Agam 15 Upang 04 Pragnapana Sutra Shwetambar Agam Guna Manjusha

SR No.: 003265
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 181
Language: Prakrit
Classification: Book_Devnagari, Agam, Canon, & agam_pragyapana
File Size: 16 MB

Page 66

[५५]
(१५) पण्णवणा विसेसपयं ५ जीवपञ्जवा] ४३९. जीवपज्जवा णं भंते! किं संखेज्जा असंखेज्जा अणंता ? गोयमा ! णो संखेज्जा, नो असंखेज्जा, अणंता। से केणट्टेणं भंते ! एवं वुच्चति जीवज्जवा नो संखेज्जा नो असंखेज्जा अणंता ? गोयमा ! असंखेज्जा नेरइया, असंखेज्जा असुरा, असंखेज्जा जागा, असंखेज्जा सुव्वण्णा, असंखेज्जा विज्जुकुमारा, असंखेज्जा अग्गिकुमारा, असंखेज्जा दीवकुमारा, असंखेज्ना उदहिकुमारा, असंखेज्जा दिसाकुमारा, असंखेज्जा वाउकुमारा, असंखेज्जा थणियकुमारा, असंखेज्ना पुढविकाइया, असंखेज्जा आउकाइया, असंखेज्ना तेउकाइया, असंखेज्जा वाउकाइया, अनंता वणप्फइकाइया, असंखेज्जा बेइंदिया, असंखेज्जा तेइंदिया, असंखेज्जा चउरिंदिया, असंखेज्जा पंचिदियतिरिक्खजोणिया, असंखेज्जा मणुस्सा, असंखेज्जा वाणमंतरा, असंखेज्जा जोइसिया, असंखेज्जा वेमाणिया, अणंता सिद्धा, से एएणद्वेणं गोयमा ! एवं वुच्चति ते णं णो संखेज्जा, नो असंखेज्जा, अनंता । [सुत्तं ४४० नेरइयाणं पज्जवा] ४४०. नेरइयाणं भंते! केवतिया पज्जवा पण्णत्ता ? गोयमा ! अणता पज्जवा पण्णत्ता । से केणट्टेणं भंते! एवं वुच्चति नेरइयाणं अणंता पज्जवा पण्णत्ता ? गोयमा ! नेरइए नेरइयस्स दवट्टयाए तुल्ले, पदेसट्ठताए तुल्ले; गाणता सिय हीणे सिय तुल्ले सिय अब्भहिए- जति हीणे असंखेज्जतिभागहीणे वा संखेज्जतिभागहीणे वा संखेज्जगुणहीणे वा असंखेज्जगुणहीणे वा, अह अब्भहिए असंखेज्जभागब्भहिए वा संखेज्जभागब्भहिए वा संखेज्जगुणमब्भहिए वा असंखेज्जगुणमब्भहिए वा; ठिईए सिय हीणे सिय तुल्ले सिय अब्भहिए - जइ
असंखेज्जतिभागहीणे वा संखेज्जतिभागहीणे वा संखेज्नगुणहीणे वा असंखेज्जगुणहीणे वा, अह अब्भहिए असंखेज्जइभागमब्भहिए वा संखेज्जइभागमब्भहिए वा संखेज्जइगुणब्भहिए वा असंखेज्जइगुणब्भहिए वा ; कालवण्णपज्जवेहिं सिय हीणे सिय तुल्ले सिंय मब्भहिए- जदि हीणे अणंतभागहीणे वा असंखेज्जइभागहीणे वा संखेज्जइभागहीणे वा संखिज्जइगुणहीणे वा असंखिज्जइगुणहीणे वा अनंतगुणहीणे वा, अह अब्भतिए अनंतभागमब्भइए वा असंखेज्जतिभागमब्भहिए वा संखेज्जतिभागमब्भइए वा