Agam 15 Upang 04 Pragnapana Sutra Shwetambar Agam Guna Manjusha

SR No.: 003265
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 181
Language: Prakrit
Classification: Book_Devnagari, Agam, Canon, & agam_pragyapana
File Size: 16 MB

Page 51

GROF85855
(१५) पण्णवणा बहुवत्तव्वयपयं - ३ दार (२७)
555%%%
%
%
%$220
DSC}乐听听听听听听听听听听听听乐乐乐听听听听听听听听乐乐 听听听听听听听听听听乐听听听听听听听听乐明明6S
२६४. एतेसि णं भंते ! जीवाणं भासगाणं अभासगाण य कतरे कतरेहितो अप्पा वा बहुवा तुल्ला वा विसेसाहिया वा ? गोयमा ? सव्वत्थोवा जीवा भासगा १, अभासगा अणंतगुणा २। दारं १५॥ [सुत्तं २६५. सोलसमं परित्तदारं] २६५. एतेसि णं भंते ! जीवाणं परित्ताणं अपतरत्ताणं नोपरित्तनोअपरित्ताण य कतरे कतरेहितो अप्पा वा बहुवा वा तुल्ला वा विसेसाहिया वा ? गोयमा ! सव्वत्थोवा जीवा परित्ता १, नोपरित्तनोअपरित्ता अणंतगुणा २, अपरित्ता अणंतगुणा ३ । दारं १६॥ [सुत्तं २६६. सत्तरसमं पज्जतदारं] २६६. एएसिणं भंते ! जीवाणं पज्जत्ताणं अपज्जत्ताणं नोपज्जत्तनोअपज्जत्ताण य कतरे कतरेहितो अप्पा वा बहुवा वा तुल्ला वा विसेसाहिया वा ? गोयमा ! सव्वत्थोवा जीवा नोपज्जत्तगनोअपज्जत्तगा १,अपज्जत्तगा अणंतगुणा २, पज्जत्तगा संखेज्जगुणा ३। दारं १७।। [सुत्तं २६७. अट्ठारसमं सुहमदारं) २६७. एएसि णं भंते ! जीवाणं सुहुमाणं बादराणठ नोसुहुमनोबादराण य कतरे कतरेहिंतो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवा जीवा णोसुहुमणोबादरा १, बादरा अणंतगुणा २, सुहुमा असंखेजगुणा ३ । दारं १८॥ [सुत्तं २६८. एगूणवीसइमं सण्णिदारं] २६८. एतेसि णं भंते ! जीवाणं सण्णीणं असण्णीणं नोसण्णीनोअसण्णीणो य कतरे कतरेहितो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवा जीवा सण्णी १, णोसण्णीणोअसण्णी अणंतगुणा २, असण्णी अणंतगुणा ३ । दारं १९॥ सुत्तं २६९. वीसइमं भवदारं] २६९. एतेसि णं भंते ! जीवाणं भवसिद्धियाणं अभवसिद्धियाणं णोभवसिद्धियणोअभवसिद्धियाण य कतरे कतरेहितो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवा जीवा अभवसिद्धिया
१, णोभवसिद्धियणोअभवसिद्धिया अणंतगुणा २, भवसिद्धिया अणंतगुणा ३ । दारं २०॥ [सुत्ताई २७०-२७३. एगवीसइमं अत्थिकायदारं] २७०. एतेसिंणं म भंते ! धम्मत्थिकाय - अधम्मत्थिकाय - आगासत्थिकाय - जीवत्थिकाय - पोग्गलत्थिकाय - अद्धासमयाणं दव्वट्ठयाए कतरे कतरेहितो अप्पा वा बहुया वा तुल्ला
वा विसेसाहिया वा ? गोयमा ! धम्मत्थिकाए अधम्मत्थिकाए आगासत्थिकाए य एए तिन्नि वि तुल्ला दव्वट्ठयाए सव्वत्थोवा १, जीवत्थिकाए दव्वट्ठयाए अणंतगुणे
२, पोग्गलत्थिकाए दव्वट्ठयाए अणंतगुणे ३, अद्धासमए दव्वट्ठयाए अणंतगुणे ४ । २७१. एएसि णं भंते धम्मत्थिकाय - अधम्मत्थिकाय - आगासत्थिकाय - म जीवत्थिकाय - पोग्गलत्थिकाय - अद्धासमयाणं पदेसट्टयाए कतरे कतरेहितो अप्पा वा बहुया वा तुल्ला वा विसेसाहिया वा? गोयमा! धम्मत्थिकाए अधम्मत्थिकाए म य एते णं दो वि तुल्ला पदेसट्ठयाए सव्वत्थोवा १, जीवत्थिकाए पदेसठ्ठताए अणंतगुणे २, पोग्गलत्थिकाए पदेसट्ठयाए अणंतगुणे ३, अद्धासमए पदेसट्ठयाए
अणंतगुणे ४, आगासत्थिकाए पदेसठ्ठताए अणंतगुणे ५ । २७२. १ एतस्स णं भंते ! धम्मत्थिकायस्स दव्वट्ठ-पदेसठ्ठताए कतरे कतरेहितो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवे एगे धम्मत्थिकाए दव्वठ्ठताए, से चेव पदेसद्वताए असंखेजगुणे। २ एतस्स णं भंते ! अधम्मत्थिकायस्स दव्वट्ठपदेसठ्ठताए कतरे कतरेहितो अप्पा वा बहुया वा तुल्ला वा विसेसाहिया वा? गोयमा ! सव्वत्थोवे एगे अधम्मत्थिकाए दव्वठ्ठताए, से चेव पदेसठ्ठताए असंखेज्जगुणे। ३ एतस्स णं भंते ! आगासत्थिकायस्स दव्वट्ठ-पदेसठ्ठताए कतरे कतरेहितो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवे एगे आगासत्थिकाए दव्वट्ठताए, से चेव पदेसट्ठताए अणंतगुणे। ४ एतस्स णं भंते ! जीवत्थिकायस्स दव्वट्ठ-पदेसट्ठताए कतरे कतरेहितो अप्पा वा बहुया वा तुल्ला वा विसेसाहिया वा ? गोयमा! सव्वत्थोवे जीवत्थिकाए दव्वट्ठयाए, से चेव पदेसट्ठताए असंखेज्जगुणे। ५ एतस्सणं भंते ! पोग्गलत्थिकायस्स दव्वट्ठ-पदेसट्ठताए कतरे कतरेहिंतो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवे पोग्गलत्थिकाए दव्वट्ठयाए, से चेव पदेसट्ठयाए असंखेज्जगुणे। ६ अद्धसमए ण पुच्छिज्जइ पदेसाभावा । २७३. एतेसि णं भंते ! धम्मत्थिकायअधम्मत्थिकायआगासत्थिकायजीवत्थिकायपोग्गलत्थिकायअद्धासमयाणं दव्वट्ठपदेसठ्ठताए कतरे कतरेहितो अप्पा वा बहुया वा तुल्ला वा विसेसाहिया वा ? गोयमा ! धम्मत्थिकाए अधम्मत्थिकाए आगासत्थिकाए य एते णं तिण्णि वि तुल्ला दव्वट्ठयाए सव्वत्थोवा १,
धम्मत्थिकाए अधम्मत्थिकाए य एते णं दोण्णि वि तुल्ला पदेसठ्ठताए असंखेज्जगुणा २, जीवत्थिकाए दव्वट्ठयाए अणंतगुणे ३, से चेव पदेसठ्ठताए असंखेज्जगुणे ४, verestFF555555555555555555555 श्री आगमगुणमंजूषा-९७५ 055555555555555555555555555FGS