Page Text
________________
(१८) जंबूदीवपत्रत्ति वक्खारो २ बहुओ वणराईओ पं० किण्हाओ किण्होभासाओ जाव मणोहराओ रयमत्तगछप्पयको रंगभिंगारगको डलगजीवं जीवगनंदीमुहकविलपिंगलक्खगकारंडवचक्क वायगकलहंसहंससारस अणेगसउणगणमिहुणविअरिआओ सद्गुण्णइयमहुरसरणाइआओ संपिंडिअ० णाणाविहगुच्छ० वावीपुक्खरणीदीहिआसु अ सुणि० विचित्त० अब्भिं० साउत्ति० णिरोगक० सव्वोउअपुप्फलसमिद्धाओ पिंडिम जाव पासादीआओ० | २०| तीसे णं समाए भरहे वासे तत्थ २ तहिं २ मत्तंगाणामं दुमगणा पं० जहा से चंदप्पभा जाव छण्णपडिच्छण्णा चिट्ठति, एवं जाव अणिगणा (प्र० आयाणी णामं दुमगणा पं० ) | २१ | तीसे णं भंते ! समाए भरहे वासे मणुआणं केरिसए आयारभावपडोयारे पं० १, गो० ! ते णं मणुआ सुपइट्ठिअकुम्मचारूचलणा जाव लक्खणवंजणगुणोववेआ सुजायसुविभत्तसंगयंगा पासादीया जाव पडिरूवा, तीसे णं भंते! समाए भरहे वासे मणुईणं केरिसए आगारभावपडोआरे पं० ?, गो० ! ताओ णं मणुईओ सुजायसव्वंगसुंदरीओ पहाणमहिलागुणेहिं जुत्ता अइक्कंतविसप्पमाणमउयसुकुमालकुम्मसंठि अविसिट्ठचलणा उज्जु (प्र० पउम) मउअपीवरसुसाहयंगुलीओ अब्भुण्णयरइअतलिणतंबसुइरइयणिद्धणक्खा रोमरहिअवट्टलट्ठसंठिअअजहण्णपसत्थलक्खणअक्कोप्पजंघजुअलाओ सुणिम्मिअसुगूढजाणुमंडलसुबद्धसंधीओकयलीखंभाइरेकसंठि -अणिव्वणसुकुमालमउअमंसलअविरलसमसंहिअसुजायवट्टपीवरणिरंतरोरू अट्ठावयवीइयपट्टसंठिअपसत्थविच्छिण्णपिहुलसोणी
[19]
2010 03
ॐॐॐॐॐॐॐॐ
वयणायामप्पमाणदुगुणिअविसालमंसलसुबद्धजहणवरधारिणीओ वज्जविराइअपसत्थलक्खणनिरोदरतिवलिअवलिअतणुणमिअमज्झिमाओ उज्जुअसमसहि
अजच्चतणुकसिणणिद्धआइज्जलडहसुजातसुविभत्तकंतसोभंतरूइलरमणिज्जारोमराई गंगावत्तपयाहिणावत्ततरंगभंगुररविकिरण-तरूणबोहिअआकोसायंतपउमगंभीरविअडणाभी अणुब्भडपसत्थपीणकुच्छीओ सण्णयपासा संगयपासा सुजायपासा मिअमाइअपीणरइअपासा अकरंडुअकणगरूअगणिम्मलसुजायणिरूवहयगायलट्ठीओ कंचणकलसप्पमाणसमसहिअलट्ठचुच्चु आमेलगजमलजुअलवट्टिअ अब्भुण्णयपीवरपीणरइयपओहराओ भुंअंगअणुपुव्वतणुअगोपुच्छवट्टसमसहिअणमिअआइज्जललिअबाहा तंबणहाओ मंसलग्गहत्थाओ पीवरकोमलवरंगुलीआओ णिद्धपाणिरेहा रविससिसंखवरचक्क सोत्थियसुविभत्तसुविरइ अपाणिलेहाओ पीणुण्णयकरकक्खवत्थिप्पएसा पडिपुण्णगलकपोला चउरंगुलसुप्पमाणकंबुवरसरिसगीवाओ मंसलसंठिअपसत्थहणुगाओ दाडिमपुप्फप्पगासपीवरपलंबकुंचिअवराधराओ सुंदरूत्तरोट्ठाओ दहिदगरयचंदकुंदवासंतिमउलधवलअच्छिद्दविमलदस - (२१०) णाओ रत्तुप्पलपत्तमउअसुकुमालतालुजीहाओ कणवीरमउलअकुडिलअब्भुग्गयउज्जुतुंगणासाओ सारयणवकमलकुमुअकुवलयविमलदलणि- अरसरिसलक्खणपसत्थ- अजिम्हकंतणयणा पत्तलधवलायतआतंबलोअणाओ आणामिअचावरूइलकिण्हब्भराइसंगयसुजायभुमगाओ अल्लीणपमाणजुत्तसवणा सुसवणाओपीणमट्टगंडलेहाओचउरं सपसत्थसमणिडालाओ को मुईरयणिअरविमल पडि पुण्णसोमवयणा-छत्तुण्णयुत्तमं गाओ अक विलसु सिणिद्धसुंगंधदीहसिरयाओ छत्तज्झयजूअथूभदामणिकमंडलुकलसवाविसोत्थिअपडाग १० जवमच्छकुम्भहवरमगरज्झयअंक सुक्कथाल - अंकुस अट्ठावयसुपइट्ठग २० मयूरसिरिअभिसेअतोरणमेइणिउदहिवरभवणगिरिवर आयंससलीलगयउस ३० सीहचामरउत्तमपसत्यबत्तीसलक्खणधरीओ हंससरिसगईओ कोइलमहुरगिरसुस्सराओ कंता सव्वस्स अणुमयाओ ववगयवलिपलि अवंगदुव्वणवाहिदोहग्गसोगमुक्का उच्चत्तेण य णराण थोवूणमुस्सिआओ सभावसिंगारागारचारूवेसा संगयगयहसियभणिअचिट्ठिअविलाससंलावणिउणजुत्तोवयारकुसला सुंदरथणजहणवयणकरचलणणयणला वण्णवण्णरूवजोव्वणविलासकलिआ णंदणवणविवरचारिणीउव्व अच्छराओ भरहवासमणुसच्छराओ अच्छेरगपेच्छणिज्जाओ पासाईआओ जाव पडिरूवाओ, ते णं मणुआ ओहस्सरा हंसस्सरा कोंचस्सरा मंदिस्सरा दिघोसा सीहस्सरा सीहघोसा सूसरा सूसरणिग्घोसा छायाउज्जोविअंगमंगा वज्जरिसहनारायसंघयणा समचउरंससंठाणसंठिआ छविणिरातंका अणुलोमवाउवेगा कंकरगहणी कवोयपरिणामा सउणिपो सपिङ्कं तरो रूपरिणया छद्धणुसहस्समूसिआ, तेसिं णं मणुआणं बे छप्पण्णा पिट्ठकरंडगसया पं० समणाउसो !,
फफफफफफफ श्री आगमगुणमंजूषा ११८९YO
| SR No. | 003268 |
| Book Title | Agam 18 Upang 07 Jambudveep Pragnapti Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 88 |
| Language | Prakrit |
| Classification | Book_Devnagari, Agam, Canon, & agam_jambudwipapragnapti |
| File Size | 8 MB |