Agam 15 Upang 04 Pragnapana Sutra Shwetambar Agam Guna Manjusha

SR No.: 003265
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 181
Language: Prakrit
Classification: Book_Devnagari, Agam, Canon, & agam_pragyapana
File Size: 16 MB

Page 97

(१५) पण्णवणा भासापयं ११
[८६]
पि गेहति, मज्झे वि गेण्हति, पज्जवसाणे वि गेण्हति । २१ जाई भंते! आई पि गेण्हति मज्झे वि गेण्हति पज्जवसाणे वि गेण्हति ताई किं सविसए गेण्हति ? अविसए गेण्हति ? गोयमा ! सविसए गेण्हति, णो अविसए गेण्हति । २२ जाई भंते! सविसए गेण्हति ताई किं आणुपुव्विं गेण्हति ? अणाणुपुव्विं गेण्हति ? गोयमा ! विहति णो णाणुपुव्विं गेण्हति । २३ जाई भंते! आणुपुव्विं गेण्हति ताइं किं तिदिसिं गेण्हति जाव छद्दिसिं गेण्हति ? गोयमा ! णियमा छद्दिसिं गेण्हति । पुट्ठोगाढ अनंतर अणूय तह बायरे य उड्डमहे । आदि विसयाऽऽणुपुव्विं णियमा तह उद्दिसिं चेव ॥ १९८ ।। ८७८. जीवे णं भंते! जाई दव्वाई भासत्ताए गेण्हति ताई किं संतरं गेण्हति ? निरंतरं गेण्हति गोयमा ! सतरं वि गेण्हति निरंतरं वि गेण्हति । संतरं गिण्हमाणे जहणणेणं एवं समयं उक्कोसेणं असंखेज्जसमए अंतरं कट्टु गेण्हति । निरंतरं गिण्हमाणे जहण्णेणं दो समए, उक्कोसेणं असंखेज्जसमए अणुसमयं अविरहियं निरंतरं गेण्हति । ८७९. जीवे णं भंते ! जाई दव्वाइं भासत्ताए गहियाई णिसिरति ताई किं संतरं णिसिरति ? णिरंतरं णिसिरति ? गोयमा ! संतरं णिसिरति, णो णिरंतरं णिसिरति । संतरं णिसिरमाणे एगेणं समएणं गेहइ एगेणं समए णिसिरति, एएणं गहण - णिसिरणोवाएणं जहण्णेणं दुसमइयं उक्कोसेणं असंखेज्जसमइयं अंतोमुहुत्तियं गहण - णिसिरणोवायं (णिसिरणं) करेति । गोयमा ! भिण्णाई पि णिसरति, अभिण्णाई पि णिसिरति । जाई भिण्णाई णिसिरति [ सुत्ताई ८८०-८८७. भासादव्वभेयणपरूवणं] ८८० जीवे णं भंते! जाई दव्वाइं भासत्ताए गहियाई णिसिरति ताइ किं भिण्णाइं णिसिरति ? अभिण्णाई णिसिरति ताइं अणंतगुणपरिवड्डीए परिवमाणाइं परिवड्ढमाणाई लोयंतं फुसंति । जाई अभिण्णाई सिरति ताई असंखेज्जाओ ओगाहणवग्गणाओ गंता भेयमावज्जंति, संखेज्जाई जोयणाई गंता विद्धंसमागच्छंति । ८८१. तेसि णं भंते! दव्वाणं कतिविहे भए पण्णत्ते ? गोयमा ! पंचविहे भेये पण्णत्ते । तं जहा खंडामेए १ पतराभेए २ चुण्णियाभेए ३ अणुतडियाभेए ४ उक्करियाभेए ५ । ८८२. से किं तं खंडाभेए ? २ जण्णं अयखंडाण वा तउखंडाण वा तंबखंडाण वा सीसगखंडाण वा रययखंडाण वा जायरूवखंडाण वा खंडाएण भेदे भवति । से त्तं खंडाभेदे । ८८३. से किं तं पयराभेदे ? २
फ्र
फ्र
साण वा वेत्ता वा गलाण वा कदलित्थंभाण वा अब्भपडलाण वा पयरएणं भेए भवति । से त्तं पयराभेदे । ८८४. से किं तं चुण्णियाभेए ? २ जणं तिलचण्णाण वा मुण्णचुण्णाणं वा मासचुण्णाणं वा पिप्पलिचुण्णाण वा मिरियचुण्णाण वा सिंगबेरचुण्णाण वा चुण्णियाए भेदे भवति । से त्तं चुणियाभेदे । ८८५. से किं तं अणुतडियाभेदे ? २ जण्णं अगडाण वा तलागाण वा दहाण वा णदीण वा वावीण वा पुक्खरिणीण वा दीहियाण वा गुंजालियाण वा सराण वा सरपंतियाण वा सरसरपंतियाण वा अणुतडियाए भेदे भवति । से तं अणुतडियाभेदे । ८८६. से किं तं उक्करियाभेदे ? २ जण्णं मूसगाण वा मगूसाण वा तिलसिंगाण वा मुग्गसिंगाण वा माससिंगाण वा एरंडबीयाण वा फुडित्ता उक्करियाए भेदे भवति । से त्तं उक्करियाभेए । ८८७: एएसि णं भंते ! दव्वाणं खंडाभेएणं पयराभेएणं चुण्णियाभेएणं अणुतडियाभेदेणं उक्करियाभेदेण य भिज्नमाणाणं कतरे कतरेहिंतो अप्पा वा ४ ? गोयमा ! सव्वत्थोवाई दव्वाइं उक्करियाभेएणं भिज्नमाणाइं, अणुतडियाभेदेणं भिज्नमाणाई अनंतगुणाई, खंडाभेएणं भिज्नमाणाई अनंतगुणाई । ८८८. १ णेरइए णं भंते ! जाई दव्वाइं भासात्ताए गेण्हति ताइं किं याइं गेण्हति ? अट्ठियाई हति ? गोयमा ! एवं चेव जहा जीवे वत्तव्वया भणिया (सु. ८७७) तहा णेरइयस्सावि जाव अप्पाबहुयं । २ एवं एगिदियवज्जो दंडओ जाव वेमाणिया । ८८९. जीवाणं भंते! जाई दव्वाई भासात्ताए गेण्हंति ताई किं ठियाई गेण्हंति ? अठियाइं गेण्हंति ? गोयमा ! एवं चेव पुहुत्तेण वि णेयव्वं जाव वेमाणिया । ८९०. जीवे णं भंते ! जाई दव्वाई सच्चभासत्ताए गेण्हति ताइं किं ठियाई गेण्हति ? अट्ठियाइं गेण्हति ? गोयमा ! जहा ओहियदंडओ (सु. ८७७) तहा एसो वि । नवरं विगलेदिया ण पुच्छज्जति । एवं मोसभासाए वि सच्चामोसभासाए वि । ८९१. असच्चामोसभासाए वि एवं चेव । नवरं असच्चामोसभासाए विगलिंदिया वि पुच्छिज्नंति इमेणं अभिलावेणं - विगलिदिए णं भंते! जाई दव्वाई असच्चामोसभासात्ताए गेण्हति ताइं किं ठियाई गेण्हति ? अठियाई गेण्हति ? गोयमा ! जहा ओहियदंडओ (सु. ८७७) । एवं एते एगत्तपुहत्तषणं दस दंडगा भाणियव्वा । ८९२. जीवे णं भंते! जाई दव्वाईं सच्चभासत्ताए गेण्हति ताई किं सच्चभासत्ताए णिसिरति ? मोसभासत्ताए
श्री आगमगुणमंजूषा - १०२१