Page Text
________________
भगवतीअङ्गसूत्रं (२) ११/-/१२/५२७ पोसहोववासेहिं अहापरिग्गहिएहिं तवोकम्मेहिं अप्पाणं भावेमाणे बहूइं सीलव्वयगुणवयवेरणपञ्चक्खाणपोसहोववासेहिं अहापरिग्गहिएहिं तवोकम्मेहिं अप्पाणं भावेमाणे बहूइं बासाइं समणोवासगपरियागं पाउहिति ब० २ मासियाए संलेहणाए अत्ताणं झूसेहिति मा० २ सट्ठि भत्ताइं अणसणाई छेदेहिति २ आलोइयपडिक्क ते समाहिपत्ते कालमासे कालं किञ्च्चा सोहम्मे कप्पे अरुणाभे विमाणे देवत्ताए उववज्जिहिति, तत्थ णं अत्थेगतियाणं देवाणं चत्तारि पलिओवमाइं ठिती पन्नत्ता ।
तत्थ णं इसिभद्दपुत्तस्सवि देवरस चत्तारि पलिओवमाइं ठिती भविस्सति । से णं भंते ! इसिभद्दपुत्ते देवे तातो देवलोगाओ आउक्खएणं भव० ठिइक्खएणं जाव कहिं उववज्जिहिति ?, गोयमा ! महाविदेहे वास सिज्झिहिति जाव अंतं काहेति । सेवं भंते ! सेवं भंते! त्ति भगवं गोयमे जाव अप्पाणं भावेमाणे विहरइ ।
मू. (५२८) तणं समणे भगवं महावीरे अन्नया कयावि आलभियाओ नगीओ संखवणाओ चेइयाओ पडिनिक्खमइ पडिनिक्खमित्ता बहिया जणवयविहारं विहरइ ।
तेणं कालेणं तेणं समएणं आलमिया नामं नगरी होत्था वन्नओ, तत्थ णं संखवणे नामं चेइए होत्था वन्नओ, तस्स णं संखवणस्स अदूरसामंते पोग्गले नामं परिव्वायए परिवसति रिउव्वेदजजुरवेदजावनएस सुपरिनिट्ठिए छछट्टेणं अनिक्खित्तेणं तवोकम्मेणं उड्ड बाहाओ जाव आयावेमाणे विहरति । तए णं तर पो गलरस छट्टछट्टेणं जाव आयावेमाणस्स पगतिभद्दयाए जहा सिवस्स जाव विब्भंगे नामं अन्नाणे समुप्पन्ने, सेणं तेणं विभंगेणं नाणेणं समुप्पन्नेणं बंभलोए कप्पे देवाणं ठितिं जाणति पासति ।
५०
तए णं तस्स पोग्गलस्स परिव्वायगस्स अयमेयारूवे अम्मत्थिए जाव समुप्पज्जित्था अस्थि णं ममं अइसेसे नाणदंसणे समुप्पन्ने, देवलोएसु णं देवाणं जहन्त्रेणं दसवाससहस्साइं ठिती पन्नत्ता ते परं समयाहिया दुसमयाहिया जाव उक्कोसेणं असंखेज्जसमयाहिया उक्कोसेणं दससागरोवमाइं ठिती पन्नत्ता तेण परं वोच्छिन्ना देवा य देवलोगा य, एवं संपेहेति एवं २ आयावणभूमीओ पञ्च्चोरुहइ आ० २ तिदंडकुंडिया जाव धाउरत्ताओ य गेण्हइ गे० २ जेणेव आलंभिया नगरी जेणेव परिव्वायगावसहे तेणेव उवागच्छइ उवा० २ भंडनिक्खेवं करेति भं० २ आलंभियाए नगरीए सिंघाडग जाव हेसु अन्नमन्नस्स एवमाइक्खइ जाव परूवेइ ।
अत्थि णं देवाणुप्पिया ! ममं अतिसेसे नाणदंसणे समुप्पन्ने, देवलोएसु णं देवाणं जहन्त्रेणं दसवाससहस्साइं तहेव जाव वोच्छिन्ना देवा य दवेलोगा य । तए णं आलंभियाए नगरीए एएणं अभिलावेणं जहा सिवस्स तं चैव जाव से कहमेयं मन्ने एवं ?, सामी समोसढे जाव परिसा पडिगया, भगवं गोयमे तहेव भिक्खायरियाए तहेव बहुजणसद्दं निसामेइ तहेव बहुजणसद्दं निसामेत्ता तहेव सव्वं भाणियव्वं जाव अहं पुण गोयमा ! एवं आइक्खामि एवं भासामि जाव परूवेमिदेवलोएसु णं देवाणं जहन्त्रेणं दस वाससहस्साइं ठिती पन्नत्ता तेण परं समयाहिया दुसमयाहिया जाव उक्कोसेणं तेत्तीसं सागरोवमाइं ठिती पन्नत्ता, तेण परं वोच्छिन्ना देवा य देवलोगा य ।
अत्थि णं भंते! सोहम्मे कप्पे दव्वाइं सवन्नाइंपि अवन्नाइंपि तहेव जाव हंता अत्थि, एवं ईसाणेवि, एवं जाव अच्चुए, एवं गेवेज्जविमाणेसु अणुत्तरविमाणेसुवि, ईसिपब्भाराएवि जाव
For Private & Personal Use Only
Jain Education International
www.jainelibrary.org
| SR No. | 003310 |
| Book Title | Agam Suttani Satikam Part 06 Bhagvati |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 532 |
| Language | Prakrit, Sanskrit |
| Classification | Book_Devnagari, Agam, Canon, & agam_bhagwati |
| File Size | 12 MB |