Page Text
________________
FQXON
OLO%%%%%%%%%%%%%%%] __(१९-२२) निरयावलि प (१) कप्पिया काले २]
5%%%%%%%%%%%% %%% O2 विणएणं पंजलिउडा पज्जुवासति, तते णं समणे भगवं जाव कालीए देवीए तीसे य महतिमहालियाए धम्मकहा भाणियव्वा जाव समणोवासए वा समणोवासिया वा जविहरमाणा आणाए आराहए भवति, ततेणं सा काली देवी समणस्स भगवओ० अंतियं धम्म सोच्चा निसम्म जाव हियया समणं भगवं० तिक्खुत्तो जाव एवं वदासी
एवं खलु भंते ! मम पुत्ते काले कुमारे तीहिं दंतिसहस्सेहिं जाव रहमुसलसंगामं ओयाते सेणं भंते ! किं जइस्सति? नो जइस्सति ? जाव कालं कुमारं अहं जीवमाणं ॐ पासिज्जा ?, कालीति समणे भगवं० कालिं देवि एवं वयासी- एवं खलु काली ! तव पुत्ते काले कुमारे तीहिं दंतिसहस्सेहिं जाव कूणिएणं रन्ना सद्धिं रहमुसलं संगाम 5 संगामेमाणे हयमहियपवरवीरघातितनिवडितचिंधज्झयपडागं निरालोयातो दिसातो करेमाणे चेडगस्स रन्नो सपक्खिं सपडिदिसि रहेणं पडिरहं हव्वमागते, ततेणं
से चेडए राया कालं कुमारं एज्जमाणं पासति त्ता आसुरुत्ते जाव मिसिमिसेमाणे धणुं परामुसति त्ता उसुं परामुसइ त्ता वइसाहं ठाणं ठाति त्ता आययकण्णायतं उसुं करेमाणे कालं कुमारं एगाहच्चं कूडाहच्चं जीवियाओ ववरोवेति, तं कालगते णं काली ! काले कुमारे, नो चेव णं तुमं कालं कुमारं जीवमाणं पासिहिसि, तते णं सा काली देवी समणस्स भगवओ० अंतियं एयमढे सोच्चा निसम्म महया पुत्तसोएणं अप्फुन्ना समाणी परसुनियत्ताविव चंपगलता धसत्ति धरणीतलंसि सव्वंगेहिं संनिवडिया, ततेणं सा काली देवी मुहुत्तरेणं आसत्था विसत्था समाणी उट्ठाए उठेति त्ता समणं भगवं० वंदइ नमसइ त्ता एवं वयासी- एवमेयं भंते ! तहमेयं भंते ! अवितहमेयं भंते ! असंदिद्धमेयं भंते ! सच्चे णं एसमढे से जहेतं तुब्भे वदहत्तिकट्ट समणं भगवं० वंदइ नसंमइत्ता तमेव धम्मियं जाणप्पवरं दुरूहति त्ता जामेव दिसं पाउब्भूया तामेव दिसं पडिगता ।७। भंते त्ति भगवं गोयमे जाव वंदति नमंति त्ता एवं वयासी - काले णं भंते ! कुमारे तीहिं दंतिसहस्सेहिं जाव रहमुसलं संगामं संगामेमाणे चेडएणं रन्ना एगाहच्चं कूडाहच्वं जीवियाओ ववरोविते समाणे कालमासे कालं किच्चा कहिंगते कहिं उववन्ने ?, गोयमाति! समणे० भगवं गोयम एवं वदासीएवं खलु गो० ! काले कुमारे तीहिं दंतिसहस्सेहिं जाव जीवियाओ ववरोवित समाणे कालमासे कालं किच्चा चउत्थीए पंकप्पभाए पुढवीए हेमाभे नरगे दससागरोवमठिइएसु नेरइएसु नेरइयत्ताए उववन्ने ।