Page Text
________________
शतकं-१६, वर्गः-, उद्देशकः-५
२११
मू. (६७६) भंतेत्ति भगवं गोयमे समणं भगवं महावीरंजाव एवं वयासी-गंगदत्तस्सणं भंते ! देवस्स सा दिव्वा देवड्डी दिव्वा देवजुती जाव अणुप्पविट्ठा?, गोयमा ! सरीरं गया सरीरं अणुप्पविट्ठा कूडागारसालादिटुंतो जाव सरीरं अणुप्पविट्ठा।।
अहोणं भंते ! गंगदत्ते देवे महड्डिए जाव महेसक्खे ?, गंगदत्तेणं भंते देवेणं सा दिव्वा देवड्डी दिव्वा देवजुत्ती किण्णा लद्धा जाव गंगदत्तेणंदेवेणंसा दिव्वा देवड्डी जाव अभिसमन्नागया?, गोयमादी समणे भगवं महावीरे भगवं गोयम एवं वयासी
एवं खलु गोयमा ! तेणं कालेणं २ इहेव जंबुद्दीवे २ भारहे वासे हथिणापुरे नामं नगरे होत्था वन्नओ, सहसंबवने उजाणे वन्नओ, तत्थणंहत्थिणापुरे नगरे गंगत्तेनामंगाहावती परिवसति अड्डे जाव अपरिभूए, तेणं कालेणं २ मुणिसुव्वए अरहा आदिगरे जाव सव्वन्नू सव्वदरिसी आगासगएणंचक्कणंजाव पकड्डिजमाणेणं प० सीसगणसंपरिवुडे पुव्वाणुपुट्विं चरमाणेगामाणुगामं जावजेणेव सहसंबवणे उजाणे जाव विहरति परिसा निग्गया जाव पञ्जुवासति
तएणं से गंगदत्ते गाहावती इमीसे कहाए लद्धढे समाणे हतुट्ठ जाव कयबलिजाव सरीरे साओ गिहाओ पडिनिक्खमति २ पायविहारचारेणं हत्थिणागपुरं नगरं मझमज्झेणं निग्गच्छति २ जेणेव सहसंबवने उजाणे जेणेव मुणिसुव्वए अरहा तेणेव उवागच्छइ २ मुणिसुव्वयं अरहं तिक्खुत्तो आ०२ जाव तिविहाए पञ्जुवासणाए पजुवासति।
तएणं मुनिसुव्वए अरहा गंगदत्तस्स गाहावतिस्स तीसे य महतिजाव परिसा पडिगया, तएणं से गंगदत्ते गाहावती मुनिसुव्वयस्स अरहओ अंतियं धम्मं सोचा निसम्म हट्टतुट्ठ० उट्ठाए उति २ मुनिसुव्वयं अरहं वंदति नमसति वंदित्ता नमंसित्ता एवं वयासी-सद्दहामि णं भंते! निग्गंथं पावयणंजाव से जहेयं तुझे वदह, जं नवरं देवाणुप्पिया ! जेटुपुत्तं कुटुंबे ठावेमि तएणं अहं देवाणुप्पियाणं अंतियं मुंडे जाव पव्वयामि।
अहासुहं देवाणुप्पिया! मा पडिबंधं, तए णं से गंगदत्ते गाहावई मुनिसुव्वएणं अरहया एवं वुत्ते समाणे हद्वतुट्ठ० मुणिसुब्वयं अरिहं वंदति न० २ मुनिसुव्वयस्स अरहओ अंतियाओ सहसंबवणाओ उजाणाओ पडिनिक्खमति प० २ जेणेव हत्थिणापुरे नगरे जेणेव सए गिहे तेणेव उवा०२ विउलं असणं पाणं जाव उवक्खडावेति उ०२ मित्तनातिनियगजाव आमंतेति आमंतेत्तातओ पच्छाण्हाए जहा पूरणेजाव जेठ्ठपुत्तं कुटुंबे ठावेतितं मित्तणातिजाव जेट्टपुत्तंच आपुच्छतिआ०२ पुरिससहस्सवाहणिंसीयंदुरूहतिपुरिससह०२ मित्तनातिनियगजावपरिजणेणं जेट्टपुत्तेण यसमणुगम्ममाणमग्गेसब्विड्डीएजावणादितरवेणं हस्थिणागपुरं मझमझेणं निग्गच्छइ नि०२ जेणेव सहसंबवने उज्जाणे तेणेव उवा० २ छत्तादिते तित्थगरातिसए पासति एवं जहा उदायणो जाव सयमेव आभरणं मुयइ स० २ सयमेव पंचमुट्ठियं लोयंकरेति स०२।
जेणेव मुनिसुव्वए अरहा एवंजहेवउदायणो तहेव पव्वइए, तहेव एक्कारस अंगाइंअहिज्जइ जावमासियाए संलेहणाए सटिंभत्ताइंअणसणाजावछेदेति सद्धिं भत्ताइं०२ आलोइय-पडिक्कते समाहिपत्तेकालमासे कालं किच्चा महासुक्केपप्पे महासामाणे विमाणे उववायसभाए देवसयणिज्जंसि जाव गंगदत्तदेवत्ताए उववन्ने।
तएणं से गंगदत्ते देवे अहुणोववन्नमेत्तएसमाणे पंचविहाए पञ्जत्तीए पञ्जत्तिभावंगच्छति,
Jain Education International
For Private & Personal Use Only
www.jainelibrary.org
| SR No. | 003310 |
| Book Title | Agam Suttani Satikam Part 06 Bhagvati |
| Original Sutra Author | N/A |
| Author | Dipratnasagar, Deepratnasagar |
| Publisher | Agam Shrut Prakashan |
| Publication Year | 2000 |
| Total Pages | 532 |
| Language | Prakrit, Sanskrit |
| Classification | Book_Devnagari, Agam, Canon, & agam_bhagwati |
| File Size | 12 MB |