संखेज्जगुणमब्भहिए वा असंखेज्जगुणमब्भहिए वा अनंतगुणमब्भहिए वा; णीलवण्णपज्जवेहिं लोहियवण्णपज्जवेहिं हालिद्दवण्णपज्जवेहिं सुक्किल्लवण्णपज्जवेहि य छट्ठाणवडिए सुब्भिगंधपज्जवेहिं दुब्भिगंधपज्जवेहिं य छट्टाणवडिए; तित्तरसपज्जवेहिं कडुयरसपज्जवेहिं कसायरसपज्जवेहिं अंबिलरसपज्जवेहिं महुररसपज्जवेहि य छट्ठाण वडिए; कक्खडफासपज्जवेहिं मउयफासपज्जवेहिं गरुयफासपज्जवेहिं लहुयफासपज्जवेहिं सीयफासपज्जवेहिं उसिणफासपज्जवेहिं निद्धफासपज्जवेहिं लुक्खफासपज्जवेहि य छट्ठाणवडिए, आभिणिबोहियणाणपज्जवेहिं सुयणाणपज्जवेहिं ओहिणाणपज्जवेहिं मतिअण्णाणपज्जवेहिं सुयअण्णाणपज्जवेहिं विभंगणाणपज्जवेहिं चक्खुदंसणपज्जवेहिं अचक्खुदंसणपज्जवेहिं ओहिदंसणपज्जवेहि य छट्ठाणवडिते, से एएणट्टेणं गोयमा ! एवं वुच्चति नेरइयाणं नो संखेज्जा, नो असंखेज्जा, अणंता पज्जवा पण्णत्ता । [सुत्ताई ४४१-४४२. भवणवासीणं पञ्जवा] ४४१. असुरकुमाराणं भंते ! केवतिया पज्जवा पण्णत्ता ? गोयमा ! अणंता पज्जवा पण्णत्ता। से केणद्वेणं भंते! एवं वुच्चति असुरकुमाराणं अणंता पज्जवा पण्णत्ता ? गोयमा ! असुरकुमारे असुरकुमारस्स दवट्टयाए तुल्ले, पदेसट्ठताए तुल्ले; ओगाहणट्ठताए चउट्ठाणवडिए, ठितीए चउट्ठाणवडिए, कालवण्णपज्जवेहिं छट्ठाणवडिए, एवं णीलवण्णपज्जवेहिं लोहियवण्णपज्जवे हिं हालिद्दवण्णपज्जवेहिं सुक्विल्लवण्णपज्जेवेहिं, सुब्भिगंधपज्जवेहिं दुब्भिगंधपज्जवेहिं, तित्तरसपज्जवेहिं कडुयरसपज्जवेहिं कसायरसपज्जवेहिं अंबिलरसपज्जवेहिं महुरसपज्जवेहिं, कक्खडफासपज्जवेहिं मउयफासपज्जवेहिं निद्धफासपज्जवेहिं लहुयफासपज्जवेहिं सीतफासपज्जवेहिं उसिणफासपज्जवेहिं निद्धफासपज्जवेहिं लुक्खफासपज्जवेहिं, आभिणिबोहियणाणपज्जवेहिं सुतणाणपज्जवेहिं ओहिणाणपज्जवेहिं, मतिअण्णाणपज्जवेहिं सुयअण्णाणपज्जवेहिं विभंगणाणपज्जवेहिं, चक्खुदंसणपज्जवेहिं अचक्खदंसणपज्जवेहिं ओहिदंसणपज्जवेहि य छट्ठाणवडिते, से तेणद्वेणं गोयमा ! एवं वुच्चति असुरकुमाराणं अनंता पज्जवा पण्णत्ता । ४४२. एवं जहा नेरइया जहा असुरकुमारा तहा नागकुमारा वि जाव थणियकुमारा । [ सुत्ताई ४४३-४४७. एगिंदियाणं पज्जवा] ४४३. पुढविकाइयाणं भंते! केवतिया पज्जवा पण्णत्ता ? गोयमा ! अणंता पज्जवा पण्णत्ता । से केणट्टेणं भंते ! एवं वुच्चति बुढविकाइयाणं अणंता पज्जवा पण्णत्ता ? गोयमा ! पुढविकाइए पुढविकाइयस्स
Hero श्री आगमगुणमंजूषा - ९९०
WOR