Agam 41 Mool 02 Ogh Niryukti Sutra Shwetambar Agam Guna Manjusha

SR No.: 003279
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 54
Language: Prakrit
Classification: Book_Devnagari, Agam, Canon, & agam_oghniryukti
File Size: 5 MB

Page 23

[१५]
(४३) उत्तरऽज्झयणं (चउत्थं मूलसुतं) अ. १६, १७ सन्निसेज्जागए विहरेज्जा ३ । ५ नो इत्थीणं इंदियाई मणोहराई मणोरमाइं आलोइत्ता निज्झाइत्ता भवति से निग्गंथे । तं कहमिइ ? निग्गंथस्स खलु इत्थी इंदियाइं मणोहराई मणोरमाइं आलोअमाणस्स निज्झायमाणस्स बंभचारिस्स बंभचेरे संका वा कंखा वा जाव केवलिपन्नत्ताओ वा धम्माओ भंसेज्जा । तम्हा खलु इत्थी इंदियाई मणोहराई मणोरमाइं आलोएज्जा निज्झाएज्जा ४ । ६ नो इत्थीणं कुतरंसि वा दूसंतरंसि वा भित्तिअंतरंसि वा कूइयसद्दं वा रुइयसद्द वा गीयसद्दं वा हसियसद्दं वा थणियसद्दं वा कंदियसद्दं वा विलवियसद्दं वा सुणेत्ता भवइ से निग्गंथे । तं कहमिति ? निग्गंथस्स खलु इत्थीणं कुतरंसि वा दूसंतरंसि वा भित्तिअतरंसि वा कूइयसद्दं वा जाव विलवियसद्दं सुणमाणस्स बंभचारिस्स बंभचेरे संका वा कंखा वा वितिगिंछा वा जाव केवलिपन्नत्ताओ वा धमाओ भंसेज्जा । तम्हा खलु नो निग्गंथे इत्थीणं कुडुंतरंसि वा जाव सुणमाणे विहरेज्जा ५ । ७ नो निग्गंथे पुव्वरयं पुव्वकीलियं अणुसरित्ता भवइ । तं कहमिति ? निग्गंथस्स खलु पुव्वरयं पुव्वकीलियं अणुसरमाणस्स बंभयारिस्स बंभचेरे संका वा कंखा वा जाव केवलिपन्नत्ताओ वा धम्माओ भंसेज्जा । तम्हा - खलु नो निग्गंथे पुव्वरयं पुब्वकीलियं अणुसरेज्जा ६ । ८ नो पणीयं आहारं आहारिता भवइ से निग्गंथे । तं कहमिति ? निग्गंथस्स खलु पणीयं पाण-भोयणं आहारेमाणस्स बंभयारिस्स बंभचेरे संका वा कंखा वा जाव केवलिपण्णत्ताओ वा धम्माओ भंसेज्जा । तम्हा खलु नो निग्गंथे पणीयं आहारं आहारेज्जा ७ । ९ नो अइमायाए पाण-भोयणं आहारिता भवइ से निग्गंथे । तं कहमिति ? निग्गंथस्स खलु अइमायाए पाण-भोयणं आहारेमाणस्स बंभयारिस्स बंभचेरे संका वा कंखा वाजाव केवलिपन्नत्ताओ वा धम्माओ भंसेज्जा । तम्हा खलु नो निग्गंथे अइमायाए पाण-भोयणं भुंजेज्ना ८ । १० नो विभूसाणुवाई भवइ से निग्गंथे । तं कहमिइ ? विभूसावत्तिए विभूसियसरीरे इत्थिजणस्स अहिलसणिज्जे भवइ । तओ णं तस्स इत्थिजणेणं अहिलसिज्जमाणस्स बंभयारिस्स बंभचेरे संका वा कंखा वा वितिगिंछा वा समुप्पज्जेज्जा, भेयं वा लभेज्जा, उम्मायं वा पाउणेज्जा, दीहकालियं वा रोगायंकं हवेज्जा, केवलिपन्नत्ताओ वा धम्माओ भंसेज्जा । तम्हा खलु नो निग्गंथे विभूसाणुवाई सिया ९ । ११ नो सद्द-रूव-रस-गंध-फासाणुवाई भवति से निग्गंथे तं कहमिति ?