Page Text
________________
४८२
-
भगवतीअङ्गसूत्रं (२) ३४/१/१/१०३३ स्सइकाइयत्ताए उववज्जित्तए सेणं भंते ! कतिसम० सेसं तहेव जाव से तेणटेणं०।
अपजत्तसुहमपुदविकाइएसुणंभंते ! इमीसे रयणप्पभाए पुढवीए पञ्चच्छिमिल्ले चरिमंते समोहए समोह०२ जे भविए इमीसे रयणप्पभाए पुढवीए पुरच्छिमिल्ले चरिमंते अपज्जत्तसुहुमपुढविकाइयत्ताए उववञ्जित्तए से गंभंते ! कइसमएणं?, सेसं तहेव निरवसेसं।
एवं जहेव पुरच्छिमिल्ले चरिमंते सव्वपदेसुवि समोहया पञ्चच्छिमिले चरिमंते समयखेत्ते य उववाइया जेय समयखेत्ते समोहया पञ्चच्छिमिल्ले चरिमंते समयखेत्ते यउववाइया एवंएएणं धेच कमेणं पञ्चच्छिमिल्ले चरिमंते समयखेते य समोहया पुरच्छिमिल्ले चरिमंते समयखेरो य उववाएयव्वा तेणेव गमएणं, एवं एएणंगमएणं दाहिणिल्ले चरिमंते समोहयाणं उत्तरिल्ले चरिमंते समयखेत्ते य उववाओ एवं चेव उत्तरिल्ले चरिमंते समयखेत्ते य समोहया दाहिणिले चरिमंते समयखेत्ते य उववाएयव्वा तेणेव गमएणं।
अपज्जत्तसुहुमपुढविकाइएणंभंते! सक्करप्पभाए पुढवीए पुरच्छिमिल्ले चरिमंते समोहए २जे भविएसक्करप्पभाए पुढवीए पञ्चच्छिमिल्ले चरिमंते अपज्जत्तसुहुमपुढविकाइयत्ताएउववज्जइ एवं जहेव रयणप्पभाए जाव से तेणटेणं एवं एएणं कमेणंजाव पज्जत्तएसु सहुमतेउकाइएसु।
अपज्जत्तसुहमपुढविकाइएणं भंते ! सक्करप्पभाए पुढवीए पुरच्छिमिल्ले चरिमंते समोहए समोहइत्ताजेभविए समयखेत्तेअपज्जत्तबायरतेउक्कइयत्ताए उववज्जित्तए सेणंभंते! कतिसमय० पुच्छा, गोयमा! दुसमइएण वा तिसमइएण वा विग्गहेण उववजिजा।
से केणटेणं ?, एवं खलु गोयमा ! मए सत्त सेढीओ प०.तं०-उज्जुयायता जाव अद्धचक्कवाला, एगओवंकाए सेढीए उववज्जमाणे दुसमइएणं विग्गहेणंउववजेज्जादुहओवंकाए सेढीए उववजमाणे तिसमइएणं विग्गहेणं उववजेजा से तेणटेणं०, एवं पज्जत्तएसुवि बायरतेउक्काइएसु, सेसं जहारयणप्पभाए।
जेऽविबायरतेउकाइयाअपजत्तगाय पज्जत्तगाय समयखेते समोहणित्तादोच्चाए पुढवीए पञ्चच्छिमिल्ले चरिमंते पुढविकाइएसु चउविहेसु आउक्काइएसु चउब्विहेसुतेउकाइएसु दुविहेसु वाउकाइएसु चउब्बिहेसुवणस्सइकाइएसु चउविहेसु उववजंतितेऽविएवं चेव दुसमइएण वा तिसमइएण वा विग्गहेण उववाएयव्वा।
बायरतेउक्कइया अपज्जत्तगायपजत्तगायजाहे तेसुचेव उववजंतिताहेजहेव रयणप्पभाए तहेव एगसमइयदुसमइयतिसमइयविग्गहाभाणियव्वा सेसंजहेवरयणप्पभाएतहेव निरवसेसं, जहा सक्करप्पभाए वत्तव्बया भणिया एवं जाव अहे सत्तमाएवि भाणियव्वा ।।
वृ. 'कइविहे'इत्यादि, इदं च लोकनाडी प्रस्तीर्य भावनीयं, 'एगसमइएण वत्ति एकः समयो यत्रास्त्यसावेकसामयिकस्तेन 'विग्गहेणं'ति विग्रहे-वक्रगतौ च तस्य सम्भवाद्गतिरेव विग्रहः विशिष्टो वा ग्रहो-विशिष्टस्थानप्राप्तिहेतुभूता गतिविग्रहस्तेन, तत्र ‘उज्जुआययाए'त्ति यदामरणस्थानापेक्षयोत्पत्तिस्थानं समश्रेण्यां भवति तदा ऋज्वायता श्रेणिर्भवति, तयाचगच्छत एकसामयिकी गति स्यादित्यत उच्यते
'एगसमइएण'मित्यादि, यदा पुनर्मरणस्थानादुत्पत्तिस्थानमेकप्रतरे विश्रेण्यां वर्तते तदैकतोवक्रा श्रेणि स्यात् समयद्वयेन चोत्पत्तिस्थानप्राप्ति स्यादित्यत उच्यते
Jain Education International
For Private & Personal Use Only
www.jainelibrary.org
| SR No. | 003310 |
| Book Title | Agam Suttani Satikam Part 06 Bhagvati |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 532 |
| Language | Prakrit, Sanskrit |
| Classification | Book_Devnagari, Agam, Canon, & agam_bhagwati |
| File Size | 12 MB |