Page Text
________________
भगवतीअङ्गसूत्रं (२) १२/-/१/५३० तए णं समणे भगवं महावीरे तेसिं समणोवासगाणं तीसे य महति० धम्मकहा जाव परिसा पडिगया, तए णं ते समणोवासगा समणस्स भगवओ महावीरस्स अंतियं धम्म सोच्चा निसम्म हट्टतुट्ठ० समणं भ० म० ० न० ० न० पसिणाई पुच्छंति प० अट्ठाइं परियादियंति अ०२ अट्ठाए उठेति उ०२ समणस्स भ० महा० अंतियाओ कोट्ठयाओ चेइयाओ पडिनि०प० २ जेणेव सावत्थी नगरी तेणेव पहारेत्थ गमणाए।
वृ. तत्र प्रथमोद्देशके किञ्चिल्लिख्यते
मू. (५३१)तएणंसेसंखेसमणोवासएतेसमणोवासए एवंवयासी-तुझेणंदेवाणुप्पिया विउलं असणं पाणं खाइमसाइमंउवक्खडावेह, तएणंअम्हे तं विपुलं असणं पाणं खाइमसाइमं आसाएमाणा विसाएमाणा परिभुंजेमाणा परिभाएमाणा पक्खियं पोसहं पडिजागरमाणा विहरिस्सामो। तएणंते समणोवासगा संखस्स समणो एयमटुं विनएणंपडिसुणंति, तएणं तस्स संखस्स समणोवासगस्स अयमेयारूवे अब्भत्थिए जाव समुप्पज्जित्था-नो खलु मे सेयं तं विउलं असणं जाव साइमं अस्साएमाणस्स ४ पक्खियं पोसहं पडिजागरमाणस्स विहरित्तए।
__सेयं खलु मे पोसहसालाए पोसहियस्स बंभचारिस्स उम्मुक्क मणिसुवन्नस्स ववगयमालावन्नगविलेवणस्स निक्खित्तसत्थमुसस्स एगस्सअबिइयस्स दब्भसंथारोवगयस्स पक्खियंपोसहं पडिजागरमाणस्स विहरित्तएत्तिकट्ठएवं संपेहेतिर जेणेव सावत्थीनगरी जेणेव सए गिहे जेणेव उप्पला समणोवासिया तेणेव उवा० २ उप्पलं समणोवासियं आपुच्छइ २ जेणेव पोसहसाला तेणेव उवागच्छइ २ पोसहसालं अणुपविसइ २ पोसहसालं पमज्जइ पो० २ उच्चारपासवणभूमी पडिलेहेइ उ०२ दब्भसंथारगंसंथरतिदब्भ०२ दब्भसंथारगंदुरूहइदु०२ पोसहसालाए पोसहिए बंभयारी जाव पक्खियं पोसहं पडिजागरमाणे विहरति। .
तए णं ते समणोवासगा जेणेव सावत्थी नगरी जेणेव साइं गिहाइं तेणेव उवाग० २ विपुलं असनं पाणंखाइमं साइं उवक्खडावेंति उ०२ अन्नमन्ने सद्दावेतिअ०२ एवं वयासी-एवं खलुदेवाणुप्पिया! अम्हेहिं सेविउले असणपाणखाइमसाइमेउवक्खडाविए, संखेयणंसमणोवासए नो हव्वमागच्छइ, तं सेयं खलु देवाणुप्पिया! अम्हं संखं समणोवासगं सदावेत्तए।
तएणं से पोक्खलीसमणोवासएतेसमणोवासएएवं वयासी-अच्छहणंतुल्झेदेवाणुप्पिया सुनिव्वुया वीसत्था अहन्नं संखं समणोवासगंसद्दावेमित्तिकट्टतेसिं समणोवासगाणंअंतियाओ पडिनिक्खमति प०२ सावत्थीए नगरीए मझमझेणं जेणेव संखस्स समणोवासगस्स गिहे तेणेव उवाग० २ संखस्स समणोवासगस्स गिहं अणुपवितु।
तएणं सा उप्पला समणोवासिया पोक्खलिंसमणोवासयं एजमाणं पासइ पा०२ हट्टतुट्ट० आसणाओ अब्भुट्टेइअ० २त्ता सत्तट्ठ पयाइंअणुगच्छइ २ पोस्खलिंसमणोवासगंवंदति नमसति वं० न० आसणेणंउवनिमंतेइआ०२ एवं वयासी-संदिसंतुणं देवाणुप्पिया! किमागमणप्पयोयणं
तएणं से पोक्खली समणोवासए उप्पलं समणोवासयं एवं वयासी-कहिन्नं देवाणुप्पिए संखे समणोवासए?, तएणं सा उप्पला समणोवासिया पोस्खलं समणोवासयं एवं वयासी एवं खलु देवाणुप्पिया ! संखे समणोवासए पोसहसालाए पोसहिए बंभयारी जाव विहरइ।
तए णं से पोस्खली समणोवासए जेणेव पोसहसाला जेणेव संखे समणोवासए तेणेव
Jain Education International
For Private & Personal Use Only
For Private
www.jainelibrary.org
| SR No. | 003310 |
| Book Title | Agam Suttani Satikam Part 06 Bhagvati |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 532 |
| Language | Prakrit, Sanskrit |
| Classification | Book_Devnagari, Agam, Canon, & agam_bhagwati |
| File Size | 12 MB |