Page Text
________________
CORO
(१५) पण्णवणा वक्कतिपयं ६
फासपज्जवाणं वत्तव्वया भाणितव्वा, जाव अजहण्णमणुक्कोसलुक्खे सट्टाणे छट्टाणवडिते । से त्तं रूविअजीवपज्जवा । से त्तं अजीवपज्जवा । ★ ★ ★ ॥ पण्णवणाए भगवईए पंचमं विसेसपयं समत्तं ॥ ★★★★★★ ६. छद्वं वक्कतिपयं ★★★ [५५९. अट्ठदारपरूवणं] ५५९. बारस १ चउवीसाई २ सअंतरं ३ एगसमय ४ कत्तो य ५ । उव्वट्टण ६ परभवियाउयं ७ च अट्ठेव आगरिसा ८ ॥१८२॥ [सुत्ताई ५६०-५६८.] पढमं बारसदारं ५६०. निरयगती णं भंते! केवतियं कालं विरहिया उववाएणं पण्णत्ता ? गोयमा ! जहण्णेण एवं समयं उक्कोसेणं बारस मुहुत्ता । ५६१. तिरयगती णं भंते! केवतियं कालं विरहिया उववाएणं पण्णत्ता ? गोयमा ! जहण्णेणं एवं समयं, उक्कोसेणं बारस मुहुत्ता । ५६२. मणुयगती णं भंते! केवतियं कालं विरहिया उववाएणं पण्णत्ता ? गोयमा ! जहण्णेणं एवं समयं, उक्कोसेणं बारस मुहुत्ता । ५६३. देवगती णं भंते! केवतियं कालं विरहिया उववाएणं पण्णत्ता ? गोयमा ! जहण्णेणं एगं समयं उक्कोसेणं बारस मुहुत्ता । ५६४. सिद्धगती णं भंते! केवतियं कालं विरहिता सिज्झणयाए पण्णत्ता ? गोयमा ! जहण्णेणं एवं समयं, उक्कोसेणं छम्मासा । ५६५. निरयगती णं भंते! केवतियं कालं विरहिता उव्वट्टयाए पण्णत्ता ? गोयमा ! जहण्णेणं एवं समयं, उक्कोसेणं बारस मुहुत्ता । ५६६. तिरियगती णं भंते! केवतियं कालं विरहिता उव्वट्टणयाए पण्णत्ता ? गोयमा ! जहण्णेणं एवं समयं, उक्कोसेणं बारस मुहुत्ता । ५६७. मणुयगती णं भंते! केवतियं कालं विरहिता उव्वट्टणयाए पण्णत्ता ? गोयमा ! जहण्णेणं एवं समयं, उक्कोसेणं बारस मुहुत्ता । ५६८. देवगती णं भंते! केवतियं कालं विरहिता उवट्टणाए पण्णत्ता ? गोयमा ! जहण्णेणं एगं समयं, उक्कोसेणं बारस मुहुत्ता | दारं १ ॥ [सुत्ताई ५६९-६०८.] बिइयं चउबीसाइंदारं ५६९. रयणप्पभापुढविनेरइया णं भंते! केवतियं कालं विरहिया उववाएणं पण्णत्ता ? गोयमा ! जहणणेणं एगं समयं, उक्कोसेणं चउव्वीसं मुहुत्ता । ५७०. सक्करप्पभापुढविनेरइया णं भंते! केवतियं कालं विरहिया उववाएणं पण्णत्ता ? गोयमा ! जहण्णेणं एगं समयं, उक्कोसेणं सत्त रातिदियाणि । ५७१. वालुयप्पभापुढविनेरइया णं भंते! केवतियं कालं विरहिया उववाएणं पण्णत्ता ? गोयमा ! जहण्णेणं एवं समयं, उक्कोसेणं अद्धमासं । ५७२. पंकप्पभापुढविनेरइया णं भंते ! केवतियं कालं विरहिया उववाएणं पण्णत्ता ? गोयमा ! जहणेणं एवं समयं, उक्कोसेणं मासं । ५७३. धूमप्पभापुढविनेरइया णं भंते ! केवतियं कालं विरहिया उववाएणं पण्णत्ता ? गोयमा ! जहणणेणं