Agam 15 Upang 04 Pragnapana Sutra Shwetambar Agam Guna Manjusha

SR No.: 003265
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 181
Language: Prakrit
Classification: Book_Devnagari, Agam, Canon, & agam_pragyapana
File Size: 16 MB

Page 27

(१५) पण्णवणा पय
१ / द्वाणपर्यं २
[१६]
सामाइयचरित्तारिया १ छेदोवद्वावणियचरित्तारिया २ परिहारविसुद्धियचरित्तारिया ३ सुहुमसंपरायचरित्तारिया ४ अहक्खायचरित्तारिया ५ | १३४. से किं तं सामाइयचरितारिया ? सामाइयचरित्तारिया दुविहा पण्णत्ता । तंजहा इत्तरियसामाइयचरित्तारिया य आवकहियसामाइयचरित्तारिया य । से तं सामारियचरित्तारिया । १३५. से किं तं छेदोवट्ठावणियचरित्तारिया ? छेदोवट्ठावणियचरित्तारिया दुविहा पण्णत्ता । तं जहा साइयारछे दो वट्ठावणियचरित्तारिया य णिरइयारछेदोवट्ठावणियचरित्तारिया य । से तं छेदोवट्ठावणियचरित्तारिया । १३६. से किं तं परिहारविसुद्धियचरित्तारिया ? परिहारविसुद्धियचरित्तारिया दुविहा पण्णत्ता । तं जहा निव्विसमाणपरिहारविसुद्धियचरित्तारिया य निव्विट्टकाइयपरिहारविसुद्धियचरित्तारिया य । से त्तं परिहारविसुद्धियचरित्तारिया । १३७. से किं तं सुहुमसंपरायचरित्तारिया ? सुहुमसंपरायचरित्तारिया दुविहा पण्णत्ता । तं जहा संकिलिस्समाणसुहुमसंपरायचरित्तारियाय विसुज्झमाणसुहुमसंपरायचरित्तारियाय । से त्तं सुहुमसंपरायचरित्तारिया । १३८. से किं तं अहक्खायचरित्तारिया ? अहक्खायचरित्तारियादुविहा पण्णत्ता । तं जहा छउमत्थअहक्खायचरित्तारिया य केवलिअहक्खायचरित्तारिया य से त्तं अहक्खायचरित्तारिया से तं चरित्तारिया से तं अणिड्डिपत्तारिया । से त्तं आरिया। से त्तं कम्मभूमगा । से त्तं गब्भवक्कंतिया । सेतं मणुस । [सुत्ताइं १३९-१४७. देवजीवपण्णवणा] १३९. से किं तं देवा ? देवा चउव्विहा पण्णत्ता । तं जहा भवणवासी १ वाणमंतरा २ जोइसिया ३ यि ४ । १४० १ से किं तं भवणवासी ? भवणवासी दसविहा पन्नत्ता । तं जहा असुरकुमारा १ नागकुमारा २ सुवण्णकुमारा ३ विज्जुकुमारा ४ अग्गिकुमारा ५ दीवकुमारा ६ उदहिकुमारा ७ दिसाकुमारा ८ वाउकुमारा ९ थणियकुमारा १० । २ ते समासतो दुविहा पण्णत्ता । तं जहा पज्जत्तगा य अपज्जत्तगा य । से तं भवणवासी । १४१. १ से किं तं वाणमंतरा ? वाणमंतरा अट्ठविहा पण्णत्ता । तं जहा किन्नरा १ किंपुरिसा २ महोरगा ३ गंधव्वा ४ जक्खा ५ रक्खसा ६ भूया ७ पिसाया ८ । २ ते समासतो