Agam 15 Upang 04 Pragnapana Sutra Shwetambar Agam Guna Manjusha

SR No.: 003265
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 181
Language: Prakrit
Classification: Book_Devnagari, Agam, Canon, & agam_pragyapana
File Size: 16 MB

Page 24

(१५) पण्णवणा पय१
[१३]
समासतो दुविहा पण्णत्ता । तं जहा आरिया य मिलक्खू य । ९८. से किं तं मिलक्खू ? मिलक्खू अणेगविहा पण्णत्ता । तं जहा सग-जवण-चिलाय सबरबब्र-काय-मुरुडोड्ढ-भडग- णिण्णग-पक्कणिय-कुलक्ख-गोंड - सिंहल - पारस-गोंधोंठंब- दमिल- चिल्लल-पुलिंद - हारोस- डोंब वोक्काण - गंधाहारग - बहलिय- अज्ज - रोम-पास पउस मलया य चुंचुया यमूयलि- कोंकणग-मेय- पल्हव - मालव- गग्गर- आभासिय णक्क चीणा ल्हसिय- खस-खासिय- णेडूर-मंढ-डोंबिलग-लउसबस केक्कया अरवागा हूण-रोसग भरुग-रुय-विलायविसयवासी य एवमादी । से त्तं मिलक्खू । ९९. से किं तं आरिया ? आरिया दुविहा पण्णत्ता । तं जहा इड्डिपत्तारिया यअणिड्डिपत्तारिया य । १००. से किं तं इडिपत्तारिया ? इडिपत्तारिया छव्विहा पण्णत्ता । तं जहा अरहंता १ चक्कवट्टी २ बलदेवा ३ वासुदेवा ४ चारणा ५ विज्जाहरा ६ । से त्तं इडिपत्तारिया । १०१. से किं तं अणिढिपत्तारिया ? अणिड्डिपत्तारिया णवविहा पण्णत्ता । तं जहा खेत्तारिया २ कुलारिया ३ कमरिया ४ सिप्पारिया ५ भासारिया ६ णाणारिया ७ दंसणारिया ८ चरित्तारिया ९ । १०२. से किं तं खत्तारिया अद्धछव्वीसतिविहा पण्णत्ता तं जहा रायगिह मगह १, चंपा अंगा २, तह तामलित्ति वंगा य ३ । कंचणपुरं कलिंगा ४, वाणारसि चेव कासी य ५ ॥ ११२ ॥ साय कोसला ६, गयपुरं च कुरु ७, सोरियं कुसट्टा य ८ । कंपिल्लं पंचाला ९ अहिछत्ता जहगला चेव १० ॥ ११३ ॥ बारवती य सुरट्ठा ११, महिल विदेहाय १२, वच्छ कोसंबी १३ । णंदिपुरं संडिल्ला १४ भद्दिलपुरमेव मलया य १५ ॥ ११४॥ वइराड वच्छ १६, वरणा अच्छा १७, तह भत्तियावइ दसण्णा १८ । सुत्तीमई य चेदी १९, वीरभयं सिंधुसोवीरा २०॥११५॥ महुरा य सूरसेणा २१ पावा भंगी य २२ मासपुरि वट्टा २३ । सावत्थी य कुणाला २४, कोडीवरिसं च लाढा य २५ ॥ ११६ ॥ सेयविया वि य णयरी केयइअद्धं च २५ || आरियं भणितं । एत्थुप्पत्ति जिणाणं चक्कीणं राम-कहाणं ॥ ११७ ॥ से त्तं खेत्तारिया । १०३. से किं तं जातिआरिया ? जातिआरिया छव्विहा पण्णत्ता । तं जहा अंबट्ठा १ य कालिंदा २ विदेहा ३ वेदगा ४ इय । हरिया ५ चुंचुणा ६ चेव, उ एया इब्भगातिओ ॥ ११८ ॥ से त्तं जातिआरिया । १०४. से किं तं कुलारिया ? कूलारिया छव्विहा पन्नत्ता । तं जहा उग्गा १ भोगा २ राइण्णा ३ इक्खागा ४ णाता कोरव्वा ६ । से तं कुलारिया । १०५. से किं तं कम्मारिया ? कम्मारिया अणेगविहा पण्णत्ता । तं जहा दोस्सिया सोत्तिया कप्पसिया सुत्तवेयालिया भंडवेयालिया कोलालिया णरदावणिया, जे यावऽण्णे तहप्पगारा। से त्तं कम्मारिया । १०६. से किं तं सिप्पारिया ? सिप्पारिया अणेगविहा पण्णत्ता । तं जहा तुण्णागा तंतुवाया पट्टगारा देयडा वरणा छव्विया कट्टपाउयारा मुंजपाउयारा छत्तारा वज्झारा पोत्थारा लेप्पारा चित्तारा संखारा दंतारा भंडारा जिज्झगारा सेल्लगारा कोडिगारा, जे यावऽण्णे तहप्पगारा । से त्तं सिप्परिया । १०७. से किं तं भासारिया ? भासारिया जेणं अद्धमागहाए भासाए भासिति, जत्थ वि य णं बंभी लिवी पवत्तइ । बंभीए णं लिवीए अट्ठारसविहे लेक्खविहाणे पण्णत्ते । तं जहा बंभी १ वालिया २ दोसापुरिया ३ खरोट्ठी ४ पुक्खरसारिया ५ भोगवईया ६ पहराईयाओ य ७ अंतक्खरिया ८ अक्खरपुट्टिया ९ वेणइया १० णिण्हइया ११. अंकलिवी १२ गणितलिवी १३ गंधव्वलिवी १४ आयंसलिवी १५ माहेसरी १६ दामिली १७ पोलिंदी १८ । से तं भासारिया । १०८. से किं तं णाणारिया ? णारिया पंचविहा पण्णत्ता । तं जहा आभिणिबोहियणाणारिया १ सुयणाणारिया २ ओहिणाणारिया ३ मणपज्जवणाणारिया ४ केवलणाणारिया ५ । से त्तं णाणारिया । १०९. से किं तं दंसणारिया ? दंसणारिया दुविहा पण्णत्ता । तं जहा सरागदंसणारिया य वीररागदंसणारिया य । ११०. से किं तं सरागदंरणारिया दसविहा पण्णत्ता । तं जहा निस्सग्गुवएसई १-२ आणारुइ ३ सुत्त४ - बीयरुइ५ मेव । अहिगम६ - वित्थाई किरिया८-संखेव९- धम्मरुई१०॥११९ ॥ भूअत्थेणाधिगया जीवाऽजीवं च पुण-पावं च । सहसम्मुइयाऽऽसव-संवरे य रोएइ उ णिसग्गो ॥ १२०॥ जो जिणदिट्ठे भावे चउव्विहे सद्दहाइ सयमेव । एमेव णऽण्णह त्ति य णिस्सग्गरुइ ति णायव्व १ ॥ १२१ ॥ एते चेव उ भावे उवदिट्ठे जो परेण सद्दहइ । छउमत्येण जिणेव व उवएसरुइ त्ति नायव्वो २ ॥ १२२॥ जो हेउमयाणतो आणाए रोयए पवयणं तु । एमेव
हत्तिय एसो आणारुई नाम ३ ॥ १२३॥ जो सुत्तमहिज्जंतो सुएण ओगाहई उ सम्मंत्तं । अंगेण बाहिरेण व सो सुत्तरुइ त्ति णायव्वो ४ ॥ १२४ ॥ एगपणेगा पदाइं जो पसरई उ सम्मत्तं । उदए व्व तेल्लबिंदू सो बीयरुइ त्ति णायव्वो ५ ॥ १२५ ॥ सो होइ अहिगमरुई सुयणाणं जस्स अत्यओ दिहं । एकारस अंगाई पइण्णगं MOTOR श्री आगमगुणमंजूषा ९४८
KOKO