________________
१६६ , नवस्मरणाविसमाहे जे पुण गुरुपडिणीया, बहुमोहा ससबला कुसीला य। असमाहिणा मरंति, ते हंति अणंतसंसारी ॥४२॥ जिणवयणे अणुरत्ता, गुरुवयणं जे करंति भावेणं । असबलअसंकिलिट्ठा, ते हुंति परित्तसंसारी ॥४३॥ बालमरणाणि बहुसो, बहुआणि अकामगाणि मरणाणि। मरिहिंति ते वराया, जे जिणवयणं न याति ॥४४॥ सत्थरगहणं विसभक्खणं च जलणं च जलपवेसो अ। अणयार-भंडसेवी, जम्मणमरणाणुबंधीणि ॥४५॥ उड्ढमहे तिरियम्मि वि,मयाणि जीवेण बालमरणाणि । दसणनाणसहगओ, पंडियमरणं अणुमरिस्सं ॥४६॥ उव्वेयणयं जाई, मरणं नरएस वेअणाओ य । एआणि संभरंतो, पंडियमरणं मरसु इन्हि ॥४७॥ जइ उप्पजइ दुक्खं, तो दट्ठन्वो सहावओ नवरं । किं किं मए न पत्तं, संसारं संसरंतेणं?॥४८॥ संसारचक्कवाले, सव्वे वि य पुग्गला मए बहुसो। आहारिया य परिणामिआ य न य हं गओ तत्ति ॥४९॥ तणकटेहि व अग्गी, लवणजलो वा नईसहस्सेहि। न इमो जीवो सक्को, तिप्पेउं कामभोगेहिं ॥५०॥ आहारनिमित्तेणं, मच्छा गच्छति सत्तमि पुढविं । सच्चित्तो आहारो, न खमो मणसा वि पत्थेउं ॥५१॥ पुब्धि कयपरिकम्मो, अनियाणो जहिऊण मइबुद्धिं । पच्छामलिअकसाओ, सज्जो मरणं पडिच्छामि ॥५२॥
Jain Education International
For Private & Personal Use Only
www.jainelibrary.org