Agam 42 Mool 03 Dashvaikalik Sutra Shwetambar Agam Guna Manjusha

SR No.: 003280
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 55
Language: Prakrit
Classification: Book_Devnagari, Agam, Canon, & agam_dashvaikalik
File Size: 5 MB

Page 21

फ्र
(४१) ओहनिज्जुत्ति सव्वाराहणमिच्चसि तो णं निसामेहि ||२८०|| पंचिदिएहिं गुत्तो मणमाईतिविहकरणमाउत्तो। तवनियमसंजमंमि अ जुत्तो आराधओ होइ || १ || इंदियविसयनिरोहो पत्तेसुवि रागदोसनिग्गहणं । अकुसलजोगनिरोहो कुसलोदय एगभावो वा ॥ १६७॥ भा० । अब्भिंतरबाहिरगं तवोवहाणं दुवालसविहं तु । इंदियतो पुव्वत्तो नियमो कोहाइओ बिओ ||८|| पुढविदगअगणिमारूअवणस्सइबितिचउक्कपंचिंदी । अज्जीव पोत्थगाइसु गहिएस असंजमो जेणं ||९|| पेहेत्ता संजमो वृत्तो, उपेहित्तावि संजमो । पमज्जेत्ता संजमो वुत्तो, परिठ्ठावेत्तावि संजमो || १७०॥ ठाणाइ जत्थ चेए पुव्वं पडिलेहिऊण चेएज्जा | संजयगिहिचोयणऽचोयणे य वावार ओवेहा ॥ | १ || उवगरणं अइरेगं पाणाई वाऽवहट्टु संजमणं । सागारिएऽपमज्जण संजम सेसे पमज्जणया ||२|| जोगतिगं पुव्वभणिअं समत्तपडिलेहणाए अज्झाओ । चरिमाएँ पोरसीए पडिले त उ पायदुगं ॥ १७३॥ भा० | पोरिसि पमाणकालो निच्छयववहारिओ जिणक्खाओ। निच्छयओ करणजुओ ववहारमतो परं वोच्छं ॥ २८२ ॥ अयणाईयदिणगणे अट्ठगुणेगठ्ठिभाइए लब्द्धं । उत्तरदाहिणमाई पोरिसि पयसुज्झपक्खेवा ||३|| अठ्ठेगसठ्ठिभागा खयवुड्ढी होइ जं अहोरत्ते । तेणट्टगुणक्कारो एगठ्ठी सूरतेएणं ||प्र २४ || आसाढे मासे दो पया, पोसे मासे चउप्पया । चित्तसोएस मासेसु, तिपया हवइ पोरिसी ॥४॥ अंगुलं सत्तरत्तेणं, पक्खेणं तु दुअंगुलं । वड्ढए हायए वावि, मासेण चउरंगुलं ॥५॥ आसाढबहुलपक्खे भद्दवए कत्तिए य पोसे य । फग्गुणवइसाहेसु य बोद्धव्वा ओमरत्ताओ ||६|| जेठ्ठामूले आसाढसावणे छि अंगुलेहिं पडिलेहा । अठ्ठहिं बीअतियंमि य तइए दस अठ्ठहिं चउत्थे ||७|| उवउज्जिऊण पुव्वं तल्लेसो जइ करेइ उवओगं । सोएण चक्खुणा घाणओ य जीहाऍ फासेणं ||८|| पडिलेहणियाकाले फिडिए कल्लाणगं तु पच्छित्तं । पायस्स पासु बेठ्ठो सोयादुवउत्त तल्लेसो ॥ १७४॥ भा० | मुहणंतएण गोच्छं गोच्छगगहिअंगुली हिं पडलाई । उक्कुडुयभाणवत्थे पलिमंधाईसु तं न भवे ||९|| चउकोण भाणकण्णं पमज्ज पाएसरीय तिगुणं तु । भाणस्स पुप्फगय तो इमेहिं कज्जेहिं पडिलेहे ॥ २९० ॥ मूसयरयउक्केरे, घणसंताणए इय । उदए मट्टिआ चेव, एमेया पडिवत्तिओ ||१|| नवगनिवेसे दूराउ उक्केरो मूसएहिं उक्किण्णो । निद्धमहि हरतणू वा ठाणं त् पविसेज्ना ||२|| कोत्थलगारिअघरगं घणसंताणाइया व लग्गेज्जा । उक्केरं सठ्ठाणं हरतणु संचिठ्ठ जा सुक्को || ३ || इयरेसु पोरिसितिगं संचिक्खावेत्तु तत्तिअं छिदे । सव्वं वावि विगिंच पोराणं मट्टिअं ताहे ॥ ४ ॥ पत्तं पमज्जिऊणं अंतो बाहिं सई तु पप्फोडे । केइ पुण तिण्णि वारा चउरंगुल भूमि पडणभया ||५|| विटि अबंधणधरणे अगणीते य दंडियक्खोभे । उउबद्ध धरणबंधण वासासु अबंधणा ठवणा ||२९६ ॥ रयताण भाण धरणा उउबद्धे निक्खिवेज्ज वासासु । अगणीतेणभएण व रायक्खोभे विराहणया ॥ १७५ ॥ भा० | परिगलमाणा हीरेज्ज डहणा भेया तहेव छक्काया। गुत्तो व सयं डज्झे हीरेज्ज व जं च तेण विणा ॥ ६ ॥ वासासु नत्थि अगणी नेव य तेणा उ दंडिया सत्था । तेण अबंधणठवणा एवं पडिलेहणा पाए ||७|| भा० । अणावायमसंलोए अणवाए चेव होइ संलोए। आवायमसंलोए आवाए चेव संलोए ||७|| तत्थावायं दुविहं सपक्खपरपक्खओ य णायव्वं । दुविहं होइ सपक्खे संजय तह संजईणं च ||८|| संविग्गमसंविग्गा संविग्ग मणुण्णएयरा चेव । असंविग्गावि दुविहा तप्पक्खियएअरा चेव ||९|| परपक्खेविय दुविहं माणुस तेरिच्छिअं च नायव्वं । एक्केक्कंपि य तिविहं पुरिसित्थिनपुंसगे चेव ॥ ३००॥ पुरिसावायं तिविहं दंडिअ कोडुंबिए य पागइए । ते सोयऽसोयवाई एमेवित्थी नपुंसा य ॥ १ ॥ एए चेव विभागा परतित्थीणपि होइ मणुयाणं । तिरिआणंपि विभागा अओ परं कित्तइस्सामि ||२|| दित्तादित्ता तिरिआ जहण्णमुक्कोसमज्झिमा तिविहा। एमेवित्थिनपुंसा दुगुंछिअदुगुंछिआ नेया || ३ || गमण मणुण्णे इयरे वितहायरणंमि होइ अहिगरणं । पउरदवकरण दठ्ठे कुसील सेहऽण्णहाभावो ||४|| जत्थऽम्हे वच्चामो जत्थ य आयरइ नाइवग्गो णे। परिभव कामेमाणा संकेयगदिन्नया वावि ||५|| दव अप्प कलुस असई अवण्ण पडिसेह विप्परीणामो। संकाईया दोसा पंडित्थिगहे य जं चऽण्णं || ६ || आहणणाई दित्ते गरहिअतिरिएस संकमाईया। एमेव य संलोए तिरिए वज्जेतु मणुयाणं ||७|| कलुसदवे असई य व पुरिसालोए हवंति दोसा उ। पंडित्थीसुवि एए खद्धे वेउव्वि मुच्छा य ॥८॥ आवायदोस तइए बिइए संलोयओ भवे दोसा । ते दोवि नत्थि पढमे हिंगणं तत्थिमा मेरा ॥९॥ कालमकाले सण्णा कालो तइयाइ सेसयमकालो । पढमा पोरिसि आपुच्छ पाणगमपुप्फियऽण्णदिसिं ॥ ३१० || अइरेगगहण उग्गाहिएण आलोय पुच्छिउं गच्छे। एसा उ अकालंमी अणहिडिय हिंडिया कालो ॥१॥ कप्पेऊणं पाए एक्क्कस्स उ दुवे पडिग्गहए । दाउं दो दो गच्छे तिण्हsठ्ठ दवं तु घेत्तूणं
श्री आगमगुणमजूषा १५८८
[१२]