Page Text
________________
(१८) जंबूदीवपन्नत्ति वक्खारो २
[८]
पउमुप्पलगन्धसरिसणीसासुरभिवयणा, ते णं मणुआ पगईपयणुकोहमाणमायालोभा मिउमद्दवसंपन्ना अल्लीणा भद्दगा विणीआ अप्पिच्छा असण्णिहिसंचया विडिमंतरपरिवसणा अहिच्छिअकामकामिणा १२२ । तेसिं णं भंते! मणुआणं केवइकालस्स आहारट्ठे समुप्पज्जइ ?, गो० ! अट्टमभत्तस्स आहारट्ठे समुप्पज्जइ, पुढवीपुप्फफलाहाराणं ते मणुआ पं० समणाउसो !, तीसे णं भंते! पुढवीए केरिसए आसाए पं० १, गो० ! से जहाणामए गुलेइ वा खंडेइ वा सक्कराइ वा मच्छंडिआइ वा पप्पडमोअएइ वा भिसेति वा पुप्फुत्तराइ वा पउमुत्तराइ वा विजयाइ वा महाविजयाइ वा आकासिआइ वा आदंसिआइ वा आगासफलोवमाइ वा उग्गाइ वा अणोवमाइ वा, भवे एआरूवे ?, णो इणमट्ठे समट्ठे, सा णं पुढवी इत्तो इट्ठतरिआ चेव जाव मणामतरिआ चेव आसाएणं पं०, तेसिं णं भंते! पुप्फफलाणं केरिसए आसाए पं० १, गो० ! से जहाणामए रण्णो चाउरंतचक्कवट्टिस्स कल्लाणे भोअणजाए सयसहस्सनिप्फन्ने वण्णेणुववेए जाव फासेणं उववेए आसायणिज्जे विसाणिज्जे दप्पणिज्जे मयणिज्जे विहणिज्जे सव्विदिअगायपल्हायणिज्जे, भवे एआरूवे ?, णो इणमट्ठे समट्ठे, तेसिं णं पुप्फफलाणं एत्तो इट्ठतराए चेव जाव आसाए पं० | २३ | ते णं भंते! मणुया तमाहारमाहारेत्ता कहिं वसहिं उवेति ?, गो० ! रूक्खगेहालया णं ते मणुया पं० समणाउसो !, तेसिं णं भंते ! रूक्खाणं केरिसए आयारभावपडोआरे पं० ?, गो० ! कूडागारसंठिआ पेच्छाच्छत्तझयथूभतोरणगोपुरवेइअचोप्फालग-अट्टालगपासायहम्मिअगवक्खवालग्गपोइआवलभीघरसंठिआ अत्थऽण्णेऽपेत्थ बहवे वरभवणविसिट्ठसंठाणसंठिआ दुमगणा सुहसीअलच्छाया पं० समणाउसो ! | २४ | अत्थि णं भंते! तीसे समाए भरहे वासे गेहाइ वा गेहावणाइ वा ?, गो० ! णो इणट्ठ समट्ठे, रूक्खगेहालया णं ते मणुआ पं० समणाउसो !, अत्थि णं भंते ! तीसे समाए भरहे वासे गामाइ वा जाव संणिवेसाइ वा ?, गो० ! णो इणट्ठे समट्ठे, जहिच्छिअकामगामिणो णं ते मणुआ पं०, अत्थि णं भंते !० असीइ वा मसीइ वा किसीइ वा वणिएत्ति वा पणिएत्ति वा वाणिज्जेइ वा ?, णो इणट्ठे समट्ठे, ववगय असिमसिकि सिवणिअपणिअवाणिज्जा णं ते मणुआ पं० समणाउसो !, अत्थि णं भंते ! हिरण्णेइ वा सुवण्णेइ वा कंसेइ वा दूसेइ वा मणिमोत्तिअसंखसिलप्पवालरत्तरयणसावइज्जेइ वा ?, हंता अत्थि, णो चेव णं तेसिं मणुआणं परिभोगत्ताए हव्वमागच्छइ, अत्थि णं भंते ! भरहे