Agam 19 Upang 08 Niryavalika Sutra Shwetambar Agam Guna Manjusha

SR No.: 003269
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 34
Language: Prakrit
Classification: Book_Devnagari, Agam, Canon, F000, F005, agam_nirayavalika, agam_kalpavatansika, agam_pushpika, agam_pushpachulika, & agam_vrushnidasha
File Size: 4 MB

Page 31

(२२) पुप्फचूलियाणं
परियणेणं सद्धि संपरिवुडे सव्विड्ढीए जाव दुंदुहि निग्घोसणाइयरवेणं) रायगिहं नयरं मज्झमज्झेणं जेणेव गुणसिलए चेइए तेणेव उवागए छत्तातीए तित्थयरातिसए पासइ पासित्ता सीयं ठवेइ ठवेत्ता भूयं दारियं सीयाओ पच्चोरुहेइ तए णं तं भूयं दारियं अम्मापियरो पुरओ काउं जेणेव पासे अरहा पुरिसादाणीए तेणेव उवागया तिक्खुत्तो वंदंति नमंसंति वंदित्ता नमंसित्ता एवं वयासी एवं खलु देवाणुप्पिया भूया दारिया अम्हं धूया इट्ठा एस णं देवाणुप्पिया संसारभउव्विग्गा भीया जम्मणमरणाणं देवाणुप्पियाणं अंतिए मुंडा भवित्ता अगाराओ अणगारियं पव्वयाइ तं एयं णं देवाणुप्पिया सिस्सिणीभिक्खं दलयामो पडिच्छंतु णं देवाणुप्पिया सिस्सिणिभिक्खं अहासुहं देवाणुप्पिया तए णं सा भूया दारिया पासेणं अरहा एवं वुत्ता समाणी हट्टतुट्ठा उत्तरपुरत्थिमं दिसीभागं अवक्कमई अवक्कमित्ता सयमेव आभरणमल्लालंकारं ओइ जहा देवाणंदा पुप्फचूलाणं अंतिए जाव गुत्तबंभयारिणी तए णं सा भूया अज्जा अण्णया कयाइ सरीरबा ओसिया जाया यावि होत्था-अभिक्खणं अभिक्खणं हत्थे धोवइ पाए धोवइ सीसं धोवइ मुहं धोवइ थणगंतराई धोवइ कक्खंतराई धोवइ गुज्झंतराइं धोवइ जत्थ जत्थ वि य णं ठाणं वा सेज्जं वा निसीहियं वा चेइए तत्थ-तत्थ वि य णं पुव्वामेव पाणएणं अब्भुक्खेइ तओ पच्छा ठाणं वा सेज्जं वा निसीहियं वा चेएइ तए णं ताओ पुप्फचूलाओ अज्जाओ भूयं अज्जं एवं वयासी-अम्हे णं देवाणुप्पिए समणीओ निग्गंथीओ इरियासमियाओ जाव गुत्तबंभयारिणीओ नो खलु कप्पइ अम्हं सरीरबाओसियाणं होत्तए तुमं च णं देवाणुप्पिए सरीरबाओसिया अभिक्खणं अभिक्खणं हत्थे धोवसि जाव निसीहियं चेएसिं तं णं तुमं देवाणुप्पिए एयस्स ठाणस्स आलोएहिं सेसं जहा सुभद्दाए जाव पाडिएककं उवस्सयं उवसंपज्जित्ताणं विहरइ तए णं सा भूया अज्जा अणोहट्टिया अणिवारिया सच्छंदमइ अभिक्खणं अभिक्खणं हत्थे धोवइ जाव निसीहियं वा चेएइ एणं सा भू अज्जा बहूहिं चउत्थ छट्ठ - (ट्ठम- दसम दुवालसेहिं मासद्ध-मासखमणेहिं विचित्तेहिं तवोकम्मेहिं अप्पाणं भावेमाणी) बहूइं वासाई सामण्णपरियागं तस्स ठाणस्स अणालोइयपडिक्कंता कालमासे कालं किच्चा सोहम्मे कप्पे सिरिवडेंसए विमाणे उववायसभाए देवसयणिज्जंसि (देवदूसंतरिया अंगुल असंखेज्जइभागमेत्ताए) ओगाहणए सिरिदेवित्ताए उववण्णा पंचविहाए पज्जत्तीए जाव भासमणपज्जत्तीए पज्जत्तभावं गया एवं खलु गोयमा सिरीए देवीए एसा दिव्वा देविड्ढी लद्धा पत्ता ठिई एगं पलिओवमं सिरी णं भंते देवी (ताओ देवलोगाओ आउक्खएणं भवक्खणं ठिइक्खएणं अनंतरं चरं चइत्ता) कहिं गच्छहि कि उववज्जिहि गोयमा महाविदेहे वासे सिज्झिहिइ एवं खलु जंबू (समणेणं भगवया महावीरेणं जाव संपत्तेणं पुप्फचूलियाणं पढमस्स अज्झयणस्स अयमट्ठे पन्नत्ते बेमि) एवं सेसाणवि नवण्हं भाणियव्वं सरिनामा विमाणा सोहम्मे कप्पे पुव्वभवे नयरचेइयपियमाईणं अप्पणो य नामाई जहा संगहणीए सव्वा पासस्स अंतिए निक्खता पुप्फचूलाणं सिस्सिणीयाओ सरीरबाउसियाओ सव्वाओ अनंतरं चयं चइत्ता महाविदेहे वासे सिज्झिर्हिति । १ । (२९) एक्कारसमं उवंगं समत्तं
पुप्फचूलियाणं समत्तं
KGRO
5 श्री आशमा 1973
[२]
KEROR