एवं समयं, उक्कोसेणं दो मासा । ५७४. तमापुढविनेरइया णं भंते! केवतियं कालं विरहिया उववाएणं पण्णत्ता ? गोयमा ! जहण्णेणं एवं समयं, उक्कोसेणं चत्तारि मासा । ५७५. अधेसत्तमापुढविनेरइया णं भंते! केवतियं कालं विरहिया उववाएणं पण्णत्ता ? गोयमा ! जहण्णेणं एगं समयं, उक्कोसेणं छम्मासा । ५७६. असुरकुमारा णं भंते! केवतियं कालं विरहिया उववाएणं पण्णत्ता ? गोयमा ! जहण्णेणं एगं समयं, उक्कोसेणं चउव्वीसं मुहुत्ता। ५७७. णागकुमारा णं भंते ! केवतियं कालं विरहिया उववाएणं पण्णत्ता ? गोयमा ! जहण्णेणं एगं समयं, उक्कोसेणं चउव्वीसं मुहुत्ता। ५७८. एवं सुवण्णकुमाराणं विज्जुकुमाराणं अग्गिकुमाराणं दीवकुमाराणं उदहिकुमाराणं दिसाकुमाराणं वाउकुमाराणं थणियकुमाराण य पत्तेयं पत्तेयं जहणणेणं एवं समयं, उक्कोसेणं चउव्वीसं मुहुत्ता । ५७९. पुढविकाइया णं भंते ! केवतियं कालं विरहिया उववाएणं पण्णत्ता ? गोयमा ! अणुसमयमविहियं उववाएणं पण्णत्ता । ५८०. एवं आउकाइयाण वि तेउकाइयाण वि वाउकाइयाण वि वणप्फइकाइयाण वि अणुसमयं अविरहिया उववाएणं पण्णत्ता । ५८१. बेइंदिया णं भंते! केवतिय कालं विरहिया उववाएणं पण्णत्ता ? गोयमा ! जहण्णेणं एवं समयं, उक्कोसेणं अंतोमुहुत्तं । ५८२. एवं तेइदिय - चउरिदिया । ५८३ सम्मुच्छिमपंचेदियतिरिक्खजोणिया णं भंते ! केवतियं कालं विरहिया उववाएणं पण्णत्ता ! गोयमा ! जहण्णेणं एगं समयं, उक्कोसेणं अंतोमुहुत्तं । ५८४. गब्भवक्कंतियपंचेदियतिरिक्खजोणिया णं भंते! केवतियं कालं विरहिया उववाएणं पण्णत्ता ? गोयमा ! जहण्णेणं एगं समयं, उक्कोसेणं बारस मुहुत्ता । ५८५. सम्मुच्छिममणुस्सा णं भंते ! केवतियं कालं विरहिया उववाएणं पण्णत्ता ? गोयमा ! जहणणेणं एगं समयं, उक्कोसेणं चउव्वीसं मुहुत्ता । ५८६. गब्भवक्कंतियमणुस्साणं पुच्छा। गोयमा ! जहण्णेणं एगं समयं उक्कोसेणं बारस मुहुत्ता । ५८७. वाणमंतराणं पुच्छा। गोयमा ! जहण्णेणं एगं समयं, उक्कोसेणं चउव्वीसं मुहुत्ता। ५८८. जोइसियाणं पुच्छा । गोयमा ! जहणणेणं एगं समयं, उक्कोसेणं चउव्वीसं मुहुत्ता । ५८९. सोहम्मकप्पे देवा णं भंते! केवतियं कालं विरहिया उववाएणं पण्णत्ता ? गोयमा ! जहण्णेणं एवं समयं, उक्कोसेणं चउव्वीसं
COO श्री आगमगुणमंजूषा - १००१
[ ६६ ]
| SR No. | 003265 |
| Book Title | Agam 15 Upang 04 Pragnapana Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 181 |
| Language | Prakrit |
| Classification | Book_Devnagari, Agam, Canon, & agam_pragyapana |
| File Size | 16 MB |