________________
नयस्मरणापिसारे खीरासव महुआसव, संभिन्नस्सोअ कुबुद्धी । चारण-उब्धि-पयाणुसारिणो साहुणो सरणं ॥३४॥ उझियवहरविरोहा, निश्चमदोहा पसंतमुहसोहा । अभिमयगुणसंदोहा, हयमोहा साहुणो सरणं ॥३॥ खंडिअसिणेहदामा, अकामधामा निकामसुहकामा। सुपुरिसमणाभिरामा, आयारामा मुणी सरणं ॥३६॥ मिल्हिअविसयकसाया,
उज्झिअघर-घरणिसंगसुहसाया। अकलिअहरिस-विसाया, माहू सरणं गयपमाया ॥३७॥ हिंसाइदोससुन्ना, कयकारुना सयंभुरुप्पन्ना । अजरा-ऽमरपहखुन्ना, साहू सरणं सुकयपुन्ना ॥३८॥ कामविडंबणचुका, कलिमलमुक्का विमुकचोरिका । पावरयसुरयरिका, साहुगुणरयणचिच्चिका ॥३९॥ साहत्तसुहिआ जं, आयरियाई तओ अ ते साह। साहुभणिएण गहिआ, तम्हा ते साहुणो सरणं ॥४॥ पडिवन्नसाहुसरणो, सरणं काउं पुणो वि जिणधम्म । पहरिसरोमंचपवंचकंचुअंचिअतणू भणइ ॥४१॥ पवरसुकएहि पत्तं, पत्तेहि वि नवरि केहि वि न पत्तं । तं केवलिपनत्तं, धम्म सरणं पवन्नो हं॥४२॥ पत्रोण अपत्तेण य, पत्ताणि य जेण नर-सुरसुहाई। मुक्खमुहं पुण पत्तेण नवरि धम्मो स मे सरणं ॥४३॥
Jain Education International
For Private & Personal Use Only
www.jainelibrary.org