Dasa Prakirnaka Sutra Agam Guna Manjusha

SR No.: 003270
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 74
Language: Prakrit
Classification: Book_Devnagari, Agam, Canon, F000, F020, agam_chatusharan, agam_aaturpratyakhyan, agam_mahapratyakhyan, agam_bhaktaparigna, agam_tandulvaicharik, agam_sanstarak, agam_gacchachar, & agam_chandra
File Size: 7 MB

Page 17

(२४-३३) दम पइन्नयसत्तेसु १ देविदत्थओ [६]
аккккккккккеод सक्कस्स ठिई महाणुभागस्स १ । साहीया ईसाणे २ सत्तेव सणकुमारम्मि ३ ॥१७५ || १७६. माहिंदे साहियाई सत्त य ४ दस चेव बंभलोगम्मि ५ । चोद्दस लंतयकप्पे ६ सत्तरस भवे महासुक्के ७ ।। १७६ ।। १७७. कप्पम्मि सहस्सारे अट्ठारस सागरोवमाई ठिई ८ । आणय एगुणवीसा ९ वीसा पुण पाणए कप्पे १० ॥ १७७॥ १७८. पुण्णा य एकवीसा उदहिसनामाण आरणे कप्पे ११ । अह अच्चुयम्मि कप्पे बावीस सागराण ठिई १२ ।। १७८।। १७९. एसा कप्पईणं कप्पठिई वण्णिया समासेणं । गेवेज्जऽणुत्तराणं सुण अणुभागं विमाणाणं ॥ १७९॥ [गा. १८०-८३. गेवेज्जगदेवाणं नाम विमाणसंखा-ठिइआइ] १८०. तिण्णेव य गेवेज्जा हिट्ठिल्ला १ मज्झिमा २ य उवरिल्ला ३ । एक्क्कं पि य तिविहं, एवं दव होतिं गेवेज्जा ॥ १८० ॥। १८१. सुदंसणा १ अमोहा २ य सुप्पबुद्धा ३ जसोधरा ४ । वच्छा ५ सुवच्छा ६ सुमणा ७ सोमणसा ८ पियदंसणा ९ ।। १८१ ।। १८२. एक्कारसुत्तरं हेट्ठिमए, सत्तुतरं च मज्झिमए । सयमेगं उवरिमए, पंचेव अणुत्तरविमाणा ॥ १८२ ॥ १८३. हेट्ठिमगेवेज्जाणं तेवीसं सागरोवमाइं ठिई । एक्क्कमारुहिज्जा अट्ठहिं सेसेहिं नमियंगि ! || १८३ || [गा. १८४-८६. अणुत्तरदेवाणं नांम-विमाण-ठाण - ठिइआइ] १८४. विजयं १ च वे जयंत २ जयंत ३ मपराजियं ४ च बोद्धव्वं । सव्वट्टसिद्धनामं ५ होइ चउण्हं तु मज्झिमयं ॥ १८४ ॥ १८५. पुव्वेण होइ विजयं, दाहिणओ होइ वेजयंतं तु । अवरेणं तु जयंतं, अवराइयमुत्तरे पासे ॥। १८५ ।। १८६. एएसु विमाणेसु उ तेत्तीसं सागरोवमाई ठिई । सव्वट्टसिद्धनामे अजनुक्कोस तेत्तीसा || १८६ ।। [गा. १८७-८८. गेवेज्जगाऽणुत्तरदेवविमाणाण आगारो ] १८७. हेट्ठिल्ला उवरिल्ला दो दो चुवलऽद्रचंदसंठाणा । पडिपुण्णचंदसंठाणसंठिया मज्झिमा चउरो ॥ १८७॥। १८८. गेवेज्जावलिसरिस्सा गेवेज्जा तिण्णि तिण्णि आसन्ना । हुल्लुयसंठाणाई अणुत्तराई विमाणाई ॥ १८८॥ [गा. १८९-९० वेमाणियदेवविमाणाणं पइट्ठाणं ] १८९. घणउदहिपइट्ठाणा सुरभवणा दोसु होति कप्पेसुं । तिसु वाउपइट्ठाणा, तदुभयसुपइट्ठिया तिन्नि ॥ १८९॥। १९०. तेण परं उवरिमया आगासंतरपइट्ठिया सव्वे । एस पइट्ठाणविही उट्टं लोए विमाणाणं ॥ १९०॥ [ गा. १९१- २७६. देवाणं सामण्ण-विसेसओ विविहा परूवणा] [गा. १९१-९३. देवाणं लेसाओ ] १९१. किण्हानीला - काऊ - तेऊलेसा य भवण-वंतरिया । जोइस सोहम्मीसाणे तेउलेसा मणुयव्वा ॥ १९१ ।। १९२. कप्पे सणकुमारे माहिदे चेव बंभलोगे य । एएसु पम्हलेसा, तेण परं सुक्कलेसा उ ॥ १९२॥। १९३. कणगत्तयरत्ताभा सुरवसभा दोसु होति कप्पेसु । तिसु होति पम्हगोरा, तेण परं सुक्किला देवा ॥ १९३ ।। [ गा १९४-९८. देवाणं उच्चत्तं- ओगाहणा] १९४. भवणवइ वाणमंतर - जोइसिया होति सत्तरयणीया । कप्पवईण य सुंदरि ! सुण उच्चत्तं सुरवराणं ॥ १९४॥। १९५. सोहम्मे ईसाणे य सुरवरा होत सत्तरयणीया । दो दो कप्पा तुल्ला दोसु वि परिहायए रयणी ॥ १९५ ॥ १९६. गेवेज्जेसु य देवा रयणीओ दोन्नि होति उच्चा उ । रयणी पुण उच्चत्तं अणुत्तरविमाणवासीणं ।।१९६॥। १९७. कप्पाओ कप्पम्जिस्स तठई सागरोवमऽब्भहिया। उस्सेहो तस्स भवे इक्कारसभागपरिहीणो || १९७।। १९८. जो य विमाणुस्सेहो पुढवीण य जं च होइ बाहल्लं । दोण्हं पि तं पमाणं बत्तीसं जोयणसयाई ॥ १९८॥ [ गा. १९९-२०२. देवाणं पवीयारणा ] १९९. भवणवइ-वाणमंतर - जोइसिया हुंति कायपवियारा । कप्पवईण वि सुंदरि ! वोच्छं पवियारणविही उ ॥ १९९ । २००. सोहम्मीसाणेसुं च सुरवरा होति कायपवियारा। सणकुमार-माहिदेसु फासपवियारया देवा ॥ २००॥ २०१. बंभे लंतयकप्पे य सुरवरा होति रूवपवियारा । महसुक्क सहस्सारेसु सद्दपवियारया देवा ॥ २०१ ।। २०२. आणय-पाणयकप्पे आरण तह अच्चुए कप्पम्मि । देवा मणपवियारा परओ पवियारणा नत्थि ॥ २०२॥ [गा. २०३-४. देवाणं गंधो दिट्ठी य] २०३. गोसीसाऽगुरु-केययपत्ता-पुन्नाग- बउलगंधा य। चंपय-कुवलयगंधा तगरेलसुगंधगंधा य ॥२०३॥। २०४. एसा गं गंधविही उवमाए वण्णिया समासेणं । दीट्ठीए वि य तिविहा थिर सुकुमारा य फासेणं ॥२०४॥ [गा. २०५-८. आवलिय-पइण्णविमाणाणं संखा अंतरं च ] २०५. तेवीसं च विमाणा चउरासीइं च सयसहस्साइं । सत्ताणउइ सहस्सा उलोए विमाणाणं ८४९७०२३ ||२०५|| २०६. अउणाणउइ सहस्सा चउरासीइं च सयसहस्साइं । एगूणयं दिवडुं सयं च पुप्फावकिण्णाणं ८४८९१४९ ||२०६|| २०७. सत्तेव सहस्साइं सयाई चोवत्तराइं अट्ठ भवे७८७४ । आवलियाइ विमाणा, सेसा पुप्फावकिण्णाणं ॥ २०७॥ २०८. आवलियविमाणाणं तु अंतरं नियमसो असंखेज्जं । संखेज्जमसंखेज्जं भणियं पुप्फावकिन्नाणं ॥ २०८॥ [गा. २०९-१३. आवलियाइविमाणाणं आगारा कमो य २०९. आवलियाइ विमाणा वट्ठ तंसा तहेव चउरंसा । श्री आगमगुणमंजूषा - १२९०