Agam 15 Upang 04 Pragnapana Sutra Shwetambar Agam Guna Manjusha

SR No.: 003265
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 181
Language: Prakrit
Classification: Book_Devnagari, Agam, Canon, & agam_pragyapana
File Size: 16 MB

Page 67

प्र
(१५) पण्णवणा विसेसपयं ५
[ ५६ ]
दव्वंट्टयाए तुल्ले, पदेसट्टयाए तुल्ले; ओगाहणट्टयाए सिय हीणे सिय तुल्ले सिय अब्भइए-जदि हीणे असंखेज्जतिभागहीणे वा संखेज्जतिभागहीणे वा संखेज्जगुणही वा असंखेज्जगुणहीणे वा, अह अब्भहिए असंखेज्जतिभाग अब्भतिए वा संखेज्जतिभाग अब्भइए वा संखेज्जगुणअब्भहिए वा असंखेज्जगुण अब्भहिए वा ठितीए सिय ही सय तुले सिय अब्भइएजति हीणे असंखेज्जभागहीणे वा संखेज्जभागहीणे वा संखेज्जगुणहीणे वा, अह अब्भतिए असंखेज्जभाग अब्भतिए वा संखेज्जभाग अब्भतिए वा संखेज्जगुणअब्भतिए वा; वण्णहिं गंधेहिं रसेहिं फासेहिं, मतिअण्णाणपज्जवेहिं सुयअण्णाणपज्जवेहिं अचक्खदंसणपज्जवेहिं छट्ठाणवहिते । ४४४. आउकाइयाणं भंते! केवतिया पज्जवा पण्णत्ता ? गोयमा ! अणंता पज्जवा पण्णत्ता। से केणट्टेणं भंते ! एवं वुच्चति आउकाइयाणं अणंता पज्जवा पण्णत्ता ? गोमा ! आउकाइए आउकाइयस्स दव्वट्टयाए तुल्ले, पदेसट्ठताए तुल्ले, ओगाहणट्टयाए चउट्ठाणवडिते, ठितीए तिद्वाणवडिते, वण्ण-गंध-रस- फास-मति- अण्णाणसुतअण्णाण-अचक्खुदंसणपज्जवेहि य छट्ठाणवडिते । ४४५. तेउक्काइयाणं पुच्छा। गोयमा ! अणंता पज्जया पण्णत्ता । से केणद्वेणं भंते! एवं वुच्चति तेउकाइयाणं अनंता पज्जवा पण्णत्ता ? गोयमा ! तेउक्काइए तेउक्काइयस्स दव्वद्वंयाए तुल्ले, पदेसट्टयाए तुल्ले ओगाहणट्टयाए चउट्ठाणवडिते ठितीए तिट्ठाणवडिते वण्ण गंध-रस फास-मतिअण्णाण सुय- अण्णाण अचक्खुदंसणपज्जवेहिय छट्ठाणवडिते । ४४६. वाउक्काइयाणं पुच्छा। गोयमा ! वाउकाइयाणं अणंता पज्जवा पण्णत्ता । से केणद्वेणं भंते ! एवं वुच्चति वाउक्काइयाणं अणंता पज्जवा पण्णत्ता ? गोयमा ! वाउक्काइए वाउक्काइयस्स दव्वट्टयाए तुल्ले, पदेसट्टयाए तुल्ले, ओगाहणट्टयाए चट्ठाणवडिते, ठितीए तिट्ठाणवडिते, वण्णगंधरसफासमतिअण्णाणसुयअण्णाणअचक्खुदंसणपज्जवेहि य छट्ठाणवडिते । ४४७. वणप्फइकाइयाणं भंते! केवतिया पज्जवा पण्णत्ता ? गोयमा ! अणंता पज्जवा पण्णत्ता। से केणट्टेणं भंते ! एवं वुच्चति वणप्फइकाइयाणं अणता पज्जवा पण्णत्ता ? गोयमा ! वणप्फइकाइए वणप्फइकाइयस्स दव्वट्टयाए तुल्ले, पदेसट्टयाए