Agam 41 Mool 02 Ogh Niryukti Sutra Shwetambar Agam Guna Manjusha

SR No.: 003279
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 54
Language: Prakrit
Classification: Book_Devnagari, Agam, Canon, & agam_oghniryukti
File Size: 5 MB

Page 24

(४३) उत्तरऽज्झयणं (चउत्थं मूलसुत्तं) अ. १७, १८
[१६]
सोलसमं समत्तं ॥ १६ ॥ ★★★ १७ सत्तरसमं पावसमणिज्जं अज्झयणं ★ ★ ★ ५३०. जे केइ उ पव्वइए नियंठे धम्मं सुणित्ता विणओववन्ने । सुदुल्लहं हिउं बोहिलाभं विहरेज्ज पच्छा य जहासुहं तु ॥ १॥ ५३१. सेज्ना दढा पाउरणं मे अत्थि उप्पज्जई भोत्तु तहेव पाउं । जाणामि जं वट्टइ आउसो त्ति, किं नाम काहामि सुण भंते! || २ || ५३२. जे केइ उ पव्वइए निद्दासीले पकामसो । भोच्चा पेच्चा सुहं सुयइ पावसमणे त्ति वुच्चई ॥ ३ ॥ ५३३. आयरिय उवज्झाएहिं सुयं विणयं च गाहिए। ते चेव खिसई बाले पावसमणे त्ति वुच्चई ||४|| ५३४. आयरिय उवज्झायाणं सम्मं न पडितप्पई। अप्पडिपूयए थद्ध पावसमणे त्ति वुच्चई ||५|| ५३५. सम्मद्दमाणे पाणाणि बीयाणि हरियाणि य । असंजए संजयमन्नमाणे पावसमणे ति वच्चई ||६|| ५३६. संथारं फलगं पीढं निसेज्जं पायकंबलं । अपमज्जिय आरुहइ पावसमणेत्ति वुच्चई ||७|| ५३७. दवदवस्स चरई पमत्ते य अभिक्खणं । उल्लंघणे य चंडे य पावसमणे त्ति वुच्चई ||८|| ५३८. पडिलेहेइ पमत्ते अवउज्झ पायकंबलं । पडिलेहणाअणाउत्ते पावसमणे त्ति वुच्चई || ९ || ५३९. पडिले पमत्ते से किंचि हु निसामिया । गुरुपरिभावए निच्चं पावसमणे ति वच्चई ॥ १० ॥ ५४०. बहुमाई पमुहरी थद्दे लुद्धे अणिग्गहे । असंविभागी अचियत्ते पावसमणे त्ति वुच्चई ॥ ११ ॥ ५४१. विवायं च उदीरेइ अधम्मे अत्तपन्नहा । वुग्गहे कलहे रत्ते पावसमणे त्ति वच्चई ||१२|| ५४२. अथिरासणे कुक्कुइए जत्थ तत्थ निसीयई । आसणम्मि अणाउत्ते पावसमणे त्ति वुच्चई || १३ || ५४३. ससरक्खपाए सुवति सेज्जं न पडिलेहए । संथारए अणाउत्ते पावसमणे त्ति वुच्चई || १४ || ५४४. दुद्ध-दधी विगईओ आहारेइ अभिक्खणं । अरए य तवोकम्मे पावसमणे ति वच्चई || १५ || ५४५. अत्यंतम्मि य सूरम्मि आहारेइ अभिक्खणं । चोइओ पडिचोएइ पावसमणे त्ति वुच्चई ||१६|| ५४६. आयरियपरिच्चाई परपासंडसेवए । गाणंगणिए दुब्भूए पावसमणे त्ति वुच्चई ।।१७।। ५४७. सयं गेहं परिच्चज्ज परगेहंसि वावरे। निमित्तेण यववहरई पावसमणेत्ति वुच्चई || १८|| ५४८. सन्नायपिडं जेमेइ नेच्छई सामुदाणियं । गिहिनिसेज्जं च वाहेइ पावसमणे त्ति वुच्चई ॥ १९ ॥ ५४९. एयारिसे पंचकुसीलऽसंबुडे रूवंघरे मुणिपवराण हेट्ठिमे । अयंसि लोए विसमेव गरहिए न से इहं नेव परत्थ लोए ॥ २०॥ ५५०. जे वज्जए एए सा उ दोसे से सुव्वए होइ मुणीण मज्झे। अयंसि लोए अमयं व पूइए आराहए दुहओ लोगमणि ॥ २१ ॥ त्ति बेमि ॥ ★★★ ॥ पावसमणिज्जं समत्तं ॥१७॥ ★★★१८ अट्ठारसमं संजइज्जं अज्झयणं ★★★ ५५१. कंपिल्ले नयरे राया उदिन्नबल-वाहणे । नामेणं संजए नाम मिगव्वं उवणिग्ग ॥ १ ॥ ५५२. हयाणीए गयाणीए रहाणीए तहेव य । पायत्ताणीए महया सव्वओ परिवारिए ||२|| ५५३. मिए छिवेत्ता हयगए कंपिल्लुज्जाणकेसरे । भीए संते मिए तत्थ वहेइ रसमुच्छिए ||३|| ५५४. अह केसरम्मि उज्जाणे अणगारे तवोधणे । सज्झाय-ज्झाणसंजुत्ते धम्मज्झाणं झियाय || ४ || ५५५. अप्फोयमंडवम्मी झायई झवियासवे । तस्सागए मिए पास वहेइ से नराहिवे ||५|| ५५६. अह आसगओ राया खिप्पमागम्म सो तहिं । हुए मिए उपासित्ता अणगारं तत्थ पासई || ६ || ५५७. अह राया तत्थ संतो अणगारो मणाऽऽहओ। मए उ मंदपुन्नेणं रसगिद्धेण घन्नुणा ।।७।। ५५८. आसं विसज्जइत्ता णं अणगारस्स सो निवो। विणएण वंदई पाए भगवं ! एत्थ मे खमे ।।८।। ५५९. अह मोणेण सो भयवं अणगारो झाणमासिओ । रायाणं न पडिमंतेइ तओ राया भयद्दुओ ||९|| ५६०. संजओ अहमंसीति भयवं वाहराह मे । कुद्धे तेएण अणगारे sहेज्ज नरकोडिओ ॥१०॥ ५६१. अभओ पत्थिवा ! तुज्झं अभयदाया भवाहि य। अणिच्चे जीवलोगम्मि किं हिंसाए पसज्जसी ? ||११|| ५६२. जया सव्वं परिच्चज्ज गंतव्वमवसस्स ते । अणिच्चे जीवलोगम्मि किं हिंसाए पसज्जसी ? ||१२|| ५६३. जीवियं चेव रूवं च विज्जुसंपायचंचलं । जत्थ तं मुज्झसी रायं ! पेच्चत्थं T नावबुज्झसी ||१३|| ५६४. दाराणि य सुया चेव मित्ता य तह बंधवा । जीवंतमणुजीवंति मयं नाणुवयंति य ॥ १४ ॥ ५६५. नीहरंति मयं पुत्ता पियरं परमदुक्खिया । पियरो वि तहा पुत्ते बंधू रायं तवं चरे || १५|| ५६६. तओ तेणऽज्जिए दव्वे दारे य परिरक्खिए। कीलंतऽन्ने नरा रायं ! हट्ठतुट्टमलंकिया || १६ || ५६७. तेणावि जं कयं कम्मं सुहं वा जइवा दुहं । कम्मुणा तेण संजुत्ते गच्छती तु परं भवं ||१७|| ५६८. सोऊण तस्स सो धम्मं अणगारस्स अंतिए । महया संवेग - निव्वेयं समावन्नो नराहिवो ।। १८ ।। ५६९. संजओ चइउं रज्जं निक्खंतो जिणसासणे । गद्दभालिस्स भगवओ अणगारस्स अंतिए । १९ ॥ ५७०. चेच्चा रद्वं पव्वइए खत्तिए परिभासा । जहा
YOYOR श्री आगमगुणमंजूषा १६५५
ॐॐॐॐॐॐॐ