रायाइवा जुवरायाइ वा ईसरतलवरमाडंबिअकोडुंबिअइब्भसेट्ठिसेणावइसत्थवाहाइ वा ?, गो० ! णो इणट्ठे समट्ठे, ववगयइडिसक्काराणं ते मणुआ, अत्थि णं भंते ! भरहे वासे दासेइ वा पेसेइ वा सिस्सेइ वा भयगेइ वा भाइल्लएर वा कम्मरएइ वा ?, णो इणट्ठे समट्ठे, ववगयअभिओगा णं ते मणुआ पं० समणाउसो !, अत्थि णं भंते! तीसे समाए भरहे वासे मायाइ वा पियाइ वा भाया० भगिणी० भज्जा० पुत्त० धूआ० सुण्हाइ वा ?, हंता अत्थि, णो चेव णं तिव्वे पेम्मबंधणे समुप्पज्जइ, अत्थि णं भंते ! भरहे वासे अरीइ वा वेरिएइ वा घायएइ वा वहएइ वा पडिणीयए वा पच्चमित्तेइ वा ?, णो इणट्ठे समट्ठे, ववगयवेराणुसया णं ते मणुआ पं० समणाउसो !, अत्थि णं० भरहे वासे मित्ताइ वा वयंसाइ वा णायएइ वा संघाडिएइ वा सुहीइ वा संगएइति वा ?, हंता अत्थि, णो चेव णं तेसिं मणुआणं तिव्वे रागबंधणे समुप्पज्जइ, अत्थि णं भंते ! भरहे वासे आवाहाइ वा वीवाहाइ वा जण्णाइ वा सद्धाइ वा थालीपागाइ वा पितिपिंड निवेदणाइ वा ?, णो इणट्ठे समट्ठे, ववगयआवाहवीवाहजण्णसद्धथालीपाकपितिपिंडनिवेदणा णं ते मणुआ पं० समणाउसो !, अत्थि णं भंते ! भरहे वासे इंदमहाति वा खंद० णाग० जक्ख० भूअ० अगड० तडाग० दह० नदी० रूक्ख० पव्वय० धूभ० चेइयमहाइ वा ?, णो इणट्ठे समट्टे, ववगयमहिमा णं ते मणुआ पं०, अत्थि णं भंते ! भरहे वासे णडपेच्छाइ वा णट्ट० जल्ल० मल्ल० मुट्ठिअ० वेलंबग० कहग० पवग० लासगपेच्छाइ वा ?, णो इणट्ठे समट्ठे, ववगयकोउहल्ला णं ते मणुआ पं० समणाउसो !, अत्थि णं भंते ! भरहे वासे सगाइ वा रहाइ वा जाणाइ वा जुग्गा० गिल्लि० थिल्लि० सीअ० संदमाणिआइ वा ?, णो इणट्ठे समट्ठे, पायचारविहारा णं ते मणुआ पं० समणाउसो !, अत्थि जं भंते भरहे वासे गवाइ वा महिसीइ वा अयाइ वा एलगाइ वा ?, हंता अत्थि, णो चेव णं तेसिं मणुआणं परिभोगत्ताए हव्वमागच्छंति, अत्थि णं भंते ! भरहे वासे आसाइ वा हत्थि० उट्ट० गोण० गवय० अय० एलग० पसय० मिअ० वराह० रूरू० सरभ० चमर० कुरंगगोकण्णमाइआ ?, हंता अत्थि, णो चेव णं तेसि
GRO
X
tional 2010 03
प्र श्री आगमगुणमंजूषा - ११९० फ्र
| SR No. | 003268 |
| Book Title | Agam 18 Upang 07 Jambudveep Pragnapti Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 88 |
| Language | Prakrit |
| Classification | Book_Devnagari, Agam, Canon, & agam_jambudwipapragnapti |
| File Size | 8 MB |