Page Text
________________
66666666666666
(३५) महानिसीह छेयसुत्त (२) अट्ठम अ.
वच्छे ! जं कट्ठारोहणं कीरइत्ति, ता तुमं सीलचारित्तं परिवालेमाणी दाणं देसु जहिच्छाए कुणसुय पोसहोववासाइं विसेसेणं तु जीवदयं, एयं रज्जं तुज्झति, ताणं गोमा ! जणणं एवं भणिया ठिया सा समप्पिया य कंचुईणं अंतेउररक्खपालाणं, एवं च वच्चंतेणं कालसमएणं तओ णं कालगए से नरिंदे अन्नया संजुज्जिऊणं महामहिं णं मंतीहिं, कओ तीए बालाए रायाभिसेओ, एवं च गोयमा ! दियहे दियहे देइ अत्थाणं, अहन्नया तत्थ णं बहुवंदचट्टभट्ट तडिगकप्पडिगचउरवियक्खणमंतिमहंतगाइपुरिससयसंकुलअत्थाणमंडवमज्झमि सीहासणोवविट्ठाए कम्मपरिणइवसेणं सरागाहिलासाए चक्खुए निज्झाए ती सव्वुत्तमरूवजोव्वण-लावण्णसिरिसंपओववेए भावियजीवाइपयत्थे एगे कुमारवरे, मुणियं च तेण गोयमा ! कुमारेणं-जहा णं हा हा ममं पेच्छिय गया एसा वराई घोरंधयारमणंतदुक्खदायगं पायालं, ता अहन्नोऽहं जस्स णं एरिसे पोग्गलसमुदाए तणू रागजंतं, किं मए जीविएणं ?, दे सिग्धं करेमि अहं इमस्स णं पावसरीरस्स संथारं, अब्भुट्ठेमिणं सुदुक्करं पच्छित्तं, जाव णं काऊण सयलसंगपरिच्चायं समणुट्ठेमि णं सयलपावनिद्दलणं अणगारधम्मं, सिढिलीकरेमि णं अणेगभवंतरविइन्ने सुदुव्विमोक्खे पावबंधणसंघाए, धिद्धिद्धी अव्ववत्थियस्स णं जीवलोगस्स जस्स एरिसे अणप्पवसे इंदियगामे अहो अदिट्ठपरलोगपच्चवायया लोगस्स अहो एक्कजम्माभिणिविट्ठचित्तया अहो अविण्णायकज्जाकज्जया अहो निम्मेरया अहो निप्परिहासया अहो परिच-तलज्जया हा हा हा न जुत्तमम्हाणं खणमवि विलंबिउं एत्थं एरिसे सुदुन्निवारसज्जपावागमे देसे, हा हा हा धट्ठारिए ! अहन्नेणं कम्मट्ठरासी जमुइरियं एइंए रायकुलबालियाए इमेणं कुट्ठपावसरीरूवपरिदंसणेणं णयणेसुं रागाहिलासे, परिचिच्चाणं इमे विसाए तओ गेण्हामि पव्वज्जंति चितिऊणं भणियं गोयमा ! तेणं कुमारवरेणं, जहा णं खंतमरिसियं णीसल्लं तिविहंतिविहेणं तिगरणसुद्धीए सव्वस्स अत्थाणमंडवरायउलपुरजणस्सेति भणिऊणं विणिग्गओ रायउलाओ, पत्तो य निययावासं, तत्थ णं गहियं पत्थयणं, दोखंडीकाऊण वऽसियं फेणावलीतरंगमउयं सुकुमालवत्थं परिहिएणं अद्धफलगे गहिएणं दाहिणहत्थेणं सुयणजणहियए इव सरलवित्तलयखंडे, तओ काऊणं तिहुयणेक्कगुरुणं अरहंताणं भगवंताणं जग-प्पवराणं धम्मतित्थंकराणं जहुत्तविहिणाऽभिसंथवणं वंदणं, से णं चलचलगई पत्ते णं गोयमा! दूरं देसंतरं से कुमारे जाव णं हिरण्णुक्करडी णाम राहाणी, ती राहाणीए धम्माय-रियाण गुणविसिट्ठाणं पउतिं अन्नेसमाणे चितिउं पयत्ते से कुमारे- जहा णं जाव णं ण केई गुणविसिट्टे