________________
१७६
भगवती अङ्गसूत्रं (२) १५/-/-/६४८
चणं से गोसाले मंख० पु० हालाह० कुं० कुंभकारावणाओ पडिनि० पडिनि० आजीवियसंघसंपरिवुडे महया अमरिसं वहमाणे सिग्धं तुरियं जाव सावत्थि नगरिं मज्झंमज्झेणं निग्ग० २ जेणेव कोट्ठए चेइए जेणेव समणे भ० महा० तेणेव उवा० ते ० २ सणस्स भ० म० अदूरसामंते ठिचा समणं भ० महा० एवं वयासी
सुटु णं आउसो ! कासवा ! ममं एवं वयांसी साहू णं आउसो ! कासवा ! ममं एवं वयासीगोसाले मंखलिपुत्ते ममं धम्मतेवासी गोसाले ० २, जेणं से मंखलिपुत्ते तव धम्मंतेवासी से णं सुक्के सुक्काभिजाइए भवित्ता कालमासे कालं किञ्च्चा अन्नयरेसु देवलोएसु देवत्ताए उववन्त्रे ।
अहन्नं उदाइनामं कुंडियायणीए अज्जुणस्स गोयमपुत्तस्स सरीरगं विप्पजहामि, अ० २ गोसास्स मंखलिपुत्तस्स सरीरगं अणुप्पविसामि गो० २ इमं सत्तमं पउट्टपरिहारं परिहरामि, जेवि आई आउसो ! कासवा ! अम्हं समयंसि केइ सिज्झिसु वा सिज्झंति वा सिज्झिस्संति वा सव्वे ते चउरासीतिं महाकप्पसयसहस्साइं सत्त दिव्वे सत्त संजू हे सत्त संनिगब्भे सत्त पउट्टपरिहारे पंच कम्मणि सयसहस्साइं सट्ठि च सहस्साइं छच्च सए तिन्नि य कम्मंसे अनुपुव्वेणं खवइत्ता तओ पच्छा सिज्झति बुज्झंति मुच्चंति परिनिव्वाइंति सव्वदुखाणमंतं करेंसु वा करेति वा करिस्संति वा से जहा वा गंगा महानदी जओ पवूढा जहिं वा पज्जुवत्थिया एस णं अद्धपंचजोयणसयाई आयामेणं अद्धजोयणं विक्खंभेणं पंच घनुसयाइं उवेहेणं एएणं गंगापमाणेणं सत्तगंगाओ सा एगा महागंगा सत् महागंगाओ सा एगा सादीणगंगा सत्त सादीणगंगाओ सा एगा मधुगंगा सत्त मधुगंगाओ सा एगा लोहिय़गंगा सत्त लोहियगंगाओ सा एगा आवतीगंगा सत्त आवतीगंगाओ साएगा परमावती एवामेव सपुव्वावरेणं एगं गंगासयसहस्सं सत्तर सहस्सा छच्चगुणपन्नगंगासया भवतीति मक्खाया।
तासिं दुविहे उद्धारे पन्नत्ते, तंजहा- सुहुमबोदिकलेवरे चैव बायरबोदिलकेवरे चैव, तत्थ णं जे से सुहुमबोदिकलेवरे से ठप्पे तत्थ णं जे से बायरबोदिकलेवरे तओ णं वाससए २ गए २ एगमेगं गंगावालुयं अवहाय जावतिएणं कालेणं से कोट्टे खीणे नीरेए निल्लेवे निट्ठिए भवति सेत्तं सरे सरप्पमाणे, एएणं सरप्पमाणेणं तिन्नि सरसयसाहस्सीओ से एगे महाकप्पे चउरासीइ महाकप्पसयसहस्साइं से एगे महामानसे, अनंताओ संजूहाओ जीवे चयं चइत्ता उवरिल्ले माणसे संजूहे देवे उववज्जति ।
- से णं तत्थ दिव्वाइं भोगभोगाई भुंजमाणे विहरइ विहरित्ता ताओ देवलोगाओ आउक्खएणं भवक्खएणं ठिइक्खएणं अनंतरं चयं चइत्ता पढमे सन्निगब्भे जीवे पच्चायाति, से णं तओहिंतो अनंतरं उव्वट्ठित्ता मज्झिल्ले माणसे संजूहे देवे उववज्जइ । से णं तत्थ दिव्वाइं भोगभोगाई जाव विहरित्ता ताओ देवलोयाओ आउ० । जाव चइत्ता दोच्चे सन्निगब्भे जीवे पच्चायाति ।
- सेणं तओहिंतो अनंतरं उव्वट्टित्ता हेट्ठिल्ले माणसे संजूहे देवे उववज्जइ, से णं तत्थ दिव्वाइं जाव चइत्ता तच्चे सन्निगब्भे जीवे पच्चायाति, से णं तओहिंतो जाव उव्वट्टित्ता उवरिल्ले माणुसुत्तरे संजूहे देवे उववज्जिहिति, से णं तत्थ दिव्वाइं भोग जाव चइत्ता चउत्थे सन्निगब्भे जीवे पच्चायाति, से णं तओहिंतो अनंतरं उव्वट्टित्ता मज्झिल्ले माणुसुत्तरे संजूहे देवे उववज्जति ।
- से णं तत्थ दिव्वाइं भोग जाव चइत्ता पंचमे सन्निगब्भे जीवे पच्चायाति, से णं तओहिंतो
For Private & Personal Use Only
www.jainelibrary.org
Jain Education International