Agam 42 Mool 03 Dashvaikalik Sutra Shwetambar Agam Guna Manjusha

SR No.: 003280
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 55
Language: Prakrit
Classification: Book_Devnagari, Agam, Canon, & agam_dashvaikalik
File Size: 5 MB

Page 22

[१३]
भाव
(४१) ओहनिज्जुत्ति ॥२॥ अजुगलिया अतुरंता विकहारहिया वयंति पढमं तु । निसिइत्तु डगलगहणं आवडणं वच्चमासज्ज ॥ ३॥ अणावायमसंलोए, परस्सणुवघाइए। समे अज्झसिरे यावि, अचिरकालकमि य || ४ || वित्थिणे दूरमोगाढे, नासण्णे बिलवज्जिए । तसपाणबीयरहिए, उच्चाराईणि वोसिरे ||५|| एगदुगतिगचउक्कगपंचछसत्तठ्ठनवगदसगेहिं । संजोगा कायव्वा भंगसहस्सा चउव्वीसं || ६ || उभयमुहं रासिदुगं हेठ्ठिल्लाणंतरेण भय पढमं । लद्धहरासिविभत्ते तस्सुवरिगुणं तु संजोगा । २५ प्र० । आयापवयणसंजम तिविहं उग्घाइमं तु नायव्वं । आरामं वच्च अगणी पिट्टण असुई य अन्नत्थ ॥ १७८ ॥ भा० । विसम पलोट्टण आया इयरस्स पलोट्टणंमि छक्काया । झुसिरंमि विच्छुगाई उभयक्कमणे तसाईया || ९ || जे जंमि उउंमि कया पयावणाईहि थंडिला ते उ । होतियरंमि चिरकया वासा वुच्छेय बारसगं ||१८०|| हत्थायामं चउरस्स जहण्णं जोयणे बिछक्कियरं । चउरंगुलप्पमाणं जहण्णयं दूरमोगाढं ॥१॥ दव्वासण्णं भवणाइयाण तहियं तु संजमायाए। आयापवयणसंजमदोसा || २ || होति बिले दो दोसा तसेसु बीएस वावि ते चेव । संजोगओ अ दोसा मूलगमा होति सविसेसा ॥ १८३॥ भा० । दिसिपवणगामसूरियछायाऍ जिऊण तिक्खुत्तो । जस्सोग्गहोत्ति काऊण वोसिरे आयमेज्जा वा || ३१७॥ उत्तरपुव्वा पुज्जा जम्माऍ निसियरा अहिवडंति । घाणाऽरिसा य पवणे सूरियगामे अवण्णो उ ||४|| भा० | संसत्तग्गहणी पुण छायाए निग्गयाए वोसिरइ । छायासइ उण्हंमिवि वोसिरिय मुहुत्तयं चिठ्ठे || १८५॥ भा० | उवगरणं वामे ऊरुगंमि मत्तं च दाहिणे हत्थे । तत्थऽन्नत्थ व पुंछे तिहि आयमणं अदूरंमि ||८|| पढमासइ अमणुन्नेयराण गिहियाण वावि आलोए। पत्तेयमत्त कुरूकुय दवं च पउरं गिहत्थेसु ||९|| तेण परं पुरिसाणं असोयवाईण वच्च आवायं । इत्थिनपुंसालोए परंमुह कुरूकुया सा उ || ३२०|| तेण परं आवायं पुरिसेअरइत्थियाण तिरियाणं । तत्थविअ परिहरेज्जा दुछिए दित्तचित्ते || १ || तत्तो इत्थिनपुंसा तिविहा तत्थवि असोयवाईसु । तहिअं तु सद्दकरणं आउलगमणं कुरूकुया य ॥२॥ अव्वोच्छिन्ना तसा पाणा, पडिहा न सुज्झई। तम्हा हठ्ठपहठ्ठस्स, अवद्वंभो न कप्पई ॥३॥ संचर कुंथुद्देहिअलूयावेहे तहेव दाली अ । घरकोइलिआ सप्पे विस्संभर उंदुरे सरडे ||४|| संचारगा चउद्दिि पुव्वि पडिलेहिएव अन्नेति । उद्देहि मूल पडणे विराहणा तदुभए भेओ || १८६ ॥ भा० | लूयाइचमढणा संजमंमि आयाए विच्छुगाईया । एवं घरकोइलिआ अहिउंदुरसरडमाईसु ॥ १८७॥ भा० | अतरंतस्स उ पासा गाढं दुक्खंति तेणऽवभे । संजयपट्टी थंभे सेलछुहाकुइडविट्टी ॥ ५॥ पंथं तु वच्चमाणा जुगंतरं चक्खुणा व पडिलेहा। अइदूरचक्खुपाए सुहुमतिरिच्छागय न पेहे ॥६॥ अच्चासन्ननिरोहे दुक्खं दठुंपि पायसंहरणं । छक्कायविओरमणं सरीर तह भत्तपाणे य ॥७॥ उड्ढमुहो कहरत्तो अवयक्खंतो वियक्खमाणो य। बातरकाए वहए तसेतरे संजमे दोसा ॥ ८॥ भा० । निरवेक्खो वच्वंतो आवडिओ खाणुकंटविसमेसु । पंचण्ह इंदियाणं अन्नतरं सो विराना || ९ || भत्ते वा पाणे वा आवडियपडियस्स भिन्नपाए वा । छक्कायविओरमणं उड्डाहो अप्पणी हाणी || १९० || दहि घय तक्कं पयमंबिलं व सत्थं तसेतराण भवे। खर्द्धमि य जणवाओ बहुफोडो जं च पारिहाणी ॥१९१॥ भा० । पत्तं च मग्गमाणे हवेज्ज पंथे विराहणा दुविंहा । दुविहाय भवे तेणा परिकम्मे सुत्तपरिहाणी ॥८॥ एसा पडिलेहणविही कहिया भे धीरपुरिसपन्नत्ता । संजमगुणड्ढगाणं निग्गंथाणं महरिसीणं ॥ ९ ॥ एयं पडिलेहणविहिं जुंजंता चरणकरणमाउत्ता। साहू खवंति कम्मं अणेगभवसंचियमणंतं ॥३३०|| पिंडं व एसणं वा एत्तो वोच्छं गुरूवएसेणं । गवेसणगहणघासेसणाए तिविहाए विसुद्धं || १ || पिंडस्स उ निक्खेवो चउक्कओ छक्कओ य कायव्वो । निक्खेवं काऊणं परूवणा तस्स कायव्वा ॥२॥ नामं ठवणापिंडो दव्वपिंडो य भावपिंडो य। एसो खलु पिंडस्स उ निक्खेवो चउविहो होइ ||३|| गोण्णं समय वाजं वावि हवेज्न तदुभएण कयं । तं बिति नामपिंडं ठवणापिंडं अओ वोच्छं ||४|| अक्खे वराडए वा कठ्ठे पोत्थे व चित्तकम्मे वा । सब्भावमसभावा ठवणापिंडं वियाणाहि ॥५॥ तिविहो य दव्वपिंडो सच्चित्तो मीसओ य अच्चित्तो। अच्चित्तो य दसविहो सच्चित्तो मीसओ नवहा ॥६॥ पुढवी आउक्काए तेऊवाऊवणस्सई चेव । बिअतिअचउरो पंचिंदिया य लेवो य दसमो उ ||७|| पुढविक्काओ तिविहो सच्चित्तो मीसओ य अचित्तो। सच्चित्तो पुण दुविहो निच्छयववहारिओ चेव ॥८॥ निच्छयओ सच्चित्तो पुढविमहापव्वयाण बहुमज्झे । अच्चित्तमीसवज्जो सेसो ववहारसच्चित्तो ||९|| खीरदुमहेठ्ठ पंथे कट्टोल्ला इंधणे य मीसो य। पोरिसि एगदुगतिगं बहुइंधणमज्झथोवे अ ॥ ३४० ॥ सीउण्हखारखत्ते अग्गीलोणूस अंबिले नेहे । वक्कंत जोणिएणं पओयणं तेणिमं होति ॥ १ ॥ अवरद्धिग विसबंधे लवणेण व सुरभिउवलएणं
श्री आगमगुणमंजूषा १५८९
XX