________________
नदीसूत्रमङ्गलगाथाः।
नन्दीसूत्रमङ्गलगाथाः । जयइ जगजीवजोणीवियाणओ जगगुरू जगाणंदो । जगणाहो जगबंधू जयइ जगपियामहो भयवं ॥१॥ जयइ सुयाणं पभवो तित्थयराणं अपच्छिमो जयइ। जयइ गुरू लोयाणं जयइ महप्पा महावीरो ॥२॥ भदं सव्वजगुज्जोयगस्स भदं जिणस्स वीरस्स। भई सुरा-ऽसुरनमंसियस्स भदं धुयरयस्स ॥३॥ गुणभवणगहण ! सुयरयणभरिय !
दसणविसुद्धरच्छागा!। संघणगर ! भई ते अखंडचारित्तपागारा! ॥४॥ संजम-तवतुंबा-रस्स णमो सम्मत्तपारियल्लस्स । अप्पडिचक्कस्स जओ होउ सया संघचक्कस्स ॥५॥ भई सीलपडागूसियस्स तव-णियमतुरगजुत्तस्स । संघरहस्स भगवओ सज्झायसुणंदिघोसस्स ॥६॥ कम्मरयजलोहविणिग्गयस्स सुयरयणदीहनालस्स । पंचमहव्वयथिरकण्णियस्स गुणकेसरालस्स ॥७॥ सावगजणमहुयरिपरिवुडस्स जिणसूरतेयबुद्धस्स । संघपउमस्स भदं समणगणसहस्सपत्तस्स ॥८॥ तव-संजममयलंछण ! अकिरियराहुमुहदुद्धरिस ! णिचं। जय संघचंद ! णिम्मलसम्मत्तविसुद्धजुण्हागा! ॥९॥ परतित्थियगहपहणासगस्स तवतेयदित्तलेसस्स । णाणुजोयस्स जए भई दमसंघसूरस्स ॥१०॥
Jain Education International
For Private & Personal Use Only
www.jainelibrary.org
