Page Text
________________
(GBK)
(२४-३३) दस पन्नयसुतेसु २ तंदुलवेयालिय [१६] तीसूणाई इत्थीयाए, वीसूणाई पंडगस्स ॥ १११ ॥ ४२३. आउसो ! इमस्स जंतुस्स रुहिरस्स आढयं, वसाए अद्धाढयं, मत्थुलिंगस्सपत्थो, मुत्तस्स आढयं, पुरीसस्स पत्थो, पित्तस्स कुलवो, सिंभस्स कुलवो, सुक्कस्स अद्धकुलवो। जं जाहे दुद्वं भवइ तं ताहे अइप्पमाणं भवइ ॥ ११२ ॥ ४२४. पंचकोट्टे पुरिसे, उक्कोट्ठा इत्थिया । नवसोए पुरिसे, इक्कारससोया इत्थिया । पंच पेसीसयाई पुरिसस्स, तीसूणाई इत्थियाए, वीसूणाई पंडगस्स ॥११३॥ [गा. सु. ११४-१६. सरीरस्स असुंदरत्तं ] ४२५. अब्भंतरंसि कुणिमं जो (जइ) परियत्तेउ बाहिरं कुज्जा । तं असुइं दवणं सया वि जणणी दुगुंछेज्जा ॥ ११४ ॥ ४२६. माणुस्सयं सरीरं पूईयं मंससुक्क-हड्डेणं । परिसंठवियं सोभइ अच्छायण-गंध-मल्लेणं ॥ ११५ ॥ ४२७. इमं चेव य सरीरं सीसघडीमेय-मज्ज-मसं-ऽट्ठिय-मृत्थुलिंग-सोणिय वालुंडय - चम्मकोसनासिय-सिंघाणय-धीमलालयं अमणुण्णगं सीसघडीभंजियं गलंतनयणकण्णोड-गंड-तालुयं अवालुया खिल्लचिक्कणं चिलिचिलियं दंतमलमइलं बीभच्छदरिसणिज्जं असंलग- बाहुलगअंगुली अंगुट्ठग-नहसंघिसंघायसंधियमिणं बहुरसियागारं नाल-खंधच्छिरा अणेगण्हारु- बहुधमणि- संधिनद्धं पागडउदर-कवालं कक्खनिक्खुडं कक्खगकलियं दुरंतं अट्ठि-धमणिसंताणसंतयं, सव्वओ समंता परिसवंतं च रोमकूवेहिं, सयं असुई, सभावओ परमदुब्भिगंधि, कालिज्जय- अंत- पित्त-जरहियय-फोप्फस-फेफस - पिलिहोदर - गुज्झ कुणिम नवछिड्ड थिविथिविथिविंत हिययं दुरहिपित्त सिंभ मुत्तो सहायतणं सव्वतो दुरंतं- गुज्झोरु-जाणु जंघा - पायसंघाय संधियं असुइ कुणिमगंधि; एवं चितिज्जमाणं बीभच्छदरिसणिज्जं अधुवं अनिययं असासयं सडण पडण- विद्धंसणधम्मं, पच्छा व पुरा व अवस्सचइयव्वं, निच्छयओ सुजाण, एयं आइ-निहणं, एरिसं सव्वमणुयाण देहं । एस परमत्थओ सभावो ॥ ११६ ॥ । [ गा. ११७-१९. सरीरादिस्स असुभत्तं ] ४२८. सुक्कम्मि सोणियम्मि य संभूओ जणणिकुच्छिमज्झम्मि । तं चेव अमेज्झरसं नव मासे घुटिउं संतो ॥११७॥ ४२९. जोणीमुहनिप्फिडिओ थणगच्छीरेण वडिओ जाओ । पगईअमेज्झमइओ किह देहो धोइउं सक्को ? ॥ ११८ ॥ ४३०. हा ! असुइसमुप्पन्नया य, निग्गया य तेण चेव य बारेणं । सत्तया मोहपसत्तया, रमंति तत्थेव असुइदारयम्मि ॥११९॥ [गा. १२० - ५३. इत्थीसरीरनिव्वे ओवएसो] ४३१. किह ताव घरकुडीरी कईसहस्सेहिं अपरितंतेहिं । वन्निज्जइ असुइबिलं जघणं ति सकज्जमूढेहिं ? ॥१२०॥ ४३२. रागेण न जाणंती य वराया कलमलस्स निद्धमणं । ता णं परिणंदंती फुल्लं नीलुप्पलवणं व ॥ १२१ ॥ ४३३. कित्तियमित्तं वण्णे ? अमिज्झमइयम्मि वच्चसंघाए। रागो हु न कायव्वो विरागमूले सरीरम्मि ॥१२२॥। ४३४. किमिकुलसयसंकिण्णे असुइमचोक्खे असासयमसारे । सेयमलपाच्चडम्मी निव्वेयं वच्चह सरीरे ॥१२३ ॥ ४३५. दंतमल- कण्णगूहग-सिंघाणमले य लालमलबहुले। एयारिसबीभच्छे दुगुंछणिज्जम्मि को रागो ? || १२४|| ४३६. को सडणपडण-विकिरण-विद्धंसण- चयण-मरण-मरणधम्मम्मि । देहम्मि अहीलासो कुहिय कठिणकडभूयम्मि ? ॥ १२५ ॥ ४३७. काग - सुणगाण भक्खे किमिकुलभत्ते य वाहिभत्ते य । देहम्मि मच्चुभत्ते सुसाणभत्तम्मि को रागो ? ||१२६|| ४३८. असुई अमेज्झपुन्नं कुणिम- कलेवरकुडिं परिसवंति । आगंतुयसंठवियं नवछिद्दमसासयं जाण ॥१२७॥ ४३९. पेच्छसि मुहं सतिलयं सविसेसं रायएण अहरेणं । सकडक्खं सवियारं तरलच्छिं जोव्वणत्थीए ॥१२८॥ ४४०. पिच्छसि बाहिरमहं, न पिच्छसी उज्झरं कलिमलस्स । मोहेण नच्चयंतो सीसघडीकंजियं पियसि ॥ १३० ॥ ४४१. सीसघडीनिग्गालं जं निवहसी दुगुंछसी जं च । तं चैव रागरत्तो मूडो अइमुच्छिओ पियसि ॥१३०॥ ४४२. पूइयसीसकवालं पूइयनासं च पुइदेहं च । पूइयह्निविछिडं पूइयचम्मेण य पिणद्धं ॥ १३१ ॥ ४४३. अंजणगुणसुविसुद्धं ण्हाणुव्वट्टणगुणेहिं सुकुमालं । पुप्फुम्मीसियकेसं जणेइ बालस्स तं रागं ॥ १३२ ॥ ४४४. जं सीसपूरओ त्ति य पुप्फाइं भांति मंदविन्नाणा | पुप्फाई चिय ताई सीसस्स य पूरयं सुणह ॥१३३॥ ४४५. मेदो वसा य रसिया खेले सिंघाणए छुभ एयं । अह सीसपूरओ भे नियगसरीरम्मि साहीणो ॥ १३४ ॥ ४४६. सा किर दुप्पडिपूरा वच्चकुडी दुप्पया नवच्छिद्दा । उक्कडगंधविलित्ता बालजणोऽइमुच्छियं गिद्धो || १३५ || ४४७. जं पेम्मरागरत्तो अवयासेऊण गूह-मुत्तोलिं । दंतमलचिक्कणंगं सीसघडीकंजियं पयसि ॥१३६॥ ४४८. दंतमुसलेसु गहणं गयाण, मंसे य ससय-मीयाणं । वालेसु य चमरीणं, चम्म नहे दीवियाणं च ॥ १३७ ॥ ४४९. पूइयकाए य इहं चवणमुहे निच्चकालवीसत्थो । आइक्खसु सब्भावं किम्ह सि गिद्धो तुमं मूढ !? || १३८।। ४५०. दंता वि अकज्जकरा, वाला वि विवहुमाणबीभच्छा। चम्मं पि य बीभच्छं, भण फ्र श्री आगमगुणमंजूषा - १३०० फ्र
66666
| SR No. | 003270 |
| Book Title | Dasa Prakirnaka Sutra Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 74 |
| Language | Prakrit |
| Classification | Book_Devnagari, Agam, Canon, F000, F020, agam_chatusharan, agam_aaturpratyakhyan, agam_mahapratyakhyan, agam_bhaktaparigna, agam_tandulvaicharik, agam_sanstarak, agam_gacchachar, & agam_chandra |
| File Size | 7 MB |