________________
१२५
कालसप्ततिका। तहआरे पलिओवमअडंसि सेसम्मि कुलगरुप्पत्ती । जम्मद्धभरहमज्झिमतिभागनइसिंधुगंगतो ॥१७॥ पलिओवमदसमंसो, पढमस्साऊ तओ कमेणूणा । पंचसु असंखपुवा, पुव्वा नाभिस्स संखिजा ॥१८॥ पढमंसो कुमरत्ते, चरिमदसंसो अ बुड्ढभावम्मि । मज्झिल्लदसंसेसु जाण कालं कुलगराणं ॥१९॥ धणुसय नव अड सग सड्ढ
छ छ सड्ढपण पण पणीसुच्चा । कुलगरपिया वि कुलगरसमाउदेहा पिअंगुनिभा॥२०॥ सविमलवाहण चक्खुम, जसमं अभिचंदओ पसेणइ अ। मरुदेव नाभिकुलगर, तियअरगंते उसह भरहो ॥२१॥ चउथे अजिआइजिणा, तेवीस इगार चक्कि तहिँ सगरो। मघव सणकुमर संती, कुंथु अर सुभूम महपउमा ॥२२॥ हरिसेण जओ बंभु त्ति नव बला अयल विजय भद्दा य । सुप्पह सुदंसणाऽऽणंद नंदणा राम बलभद्दा ॥२३॥ विण्हु तिविटु दुविठू, सयंभु पुरिसुत्तमे पुरिससीहे। तह पुरिसपुंडरीए, दत्ते लक्खमण कण्हे अ ॥२४॥ आसग्गीवे तारय, मेरय महुकेढवे निसुंभे अ। बलि पहराए रावण, जरसिंधू नव पडिहरि त्ति ॥२५॥ एवं जिणचउवीसं, चक्की बार नव बल-हरी तयरी। नवनारएहि बिसयरि, सिलागपुरिसा तह इहाई ॥२६॥
___www.jainelibrary.org
Jain Education International
For Private & Personal Use Only
