Agam 15 Upang 04 Pragnapana Sutra Shwetambar Agam Guna Manjusha

SR No.: 003265
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 181
Language: Prakrit
Classification: Book_Devnagari, Agam, Canon, & agam_pragyapana
File Size: 16 MB

Page 91

GOO
(१५) पण्णवणा चरिमपयं १०
चरिमेय अचरिमाइं च अवत्तव्वयाइं च २२ सिय चरिमाइं च अचरिमे य अवत्तव्वए य २३ सिय चरिमाईं च अचरिमे य अवत्तव्वयाइं च २४ सिय चरिमाई च अचरिमाइं च अवत्तव्वए य २५ सिय चरिमाइं च अचरिमाइं च अवत्तव्वयाई च २६ । ७८९. संखेज्जपएसिए असंखेज्नपएसिए अनंतपएसिए खंधे जहेव अट्ठपदेसिए तहेव पत्तेयं भाणितव्वं । ७९०. परमाणुम्मि य ततिओ पढमो ततिओ य होति दुपदेसे । पढमो ततिओ नवमो एक्कारसमो य तिपदेसे ॥ १८५ ॥ पढमोतिओ नवम दसमो एक्कारसो य बारसमो । भंगा चउप्पदेसे तेवीसइमो य बोद्धव्वो ॥ १८६॥ पढमो ततिओ सत्तम नव दस एक्कार बार तेरसमो। तेवीस चउव्वीसो पणुवीसइमो य पंचमए || १८७|| बि चउत्थ पंच छट्टं पणरस सोलं च सत्तरद्वारं । वीसेक्कवीस बावीसगं च वज्जेज्ज छुट्टम्मि || १८८|| बि चउत्थ पंच छट्टं पण्णर सोलं च सत्तरऽट्ठारं । बावीसइमविहूणा सत्तपदेसम्मि खंधम्मि ॥ १८९ ॥ बिचउत्थ पंच छट्टं पण्णर सोलं च सत्तरऽट्ठाणं । एते वज्जिय भंगा सेसा सेसेसु खंधेसु ॥ १९०॥ [सुत्ताइं ७९१-८०६. संठाणविवक्खाए चरिमाइविभागाइ] ७९१. कति णं भंते! संठाणा पण्णत्ता ? गोयमा ! पंच संठाणा पण्णत्ता । तं जहा - परिमंडले १ वट्टे २ तंसे ३ चउरंसे ४ आयते ५ । ७९२. परिमंडला णं भंते! संठाणा किं संखेज्ना असंखेज्जा अणंता ? गोयमा ! णो संखेज्जा, नो असंखेज्जा, अनंता । एवं जाव आयता । ७९३. परिमंडले णं भंते! संठाणे किं संखेज्नपएसिए असंखेज्जपएसिए अणतपएसिए ? गोयमा । सिय संखेज्जपएसिए सिय असंखेज्जपदेसिए सिय अणंतपदेसिए | एवं जाव आयते । ७९४. परिमंडले णं भंते! संठाणे संखेज्जपदेसिए किं संखेज्जपदेसोगाढे असंखेज्जपएसोगाढे अनंतपएसोगाढे ? गोयमा ! संखेज्जपएसोगाढे, नो असंखेज्जपएसोगाडे नो अणतपएसोगाढे। एवं जाव आयते । ७९५. परिमंडले णं भंते! संठाणे असंखेज्जपदेतसए किं संखेज्जपदेसोगाढे असंखिज्जपदेसोगाढे अणतपएसोगाढे ? गोयमा ! सिय संखेज्जपएसोगाढे सिय असंखेज्जपदेसोगाढे, णो अणतपदेसोगाढे। एवं जाव आयते । ७९६. परिमंडले णं भंते ! संठाणे अणंतपएसिए