Page Text
________________
२४८
श्रीसिद्धहेमचन्द्रशब्दानुशासने अज्ञातकर्तृकायां ढुण्डिकायां ।
[संपत् ] 'पंदिच् गतौ' (१२५७) पद्, सम्पूर्व० । संपदनं = संपत् । [विपत् ] विपदनं = विपत् । [आपत्] आपदनं = आपत् । [व्यापत्] व्यापदनं = व्यापत् । [प्रतिपत् ] प्रतिपदनं = प्रतिपत् ।
सर्वत्र अनेन क्विप्प्र० । 'अप्रयोगीत्' (१।१।३७) क्विप्लोपः । प्रथमा सि । 'दीर्घङ्याब्'० (१।४।४५) सिलुक् । 'विरामे वा' (१२३५१) द० →त० ।
[संसत्] 'षद्लू विशरण-गत्यवसादनेषु' (९६६) षद् । षः सोऽष्ट्यै-ष्ठिव-ष्वष्कः' (२।३।९८) सद्, सम्पूर्व० । संसदनं = संसत् । अनेन क्विपप्र० । 'अप्रयोगीत्' (११।३७) विवप्लोपः । शेषं पूर्ववत् ।
[परिषत् ] परिषदनं = परिषत् । अनेन क्विप्प्र० । 'अप्रयोगीत्' (१।१।३७) क्विप्लोपः । 'सदोऽप्रतेः परोक्षायां त्वादेः' (२।३।४४) षत्वम् । शेषं पूर्ववत् ।
[ उपसत्] उपसदनं = उपसत् । अनेन क्विप्र० । 'अप्रयोगीत्' (१।१।३७) क्विप्लोपः । शेषं पूर्ववत् ।
[उपनिषत् ] उपनिषदनं = उपनिषत् । अनेन क्विप्र० । 'अप्रयोगीत्' (१।१।३७) क्विप्लोपः । 'सदोऽप्रतेः परोक्षायां त्वादेः' (२।३।४८) षत्वम् । शेषं पूर्ववत् ।
[निवित् ] 'विदक् ज्ञाने' (१०९९) विद् । 'विदिच् सत्तायाम्' (१२५८) विद्, निपूर्व० । निवेदनं = निवित् ।
[प्रशीः ] 'शासूक् अनुशिष्टौ' (१०९५) शास्, प्रपूर्व० । प्रशासनं = प्रशीः । अनेन क्विप्प्र० । 'क्वौ' (४।४।११९) इत्यनेन आकारस्य इ० । 'अप्रयोगीत्' (१।१।३७) क्विप्लोपः । प्रथमा सि । 'दीर्घङ्याब'० (१।४।४५) सिलुक् । 'सो रुः' (२।१।७२) स० → र० । 'पदान्ते' (२।१६४) दीर्घत्वम् । 'रः पदान्ते विसर्गस्तयोः' (१३५३) विसर्गः ।
[आशीः ] 'शासूक् अनुशिष्टौ' (१०९५) शास्, आयूर्व० । आशासनं = आशीः । अनेन क्विप्प्र० । 'आङ :' (४।४।१२०) आकारस्य इ० । 'अप्रयोगीत्' (१।१।३७) क्विप्लोपः । प्रथमा सि । 'दीर्घङ्याब्'० (१।४।४५) सिलुक् । 'सो रुः' (२।१।७२) स० → र० । ‘पदान्ते' (२।१।६४) दीर्घत्वम् । 'र: पदान्ते'० (१।३।५३) विसर्गः ।
[प्रतिश्रुत् ] 'श्रृंट् श्रवणे' (१२९६) श्रु, प्रतिपूर्व० । प्रतिश्रवणं = प्रतिश्रुत् । अनेन क्विप्प्र० । 'हुस्वस्यः तः पित्कृति' (४।४।११३) तोऽन्तः । 'अप्रयोगीत्' (१।१।३७) क्विप्लोपः ।
[उपश्रुत् ] उपश्रवणं = उपश्रुत् । अनेन क्विप्प्र० । 'हस्वस्य'० (४|४|११३) तोऽन्तः । 'अप्रयोगीत्' (१।१।३७) क्विप्लोपः ।
[परिस्रुत्] इं (११) - दुं (१२) - (१३) - शुं (१४) - 'लुं गतौ' (१५) स्रु, परिपूर्व० । परिस्रवणं = परित्रुत् । अनेन क्विप्प्र० । 'हस्वस्य'० (४।४।११३) तोऽन्तः । 'अप्रयोगीत्' (१।१।३७) क्विप्लोपः ।
[उपानत् ] 'णहींच् बन्धने' (१२८५) णह् । 'पाठे धात्वादेर्णो नः' (२।३।९७) नह, उपपूर्व० । उपनहनं = उपानत् । अनेन क्विप्र० । 'गति - कारकस्य नहि-वृति-वृषि-व्यधि-रुचि-सहि-तनौ क्वौ' (३२८५) उपस्य दीर्घः । 'अप्रयोगीत्' (१।१।३७) क्विप्लोपः । प्रथमा सि । 'दीर्घङ्याब'० (१।४।४५) सिलुक् । 'नहाहोर्ध-तौ' (२।१८५) ह. → ध० । 'विरामे वा' (१।३।५१) ध० → त० ।
Jain Education International
For Private & Personal Use Only
www.jainelibrary.org
| SR No. | 003295 |
| Book Title | Siddha Hemchandra Shabdanushasane Agyat kartuka Dhundika Part 05 |
| Original Sutra Author | N/A |
| Author | Vimalkirtivijay |
| Publisher | Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad |
| Publication Year | 2012 |
| Total Pages | 400 |
| Language | Hindi, Sanskrit |
| Classification | Book_Devnagari |
| File Size | 17 MB |