तुल्ले, ओगाहणट्टयाए चउट्ठाएवडिते, ठितीए तिट्ठाणवडिए, वण्णगंधरसफासमति अण्णाणसुयअण्णाणअचक्खुदंसणपज्जवेहि य छट्ठाणवडिते, से तेणट्टेणं गोयमा ! एवं वुच्चति वणस्सतिकाइयाणं अणंता पज्जवा पण्णत्ता । [सुत्ताई ४४८-४५०. विगलिंदियाणं पज्जवा ] ४४८. बेइंदियाणं पुच्छा । गोयमा ! अनंता पज्नवा पण्णत्ता । से केणट्टेणं भंते ! एवं वुच्चति बेइंदियाणं अणंता पज्जवा पण्णत्ता ? गोयमा ! बेइंदिए बेइंदियस्स दव्वंट्टयाए तूल्ले, पदेसट्टयाए तुल्ले; ओगाहणट्टयाए सिय हीणे सिय तुल्ले सिय अब्भहिए- जति हीणे असंखेज्जतिभागहीणे वा संखेज्जतिभागहीणे वा संखेज्जगुणहीणे वा असंखेज्नगुणहीणेवा, अह मब्भहिए असंखेज्जभागमब्भहिए वा संखेज्जभागब्भइए वा संखेज्जगुणमब्भइए वा असंखेज्जगुणमब्भइए वा; ठितीए तिट्ठाणवडिते; वण्णगंधरसफासआभिणिबोहियणाणसुतणाणमतिअण्णाणसुतअण्णाणअचक्खुदंसणपज्जवेहि य छट्टाणवडिते । ४४९. एवं तेइदिया वि । ४५०. एवं चउरिदिया वि । णवरं दो दंसणा चक्खुदंसणं अचक्खुदंसणं च । [सुत्तं ४५९. पंचिंदियतिरिक्खजोणियाणं पज्जवा] ४५१. पंचेदियतिरिक्खजोणियाणं पज्जवा जहा नेरइयाणं तहा भाणितव्वा । [सुत्तं ४५२. मुस्साणं पज्जवा ] ४५२. मणुस्साणं भंते! केवतिया पज्जवा पण्णत्ता ? गोयमा ! अणंता पज्जवा पण्णत्ता । सेकेण भंते ! एवं वुच्चति मणुस्साणं अनंता पज्जवा पण्णत्ता ? गोयमा ! मणुस्से मणुस्सस्स दव्वट्टयाए तुल्ले, पएसट्टयाए तुल्ले, ओगाहणट्टयाए चउट्ठाणवडिते, ठितीए चउट्ठाणवडिते, वण्ण-गंध-रस- फास आभिणिबोहियणाण-सुतणाण - ओहिणाण-मणपज्जवणाणपज्जवेहि य छंट्ठाणवडिते, केवलणाणपज्जवेहिं तुल्ले, तिहिं अण्णाणेहिं तिहिं दंसणेहिं उट्ठाणवडिते, केवलदंसणपज्जवेहिं तुल्ले । [ सुत्तं ४५३. वाणमंतराणं पज्जवा] ४५३. वाणमंतरा ओगाहणट्टयाए ठितीए च चउद्वाणवडिया, वण्णादीहिं छट्ठाणवडिता । [सुत्तं ४५४: जोइसिय-वेमाणियाणं पज्जवा ] ४५४. जोइसिय- वेमाणिया वि एवं चेव । णवरं ठितीए तिट्ठाणवडिता । [ सुत्ताई ४५५४६३. ओगाहणाइसु नेरइयाणं प्रज्जवा ] ४५५. १ जहण्णोगाहणगाणं भंते! नेरइयाणं केवतिया पज्जवा पण्णत्ता ? गोयमा ! अणंता पज्जवा पण्णत्ता । से केणट्टेणं भंते! एवं वुच्चति जहण्णोगाहणगाणं वेरइयाणं अनंता पज्जवा पण्णत्ता ? गोयमा ! जहण्णोगाहणए नरइए जहण्णोगहणगस्स नेरइयस्स दव्वट्टयाए तुल्ले, पएसठ्ठयाए
FOR
Education I mational 2010_03
& Personalise Or
LEVEL LL LELELE श्री यागमगणा९९१ 45FEF
jainelibrary