किं संखेज्जपएसोगाढे असंखेज्जपएसोगाढे अनंतपएसोगाढे ? गोयमा ! सिय संखेज्जपएसोगाढे सिय असंखेज्जपएसोगाढे, नो अणंतपएसोगाढे । एवं जाव आयते । ७९७. परिमंडले णं भंते । संठाणे संखेज्जपदेसिए संखेज्जपएसोगाढे किं चरिमे अचरिमे चरिमाई अचरिमाई चरिमंतपदेसा अचरिमंतपदेसा ? गोयमा ! परिमंडले णं संठाणे संखेज्जपदेसिए संखेज्जपदेसोगाढे ना चरिमे नो अचरिमे नो चरिमाइं नो अचरिमाइं नो चरिमंतपदेसा नो अचरिमंतपएसा, नियमा अचरिमं च चरिमाणि य चरिमंतपदेसा य अचरिमंतपदेसा य । एवं जाव आयते । ७९८. परिमंडले णं भंते ! संठाणे असंखेज्जपएसिए संखेज्जपदेसोगाढे किं चरिमे० पुच्छा। गोयमा ! असंखेज्जपएसिए संखेज्जपएसोगाढे जहा संखेज्जपएसिए (सु. ७९७) । एवं जाव आयते । ७९९. परिमंडले णं भंते ! संठाणे असंखेज्नपदेसिते असंखेज्जपएसोगाढे किं चरिमे० पुच्छा। गोयमा ! असंखेज्जपदेसिए असंखेज्जपदेसोगाढे नो चरिमे जहा संखेज्जपदेसोगाढे (सु. ७९८) । एवं जाव आयते । ८००. परिमंडले णं भंते! संठाणे अणतपएसिए संखेज्जपएसोगाढे किं चरिमे० पुच्छा। गोयमा ! तहेव (सु. ७९७) जाव आयते । ८०१. अणंतपदेसिए असंखेज्जपदेसोगाडे जहा संखेज्जपदेसोगाढे (सु.८००) । एवं जाव आयते । ८०२. परिमंडलस्स णं भंते ! संठाणस्स संखेज्जपएसियस्स संखेज्जपएसोगाढस्स अचरिमस्स य चरिमाण य चरिमंतपदेसाण य अचरिमंतपदेसाण य दव्वट्टयाए पदेसट्टयाए दव्वट्टपदेसट्टयाए कतरे कतरेहिंतो अप्पा वा ४ ? गोयमा ! सव्वत्थोवे परिमंडलस्स संठाणस्स संखेज्जपदेसियस्स संखेज्जपदेसोगाढस्स दव्वट्टयाए एगे अचरिमे १ चरिमाइं संखेज्जगुणाई २ अचरिमं च चरिमाणि य दो वि विसेसाहिया ३ । पदेसट्ठयाए सव्वत्थोवा परिमंडलस्स संठाणस्स संखेज्जपदेसियस्स संखेज्जपदेसोगाढस्स चरिमंतपदेसा १ अचरिमंतपदेसा संखेज्जगुणा २ चरिमंतपसा य अचरिमंतपदेसा य दो वि विसेसाहिया ३ । दव्वट्ठपदेसट्टयाए सव्वत्थोवे परिमंडलस्स संठाणस्स संखेज्जपदेसियस्स संखेज्जपदेसोगाढस्स दव्वट्टयाए एगे अचरि १ चरिमाइं संखेज्जगुणाइं २ अचरिमं च चरिमाणि य दो वि विसेसाहियाई ३ चरिमंतपदेसा संखेज्जगुणा ४ अचरिमंतपएसा संखेज्जगुणा ५ चरिमंतपदेस य अचरिमंतपदेसा य दो वि विसेसाहिया ६ । एवं वट्ट-तंस - चउरंस - आयएसु वि जोए अव्वं । ८०३. परिमंडलस्स णं भंते ! संठाणस्स असंखेज्जपएसियस्स
2010.03
[८०]
XOXO श्री आगमगुणमंजूषा - १०१५