धम्मायरिए मए समुवलद्धे ताविहइं चेव मएवि चिट्ठियव्वं, तो गयाणि कइव-याणि दियहाणि, भयामि णं एस बहुदेसविक्खायकित्ती णरवरिंदं, एवं च मंतिऊणं जाव णं दिट्ठो राया, कयं च कायव्वं, सम्माणिओ य णरणाहेणं, पडिच्छिया सेवा, अन्नया लद्धा वसरेणं पुट्ठो सो कुमारो गोयमा ! तेणं नरवइणा जहा भो भो महासत्ता ! स नामालंकिए एस तुज्झं हत्थंमि विरायए मुद्दारयणो ?, को वा ते सेविओ एवइयं कालं ?, के वा अ-वमाणए कए तुह सामिणत्ति ?, कुमारेण भणियं-जहा णं जस्स नामालंकि इमे मद्दारयणे से णं मए सेविए एवइयं कालं, जे णं मे सेविए एवइयं कालं तस्स नामालंकिए णं इमे मुद्दारयणे, तओ नरवइणा भणियं जहा णं किं तस्स सद्दकरणंति ?, कुमारेणं भणियं-नाहं अजिमिएणं तस्स चक्खुकुसीलाहम्मस्स णं सद्दकरणं समुच्चारेमि, तओ रण्णा भणियं जहा णं भो भो महासत्त ! केस एसो चक्कुसीलो भण्णे ? किं वा णं अजिमिएहिं तस्सद्दकरणं नो समुच्चारियए ?, कुमारेण भणियं जहा णं चक्खुकुसीलोत्ति सद्धाए, थाणंतरे-हिंतो जइ कहा (दा) इ इह तं दिट्ठपच्चयं होही तो पुण वीसत्थो साहीहामि, जं पुण तस्स अजिमिएहिं सद्दकरणं एतेणं ण समुच्चारयए, जहा णं जइ कहा (दा) इ अजिमिएहिं चेव तस्स वे राया सह कुमारेणं असेसपरियणेण च, (आणावियं) अट्ठारसखंडखज्जयवियप्पं णाणाविहमाहारं, एयावसरंमि भणियं नरवइणा- जहा णं भो भो महासत्त ! भणसु णीसंको तुमं संपयं तस्स णं चक्खुकुसीलस्स णं सद्दकरणं, कुमारेण भणियं जहा णं नरनाह ! भणिहामि भुत्तत्तरकालेणं, णरवइणा भणियं जहा णं भो महासत्त ! दाहिणकरधरिएणं कवलेणं संपयं चेव भणुस जे णं खु जइ एयाए कोडीए संठियाणं केई विग्घे हवेज्जा ताणमम्हावि सुदिट्ठपच्चए संते पुरपुरस्सरे तुज्झाणत्तीए अत्तहिंय समणुचिट्ठामो, तओ णं गोयमा ! भणियं तेण कुमारेणं-जहा णं एवं एवं अमुगं सद्दकरणं तस्स चक्खुकुसीलाहम्मस्स णं दुरंतपंतलक्खणअदट्ठव्वदुज्जायम्मस्सत्ति, ता गोयमा ! जाव णं चेवइयं समुल्लवे से णं कुमारवरे ताव णं अणोहिपवित्तिच एणेव समुद्धासियं तक्खणा परचक्केणं तं रायहाणी, समुद्धाइए णं सन्नद्धबद्धद्धए णिसियकरवालकुंतविप्फुरंतचक्काइपहरणाडोववग्गपाणी हणहणहणरावभीसणा बहुसमरसंघट्टादिण्ण-पिट्ठी जीयंतकरे अउलबलपरक्कमे णं महाबले परबले जोहे, ॐ श्री आगमगुणमंजूषा - १४३४
52
(७३]
2
| SR No. | 003277 |
| Book Title | Agam 39 Chhed 06 Maha Nishith Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 87 |
| Language | Prakrit |
| Classification | Book_Devnagari, Agam, Canon, & agam_mahanishith |
| File Size | 9 MB |