८। काले णं भंते ! कुमारे केरिसएहिं आरंभेहिं केरिसएहिं (समारंभेहिं केरिसएहिं) आरंभसमारंभेहिं केरिसएहिं भोगेहिं केरिसएहिं संभोगेहिं केरिसएहिं भोगसंभोगेहिं केरिसेण वा असुभकडकम्मपन्भारेणं कालमासे कालं किच्चा चउत्थीए पंकप्पभाए पुढवीए जाव नेरइयत्ताए उववन्ने ?, एवं खलु गो० ! तेणं कालेणं० रायगिहे नाम नयरे होत्था रिद्धस्थिमियसमिद्धे०, तत्थ णं रायगिहे नयरे सेणिए नामं राया होत्था महया० तस्सणं सेणियस्स रन्नो नंदा नामं देवी होत्था सोमाला जाव विहरति, तस्स णं सेणियस्स रन्नो नंदाए देवीए अत्तए अभए नाम कुमारे होत्था सोमाले जाव सुरूवे साम० जहा चित्तो जाव रज्जधुराचिंतए यावि होत्था, तस्स णं सेणियस्स रन्नो चेल्लणा नामं देवी होत्था सोमाला जाव विहरइ, तते णं सा चिल्लणा देवी अन्नया कयाई तंसिं तारिसयंसि वासघरंसि जाव सीहं सुमिणे पासित्ताणं पडिबुद्धा जहा पभावती जाव सुमिणपाढगा पडिविसज्जिता जाव चिल्लणा से वयणं पडिच्छित्ता जेणेव सए भवणे तेणेव अणुपविट्ठा ।९। तते णं तीसे चेल्लणाए देवीए अन्नया कयाईतिण्हं मासाणं बहुपडिपुण्णाणं अयमेयारूवे दोहले पाउन्भूए- धन्नाओणं ताओ अम्मयाओ जाव जम्मजीवियफले जाओ णं सेणियस्स रन्नो उदरवलीमंसेहिं सोल्लेहि य तलिएहि य भज्जितेहि य सुरं च जाव पसन्नं च आसाएमाणीओ जाव परिभाएमाणीओ दोहलं पविणेति, तते णं सा चेल्लणा देवी तंसिंदोहलंसि अविणिज्जमाणंसि सुक्का भुक्खा निम्मंसा ओलुग्गा ओलुग्गसरीरा नित्तेया दीणविमणवयणा पंडुल्लइयमुही
ओमंथियनयणवयणकमला जहोचियं पुप्फवत्थगंधमल्लालंकारं अपरि जमाणी करतलमलियव्व कमलमाला ओहतमणसंकप्पा जाव झियायति, ततेणं तीसे
चेल्लणाए देवीए अंगपडियारियातो चेल्लणं देवि सुक्कं भुक्खं जाव झियायमाणिं पासंति त्ता जेणेव सेणिए राया तेणेव उवागच्छंति त्ता जाव कट्ट सेणियं रायं एवं म वयासी- एवं खलु सामी ! चेल्लणा देवी न याणामो केणई कारणेणं सुक्का भुक्खा जाव झियायति, तते णं से सेणिए राया तासिं अंगपडियारियाणं अंतिए एयम8 के सोच्चा निसम्म तहेव संभंते समाणे जेणेव चेल्लणा देवी तेणेव उवागच्छइ त्ता चिल्लणं देविं सुक्कं भुक्खं जाव झियायमाणिं पासित्ता एवं वयासी- किन्नं तुम २ देवाणुप्पिए! सुक्का भुक्खा जाव झियायसि ?, तते णं सा चेल्लणा देवी सेणियस्स रण्णो एयमझु णो आढाति णो परिजाणाति तुसिणीया संचिट्ठति, ततेणं से सेणिए Mero555555555555555 श्री आगमगुणमंजूषा - १२६३ 555555555555555555555556
乐听听听听听听听听听听听听听听听听听听听听听听听听听听听听听听听听听听听听听听听听听听听FGO
Q明明明明明明明明明明听听听听听听听听听听听听听听听听听听听听听听听听听听听听听听听听听听听听听听C
| SR No. | 003269 |
| Book Title | Agam 19 Upang 08 Niryavalika Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 34 |
| Language | Prakrit |
| Classification | Book_Devnagari, Agam, Canon, F000, F005, agam_nirayavalika, agam_kalpavatansika, agam_pushpika, agam_pushpachulika, & agam_vrushnidasha |
| File Size | 4 MB |