ताजेणेव विजएखत्तिएतेणेव उवागच्छइ (२) करयलपरिग्गहियंएवंवयासी-एवं खलु सामि ! मियादेवी नवण्हं मासाणंजाव आगतिमित्ते,
ततेणंसा मियादेवीतंहुंडं अंधारूवंपासतिर त्ता भीया तत्था उब्बिग्गा संजायभया ममं सद्दावेइ२ त्ता एवंवयासी-गच्छहणंतुब्भे देवाणुप्पिया! एयंदारगंएगते उक्करुडियाए उज्झाहि, तं संदिसह णं सामी ! तं दारगं अहं एगते उज्झामि उदाहु मा?, तते णं से विजए खत्तिये तीसे अम्मधाईए अंतिए एयमटुं सोचा तहेव संभंते उट्ठाए उडेति उट्टा २ ता जेणेव मियादेवी तेणेव उवागच्छति २त्ता मियादेवीं एवं वयासी-देवाणुप्पिया! तुब्भपढमंगब्भेतंजइणंतुब्भे एंएगते उक्करिड्याए उज्झासि ततो णं तुब्भे पया नो थिरा भविस्सति,
तोणं तुम एवं दारगं रहस्सियंसि भूमिघरंसि रहस्सिएणं भत्तपाणेणं पडिजागरमाणी २ विहराहि तो णं तुब्बं पया थिरा भविस्सति, तते णं सा मियादेवी विजयस्स खत्तियस्स तहत्ति एयमटुं विनएणं पडिसुणेति २ तातंदारगंरहस्सियंसि भूमिधरंसिरह० भत्तपाणेणं पडिजागरमाणी विहरति, एवं खलु गो० ! मियापुत्ते दारए पुरापुराणाणंजाव पञ्चणुभवमाणे विहरति ।
वृ. 'विज्जो वत्ति वैद्यशास्त्रे चिकित्सायां च कुशलः 'विजपुत्तो वत्ति तत्पुत्रः ‘जाणुओ वत्ति ज्ञायकः-केवलशास्त्रकुशलः 'तेगिच्छिओ वत्ति चिकित्सामात्रकुशलः ‘अत्थसंपयाणं दलयइत्ति अर्थदानं करोतीत्यर्थः,
___ सत्थकोसहत्थगय'त्ति शस्त्रकोशो-नखरदनादिभाजनं हस्ते गतो-व्यवस्थितो येषां ते तथा, अवद्दहणाहि यत्ति दम्भनैः 'अवण्हाणेहि य'त्ति तथाविघद्रव्यसंस्कृतजलेन स्नानैः