दुविहा पण्णत्ता । तं जहा पज्जत्तगा य अपज्जत्तगा य से त्तं वाणमंतरा । १४२. १ से किं तं जोइसिया ? जोइसिया पंचविहा पन्नत्ता । तं जहा चंदा १ सूरा २ गहा ३ नक्खत्ता ४ तारा ५ । २ ते समासतो दुविहा पण्णत्ता । तं जहा पज्जत्तगा य अपज्जत्तगा य से त्तं जोइसिया । १४३. से किं तं वेमाणिया ? वेमाणिया दुविहा पण्णत्ता । तं जहां कप्पोवगा य कप्पातीताय । १४४. १ से किं तं कप्पोवगा ? कप्पोवगा बारसविहा पण्णत्ता । तं जहा सोहम्मा १ ईसाणा २ सणकुमारा ३ माहिंदा ४ बंभलोया ५ लंतया ६ सुक्का ७ सहस्सारा ८ आणता ९ पाणता १० आरणा ११ अच्चुता १२ । २ ते समासतो दुविहा पण्णत्ता । तं जहा पज्जत्तगा य अपज्जत्तगा य । से तं कप्पोवगा। १४५. से किं तं कप्पतीया ? कप्पातीया दुविहा पण्णत्ता । तं जहा गेवेज्जगा य अणुत्तरोववाइया य । १४६. १ से किं तं गेवेज्जगा ? गेवेज्जगा णवविहा पण्णत्ता । तं जहा हेट्ठिमहेट्ठिमगेवेज्जगा १ हेट्ठिममज्झिमगेवेज्जगा २ हेट्ठिमउवमिगेवेज्जगा ३ मज्झिमहेट्ठिमगेवेज्जगा ४ मज्झिममज्झिमगेवेज्जगा ५ मज्झिमउवरिमगेवेज्जगा ६ उवरिमहेट्ठिमगेवेज्जगा ७ उवरिममज्झिमगेवेज्जगा ८ उवरिमउवरिमगेवेज्जगा ९ । २ ते समासतो दुविहा पण्णत्ता । तं जहा-पज्जत्तगा य अपज्जत्तगा य से त्तं गेवेज्जगा । १४७. १ से किं तं अणुत्तरोववाइया ? अणुत्तरोववाइया पंचविहा पण्णत्ता । तं जहा विजया १ वेजयंता २ जयंता ३ अपराजिता ४ सव्वट्ठसिद्धा ५ । २ ते समासतो दुविहा पण्णत्ता । तं जहा पज्जत्तगा य अपज्जत्तगा य से त्तं अणुत्तरोववाइया । से त्तं कप्पाईया । से त्तं वेमाणिया । से त्तं देवा । से त्तं पंचिदिय से त्तं संसारसमावण्णजीवपण्णवणा । से त्तं जीवपण्णवणा । से त्तं पण्णवणा । ॥ पण्णवणाए भगवईए पढमं पण्णवणापयं समत्तं ॥ 555 २. बिइयं ठाणपयं सुत्ताइं १४८-१५०. पुढविकायठाणाई १४८. कहि णं भंते ! बातरपुढविकाइयाणं पज्जत्तगाणं ठाणा पण्णत्ता ? गोयमा ! सट्ठाणेणं अट्टसु पुढविसु। तं जहा रयणप्पभाए १ सक्करप्पभाए २ वालुयप्पभाए ३ पंकप्पभाए ४ धूमप्पभाए ५ तमप्पभाए ६ तमतमप्पभाए ७ इसीपब्भाराए ८-१, अहोलोए पायालेसु भवणेसु भवणपत्थडेसु णिरएस निरयावलियासु निरयपत्थडेसु २, उडलोए कप्पेसु विमाणेसु विमाणावलिया विमाणपत्थडेसु ३, तिरियलोए टंकेसु कूडेसु सेलेसु सिहरीसु पब्भारेसु विजएसु वक्खारेसु वासेसु वासहरपव्वएसु वेलासु वेइयासु दारेसु तोरणेसु दीवेसु समुद्देसु
HOTO श्री आगमगुणमंजूषा - ९५१ 02