Page Text
________________
३६
भगवतीअङ्गसूत्रं (२) ११/-/११/५१८ देवाणुप्पिया ! से जहेयं तुझे वदहत्तिकट्ठ तं सुविणं सम्म पडिच्छइ पडिच्छित्ता बलेणं रन्ना अब्भणुनाया समाणी नानामणिरयणभत्तिन्ताओ भद्दासणाओ अब्भुढेइ अब्भुढेत्ता अतुरियमचवल जाव गतीए जेणेव सए सयणिज्जे तेणेव उवागच्छइ तेणेव उवागच्छित्ता सयणिज्जंसि निसीयति निसीइत्ताएवं वयासीमा से उत्तमे पहाणे मंगल्ले सुविणे अन्नेहिं पावसुमिणेहिं पडिहम्मिस्सइत्तिकट्टदेवगुरुजणसंबद्धाहिं पसत्थाहिं मंगल्लाहिं धम्मियाहिं कहाहिं सुविणजागरियंपडिजागरमाणी २ विहरति । तएणं से बले राया कोडुंबियपुरिसे सद्दावेइ सद्दावेत्ता एवं वयासी
खिप्पामेव भो देवाणुप्पिया अज्ज सविसेसं बाहिरियं उवट्ठाणसालं गंधोदयसित्तसुइयसंमजिओवलित्तंसुगंधवरपंचवनपुप्फो वयारकलियंकालागुरुपवरकुंदुरुक्कजाव गंधवट्टिभूयंकरेह य करावेह य करेत्ता करावेत्ता सीहासणं रएह सीहासणं रयावेत्ता ममेतंजाव पञ्चप्पिणह, तएणं ते कोडुबियजाव पडिसुणेत्ता खिप्पामेव सविसेसं बाहिरियं उवट्ठाणसालं जाव पञ्चप्पिणंति।
तएणं से बले राया पचूसकालसमयंसि सयणिज्जाओ अब्भुढेइ सयणिज्जाओ अब्भुढेत्ता पायपीढाओपञ्चोरुहइ पायपीढाओपच्चोरुहित्ताजेणेव अट्टणसाला तेणेव उवागच्छति अट्टणसालं अणुपविसइ जहा उववाइए तहेव अट्टणसाला तहेव मज्जणघरे जाव ससिव्व पियदंसणे नरवई मजणघराओ पडिनिक्खमइ पडिनिक्खमित्ता जेणेव बाहिरिया उवट्ठाणाला तेणेव उवागच्छइ तेणेव उवागच्छित्ता सीहासणवरंसि पुरच्छाभिमुहे निसीयइ निसीइत्ता अप्पणो उत्तरपुरच्छिमे दिसीभाए अट्ठ भद्दासणाई सेयवत्थपच्चुत्थुयाइं सिद्धत्थगकयमंगलोवयाराई रयावेइ रयावेत्ता अप्पणो अदूरसामंते नानामणिरयणमंडियं अहियपेच्छणिज्जं महग्यवरपट्टणुग्गयं सहपट्टबहुभत्तिसयचित्तताणं ईहामियउसमजावभत्तिचित्तं अभितरियं जवणियं अंछावेइ अंछावेत्ता नानामणिरयणभत्तिचित्तं अच्छरमउयमसूरगोच्छगं सेयवत्थपच्चुत्युयं अंगसुहफासुयं सुमउयं पभावतीए देवीए भद्दासणं रयावेइ रयावेत्ता कोडुंबियपुरिसे सदावेइ सदावेत्ता एवं वयासी।
खिप्पामेव भो देवाणुप्पिया! अटुंगमहानिमित्तसुत्तत्थधारए विविहसत्थकुसले सुविणलक्खणपाढए सद्दावेह, तए णं ते कोडुंबियपुरिसा जाव पडिसुणेत्ता बलस्स रन्नो अंतियाओ पडिनिक्खमइ पडिनिक्खमित्ता सिग्घंतुरियंचवलं चंडं वेइयं हथिणपुरं नगरंमज्झमजेणंजेणेव तेसिंसुविणलक्खणपाढगाणंगिहाइंतेणेव उवागच्छन्ति तेणेव उवागच्छिता तेसुविणलक्खणपाढए सद्दावेंति । तए णं ते सुविणलक्खणपाढगा बलस्स रन्नो कोडुंबियपुरिसेहिं सद्दाविया समाणा हट्टतुट्ठ० व्हाया कयजाव सरीरासिद्धत्थगहरियालियाकयमंगलमुद्धाणा सएहिं २ गिहेहितो निग्गच्छिति स० २ हथिणापुर नगरं मझमज्झेणं जेणेव बलस्स रन्नो भवणवरवडेंसए तेणेव उवागच्छन्ति तेणेव उवागच्छित्ता भवणवरवडेंसगपडिदुवारंसि एगओ मिलंति एगओ मिलित्ता जेणेव बाहिरिया उवट्ठाणसाला तेणेव उवगच्छन्ति तेणेव उवागच्छित्ता करयल० बलरायंजएणं विजएणं वद्धावेंति ___तएणं सुविणलक्णपाढगा बलेणंरना वंदियपूइयसक्कारियसम्माणिया समाणा पत्तेयं २ पुव्वन्नत्थेसु भद्दासणेसु निसीयंति, तए णं से बले राया पभावतिं देविं जवणियंतरियं ठावेइ ठावेत्ता पुप्फफलपडिपुनहत्थे परेणं विनएणं ते सुविणलक्खणपाढए एवं वयासी-एवं खलु
देवाणुप्पिया! पभावती देवी अज्ज तंसि तारिसगंसि वासधरंसि जाव सीहं सुविणे पासित्ता णं Jain Education International
For Private & Personal Use Only
www.jainelibrary.org
| SR No. | 003310 |
| Book Title | Agam Suttani Satikam Part 06 Bhagvati |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 532 |
| Language | Prakrit, Sanskrit |
| Classification | Book_Devnagari, Agam, Canon, & agam_bhagwati |
| File Size | 12 MB |