- निग्गंथस्स खलु सद्द- रुव-रस गंध फासाणुवाइस्स बंभयारिस्स बंभचेरे संका वा कखा वावितिगिंछा वा समुप्पज्जेज्जा, भेयं वा लभेज्जा, उम्मायं वा पाउणेज्जा, दीकालियं वा रोगायकं हवेज्जा, केवलिपन्नत्ताओ वा धम्माओ भंसेज्जा । तम्हा खलु नो सद् रूव-रस-गंध-फासाणुवाई हवइ से निग्गंथे । दसमे बंभचेरसमाहिट्ठाणे हवइ ||१०|| २ || ५१३. भवंति एत्थ सिलोगा, तं जहा जं विवित्तमणाइण्णं रहियं इत्थिजणेण य | बंभचेरस्स रक्खट्ठा आलयं तु निसेवए || ३ || ५१४. मणपल्हायजणणिं कामरागविवड्ढणिं। बंभचेररओ भिक्खू थीकहं तु विवज्जए ॥४॥ ५१५. समं च संथवं थीहिं संकहं च अभिक्खणं । बंभचेररओ भिक्खू निच्चसो परिवज्जए ॥ ५॥ ५१६. अंग-पच्चंगसंठाणं चारुल्लविय पेहियं । बंभचेररओ थीणं चक्खुगेज्झं विवज्जए ||६|| ५१७. कुइयं रुइयं गीयं हसियं थणिय कंदियं । बंभचेररओ थीणं सोयगेज्झं विवज्जए ॥ ७ ॥ ५१८. हासं किड्डुं रडं दप्पं सहसाऽवत्तासियाणि य | बंभचेररओ थीणं नाणुचिंते कयाइ वि ॥ ८ ॥ ५१९. पणीयं भत्त-पाणं तु खिप्पं मयविवड्ढणं । बंभचेररओ भिक्खू निच्चसो परिवज्जए || ९ || ५२०. धम्मलब्द्धं मियं काले जत्तत्थं पणिहाणवं । नाइमत्तं तु भुंजेज्जा बंभचेररओ सया ॥ १०॥ ५२१. विभूसं परिवज्जेज्जा सरीरपरिमंडणं । बंभचेररओ भिक्खू सिंगारत्थं न धारए ॥ ११ ॥ ५२२. सद्दे रूवे य गंधे य रसे फासे तहेव य । पंचविहे कामगुणे निच्चसो परिवज्जए ।।१२।। ५२३. आलओ थीजणाइन्नो थीकहा य मणोरमा । संथवो चेव नारीणं तासिं इंदियदरिसणं ||१३|| ५२४. कुइयं रुइयं गीयं सहभुत्तासियाणि य । पणीयं भत्त-पाणं च अइमायं पाण- भोयणं ।। १४ ।। ५२५. गत्तभूसणमिदं च कामभोगा य दुज्नया। नरस्सऽत्तगवेसिस्स विसं तालउड जहा ॥ १५॥ ५२६. दुज्जए कामभोगे य निच्चसो परिवज्जए । संकाठाणाणि सव्वाणि वज्जेज्जा पणिहाणवं ।। १६ ।। ५२७. धम्मारामे चरे भिक्खू धिइमं धम्मसारही धम्मारामरए दंते बंभचेरसमाहिए । १७।। ५२८. देव-दाणव- गंधव्वा जक्ख- रक्खस- किन्नरा । बंभयारिं नम॑संति दुक्करं जे करंति तं ।।१८।। ५२९. एस धम्मे धुवे नियए सासए जिणदेसिए । सिद्धा सिज्झति चाणेणं सिज्झिस्संति तहाऽवरे || १९|| त्ति बेमि ★ ★ ★ ॥ बंभचेरसमाहिट्ठाणं
1
2010 03
原
ZOOK श्री आगमगुणमंजूषा १६५४ ५५०