Agam 15 Upang 04 Pragnapana Sutra Shwetambar Agam Guna Manjusha

SR No.: 003265
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 181
Language: Prakrit
Classification: Book_Devnagari, Agam, Canon, & agam_pragyapana
File Size: 16 MB

Page 50

(१५) पण्णवणा बहुवत्तव्वयपयं ३ दार (२७)
[३९]
कतरेहिंतो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवा जीवा मणजोगी १, वइजोगी असंखेज्नगुणा २, अजोगी अनंतगुणा ३, कायजोगी अतगुणा ४, सजोगी विसेसाहिया ५ | दारं ५ ॥ [ सुत्तं २५३. छट्टं वेयदार] २५३. एएसि णं भंते! जीवाणं सवेदगाणं इत्थीवेदगाणं पुरिसवेदगाणं नपुंसकवेदगाणं वेदगाण य कतरे कतरेहिंतो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवा जीवा पुरिसवेदगा १, इत्थीवेदगा संखेज्जगुणा २, अवेदगा अणंतगुणा ३, नपुंसगवेदगा अणंतगुणा ४, सवेयगा विसेसाहिया ५ । दारं ६ ॥ [ सुत्तं २५४. सत्तमं कसायदारं ] २५४. एतेसि णं भंते ! जीवाणं सकसाईणं कोहकसाईणं माणकसाईणं मायकसाईणं लोभकसाईणं अकसाईण य कतरे कतरेहिंतो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवा जीवा अकसायी १, माणकसायी अनंतगुणा २, कोहकसायी विसेसाहिया ३, मायकसाई विसेसाहिया ४, लोहकसाई विसेसाहिया ५, सकसाई विसेसाहिया ६ | दारं ७ || [सुत्तं २५५. अट्टमं लेस्सादारं] २५५. एएसि णं भंते! जीवाणं सलेस्साणं किण्हलेस्साणं नीललेस्साणं काउलेस्साणं तेउलेस्साणं पम्हलेस्साणं सुक्कलेस्साणं अलेस्साण य कतरे कतरेहिंतो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवा जीवा सुक्कलेस्सा १, पम्हलेस्सा संखेज्जगुणा २, तेउलेस्सा संखेज्जगुणा ३, अलेस्सा अनंतगुणा ४, काउलेस्सा अणंतगुणा ५, णीललेस्सा विसेसाहिया ६, किण्हलेस्सा विसेसाहिया ७, सलेस्सा विसेसाधिया ८ | दारं ८ ॥ [सुत्तं २५६. नवमं सम्मत्तदारं ] २५६. एतेसि णं मंते ! जीवाणं सम्मद्दिट्ठीणं मिच्छद्दिदुविहा पण्णत्ता । तं जहा-णं सम्मामिच्छादिट्ठीणं च कतरे कतरेहिंतो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवा जीवा सम्मामिच्छद्द्द्दिट्ठी १, सम्मद्दिट्ठी अनंतगुणा २, मिच्छदिट्ठी अणंतगुणा ३ । दारं ९ ॥ [सुताई २५७-२५९. दसमं णाणदारं ] २५७. एतेसि णं भंते ! जीवाणं आभिणिबोहियणाणीणं सुथणाणीणं ओहिणाणीणं मणपज्जवणाणीणं केवलणाणीण य कतरे कतरेहिंतो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवा जीवा मणपज्जवणाणी १, ओहिणाणी असंखेज्जगुणा २, आभिणिबाणी सुयाणी दो वितुल्ला विसेसाहिया ३, केवलणाणी अनंतगुणा ४ । २५८. एतेसि णं भंते! जीवाणं मइअण्णाणीणं सुतअण्णाणीणं विहंगणाणीण य कतरे कतरेहिंतो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवा जीवा विभंगणाणी १, मइअण्णणी सुतअण्णाणी दो वि तुल्ला अनंतगुणा २ । २५९. एतेसि णं भंते! जीवाणं आभिणिबोहियणाणीणं सुयणाणीणं ओहिणाणीणं मणपज्जवणाणीणं केवलणाणीणं मतिअण्णाणीणं सुतअण्णाणीणं विमंगनाणीय य कतरे कतरेहिंतो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवा जीवा मणपज्जवणाणी १, ओहिणाणी असंखेज्जगुणा २, आभिणि बोहियणाणी सुतणाणी य दो वितुल्ला विसेसाहिया ३, विहंगणाणी असंखेज्जगुणा ४, केवलणाणी अणंतगुणा ५, मइअण्णाणी सुतअण्णाणी य दो वि तुल्ला अनंतगुणा ६ । दारं १०॥ [सुत्तं २६०. एक्करसमं दंसणदारं] २६०. एतेसि णं भंते! जीवाणं चक्खुदंसणीणं अचक्खुदंसणीणं ओहिदंसणीणं केवलदंसणीण य कतरे करेहिं अप्पा वा बहुया वातुल्ला वा विसेसाहिया वा ? गोयमा ! सव्वत्थोवा जीवा ओहिदंसणी १, चक्खुदंसणी असंखेज्जगुणा २, केवलदंसणी अनंतगुणा ३, अचक्खुदंसणी अनंतगुणा ४ | दारं ११ ।। [सुत्तं २६१. दुवालसमं संजयदारं ] २६१. एतेसि णं भंते ! जीवाणं संजयाणं असंजयाणं संजयसंजयाणं नोसंजयनोअसंजयनोसंजतासंजराण कतरे कतरेहिंतो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवा जीवा संजता १, संजयासंजता असंखेज्जगुणा २, नोसंजतनो असंजतनोसंजतासंजता अणंतगुणा ३, असंजता अनंतगुणा ४ | दारं १२ ॥ [ सुत्तं २६२. तेरसमं उवओगदारं] २६२. एतेसि णं भंते ! जीवाणं सागारोवउत्ताणं अणागारोवत्ताण य कतरे कतरेहिंतो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवा जीवा अणागारोवउत्ता १, सागरोत्ता संखेज्जगुणा २ | दारं १३ ॥ [सुत्तं २६३. चोहसमं आहारदारं] २६३. एतेसि णं भंते! जीवाणं आहारगाणं अणाहारगाण य कतरे कतरेहिंतो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवा जीवा अणाहारगा १, आहारगा असंखेज्जगुणा २ | दारं १४ ॥ [ सुत्तं २६४. पनरसमं भासगदारं ]
MOON श्री आगमगुणमंजूषा - ९७४
फ्र