Page Text
________________
KOKO
(२४-३३) दस पन्नयसुत्तेसु १ देविदत्यओ
अफ्र
हुए नियमा । तेवेण कमेण पुणो परिहायइ निक्खमिंताणं ॥ १४०॥ १४१. तेसिं कलंबुयापुप्फसंठिया होति तावखेत्तमुहा । अंतो य संकुला बाहिं वित्थडा चंदसूराणं ॥ १४९॥ [गा. १४२-४६. चंदस्स हाणी वड्डी य] १४२. केणं वड्ढइ चंदो ? परिहाणी वा वि केण चंदस्स ? । कालो वा जोण्हा वा केणऽणुभावेण चंदस्स ? || १४२|| १४३. किण्हं राहुविमाणं निच्चं चंदेण होइ अविरहियं । चउरंगुलमप्पत्तं हिट्ठा चंदस्स तं चरइ || १४३|| १४४. बावट्ठि बावट्ठि दिवसे दिवसे तु सुक्क पक्खस्स । जं परिवड्डइ चंदो, खवेइ तं चेव कालेणं ॥ १४४॥। १४५. पन्नरसइभागेण य चंदं पन्नरसमेव संकमइ । पन्नरसइभागेण य पुणो वि तं चेव पक्कमइ ॥१४५॥। १४६. एवं वढ्ढइ चंदो, परिहाणी एव होइ चंदस्स । कालो वा जोण्हा वा तेणऽणुभावेण चंदस्स ॥१४६॥ [गा. १४७-४८. जोइसियाणं चर-थिरविभागो] १४७. अंतो मणुस्सखेत्ते हवंति चारोवगा य उववण्णा । पंचविहा जोइसिया चंदा सूरा गहगणा य || १४७|| १४८. तेण परं जे सेसा चंदाऽऽइच्च-गह-तार-नक्खत्ता | नत्थि गई, न वि चारो, अवट्ठिया ते मुणेयव्वा ॥ १४८॥ [गा. १४९-५८. जंबुद्दीवाईसु चंद-सूराईणं संखा अंतरं च] १४९. एए जंबुद्दीवे दुगुणा, लवणे चउग्गुणा होति । कालोयणा(?लावणगा य) तिगुणिया ससि - सूरा धायइसंडे || १४९ ॥ १५०. दो चंदा इह दीवे, चत्तारि य सागरे लवणतोए । धायइसंडे दीवे बारस चंदा य सूराय ॥ १५०॥ १५१. धायइसंडप्पभिई उद्दिट्ठा तिगुणिया भवे चंदा । आइल्लचंदसहिया अणंतराणंतरे खेत्ते ॥ १५१ ॥ १५२. रिक्ख-ग्गह-तारग्गं दीव-समुद्दे जइच्छसे नाउं । तस्स ससीहि उ गुणियं रिक्ख-ग्गह- तारयग्गं तु ॥ १५२ ॥ १५३. बहिया उ माणुसनगस्स चंद-सूराणऽवट्ठिया जोगा । चंदा अभिईजुत्ता, सूरा पुण होति पुस्सेहिं ।।१५३।। १५४. चंदाओ सुरस्स य सूरा चंदस्स अंतरं होइ । पण्णास सहस्साइं [तु] जोयणाणं अणूणाई ॥ १५४ ॥ १५५. सूरस्स य सूरस्स य ससिणो ससिणो य अंतरं होइ । बहिया उ माणुसनगस्स जोयणाणं सयसहस्सं ॥ १५५॥ १५६. सूरंतरिया चंदा, चंदंतरिया य दिणयरा दित्ता । चित्तंतरलेसागा सुहलेसा मंदलेसा य ॥ १५६ ।। १५७. अट्ठासीइं च गहा, अट्ठावीसं च होति नक्खत्ता। एगससीपरिवारो, एत्तो ताराण वोच्छामि ॥ १५७॥। १५८. छावट्ठिसहस्साई नव चेव सयाइं पंचसयराई । एगससीपरिवारो तारागणकोडिकोडीणं ॥ १५८॥ [गा. १५९-६१. जोइसिय देवाणं ठिई ] १५९. वाससहस्सं पलिओवमं च सूराण साठई भणिया १ | पलिओवम चंदाणं वाससयसहस्समब्भहियं २ ॥ १५९|| १६०. पलिओवमं गहाणं ३ नक्खत्ताणं च जाण पलियद्धं ४ । पलियचउत्थो भागो ताराण विसाठई भणिया ५ ।। १६० ।। १६१. पलिओवमऽट्टभागो ठिई जहण्णा उ जोइसगणस्स । पलिओवममुक्कोसं वाससयसहस्समब्भहियं ॥ १६ ॥ [ गा. १६२-९०. वेमाणियदेवाधिगारो] [गा. १६२-६६. कप्पवेमाणियाणं बारस इंदा] १६२. भवणवइ - वाणमंतर - जोइसवासीठिई मए कहिया । कप्पवई वि य वोच्छं बारस इंदे महिड्डीए॥१६२ ।। १६३. पढमो सोहम्मवई १ ईसाणवई उ भन्नए बीओ २ । तत्तो सणकुमारो हवइ ३ चउत्थो उ माहिंदो ४ || १६३|| १६४. पंचभओ पुण बंभो ५ छट्टो पुण लंतओत्थ देहिंदो ६ । सत्तमओ महसुक्को ७ अट्ठमओ ७ भवे सहस्सारो ८ ॥ १६४ ॥ १६५. नवमो य आणइंदो ९ दसमो पुण पाणओऽत्थ देविंदो १०। आरण एक्कारसमो ११ बारसमो अच्चुओ इंदो १२ || १६५ || १६६. एए बारस इंदा कप्पई कप्पसामिया भणिया । आणाईसरियं वा तेण परं नत्थि देवाणं ॥१६६॥ [गा. १६७-६८. गेवेज्जऽणुत्तरेसु इंदाभावो, अन्नलिंगि- दंसणवावन्नाणं गेवेज्ज पज्जंतुववायपरूवणं च] १६७. तेण परं देवगणा सयइच्छियभावणाई उववन्ना । गेविज्जेहिं न सक्का उववाओ अन्नलिंगेणं ॥ १६७॥। १६८. जे दंसणवावन्ना लिंगग्गहणं करेति सामण्णे । तेसिं पि य उववाओ उक्कोसो जाव गेवेज्जा ॥ १६८ ॥ [गा. १६९-७४. वेमाणियइंदाणं विमाणसंखा ] १६९. इत्थ किरविमाणाणं बत्तीसं वण्णिया सयसहस्सा । सोहम्मकप्पवइणो सक्कस्स महाणुभागस्स १ ॥१६९॥ १७०. ईसाणकप्पवइणो अट्ठावीसं भवे सयसहस्सा २ । बारस य सयसहस्सा कप्पम्मि सणकुमारम्मि ३ ॥१७०।। १७१. अट्ठेव सयसहस्सा माहिंदम्मि उ भवंति पम्म ४ | चार सयसहस्सा कप्पम्मि उ बंभलोगम्मि ५ || १७१ ।। १७२. इत्थ किर विमाणाणं पन्नासं लंतए सहस्साइं ६ । चत्ता य महासुक्के ७ छच्च सहस्सा सहस्सारे ८ ||१७२|| १७३. आणय पाणकप्पे चत्तारि सयाऽऽरणऽच्चुए तिन्नि ११-१२ । सत्त विमाणसयाड्रं चउसु वि एएसु कप्पेसु || १७३ || १७४. एयाई विमाणाई कहियाइं जाई जत्थ कप्पम्मिं । कप्पवईण वि सुंदरि ! ठिईविसेसे निसामेहि ॥ ९७४ ॥ [ गा. १७५- ७९. वेमाणियइंदाणं ठिई ] १७५. दो सागरोवमाइं
T
[५]
| SR No. | 003270 |
| Book Title | Dasa Prakirnaka Sutra Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 74 |
| Language | Prakrit |
| Classification | Book_Devnagari, Agam, Canon, F000, F020, agam_chatusharan, agam_aaturpratyakhyan, agam_mahapratyakhyan, agam_bhaktaparigna, agam_tandulvaicharik, agam_sanstarak, agam_gacchachar, & agam_chandra |
| File Size | 7 MB |