Page Text
________________
(१४) जीवाजीवाभिगम (३) पडिवनि (प.) दीव समूह [82]
*******O सीहघोसाओ मंजुस्सराओ मंजुघोसाओ सुस्सराओ सुस्सरणिग्घोसाओ ते पदेसे ओरालेणं मणुण्णेणं कण्णमणनिव्वुइकरेण सद्देण जाव चिट्ठति, विजयस्स णं दारस्स उभओपासिं दुहतो णिसीधिताए दो दो वणमालापरिवाडीओ पं०, ताओ णं वणमालाओ णाणादुमलताकि सलयपल्लवसमाउलाओ छप्पयपरिभुज्जमाणकमलसोभंतसस्सिरीयाओ पासाईआओ० ते पएसे उरालेणं जाव गंधेणं आपूरेमाणीओ जाव चिट्ठति । १३० | विजयस्स णं दारस्स उभओ पासिं दुहतो णिसीहियाए दो दो पगंठगा पं०, ते णं पगंठगा चत्तारि जोयणाई आयामविक्खंभेणं दो जोयणाई बाहल्लेणं सव्ववइरामता अच्छा जाव पडिवा, सिं णं पयंठगाणं उवरिं पत्तेयं २ पासायवडंसगा पं०, ते णं पासायवडिंसगा चत्तारि जोयणाडं उड़ढउच्चत्तेणं दो जोयणाइं आयामविक्खंभेणं अब्भुग्गयमूसितपहसिताविव विवहमणिरयणभत्तिचित्ता वाउछुयविजयवेजयंतीपडागच्छत्तातिच्छत्तकलिया तुंगा गगणतलमभिलंघमाणसिहरा जालंतररयणपंजरूम्मिलितव्व मणिकणगभिया वियसियसयवत्तपोंडरीयतिलकरयणद्धचंदचित्ता णाणामणिमयदामालंकिया अंतो बाहिं च सण्हा० तवणिज्नरूइलवालुयापत्थङगा सुहफासा सस्सिरीयरूवा पासातीया०, तेसिं णं पासायवडेंसगाणं उल्लोया पउमलताजावसामलयाभत्तिचित्ता सव्वतवणिज्जमता अच्छा जाव पडिख्वा, तेसिं णं पासायवडिसगाणं पत्तेयं २ तो बहुसमरमणिज्जे भूमिभागे पं०, से जहाणामए आलिंगपुक्खरेति वा जाव मणीहिं उवसोभिए, मणीणं गंधो वण्णो फासो य नेयव्वो, तेसिं णं बहुसमरमणिज्जाणं भूमिभागाणं बहुमज्झदेसभाए पत्तेयं २ मणिपेढियाओ पं०, ताओ णं मणिपेढियाओ जोयणं आयामविक्खंभेणं अद्धजोयण बाहल्लेणं सव्वरयणामईओ जाव पडिरूवाओ, तासिं णं मणिपेढियाणं उवरिं पत्तेयं २ सीहासणे पं०, तेसिं णं सीहासणाणं अयमेयारूवे वण्णावासे पं० तं० तवणिज्जमया चक्कला रयतामया सीहा सोवणिया पादा णाणामणिमयाइं पायवीढगाई जंबूणयमताइं गत्ताइं वतिरामया संधी नाणामणिमए वेच्चे, ते णं सीहासणा इहामियउसभजावपउमलयभत्तिचित्ता ससारसारोवइयविविहमणिरयणपायपीढा अच्छरगमिउमसूरगनवतयकु संतलिच्च सीहके सरपच्चत्थुताभिरामा उवचियखो मदुगुल्लपट्टपडि च्छायणा सुविरचितरत्ताणा रत्तंसुयसंवुया सुरम्मा आइणगरुयबूरणवनीततूलमउयफासा पासाईया०, तेसिं णं सीहासणाणं उप्पिं पत्तेयं २ विजयदूसे पं०, ते णं विजयसा सेता संखकुंददगरयअमतमहियफेणपुंजसन्निकासा सव्वरयणामया अच्चा जाव पडिरूवा, तेसिं णं विजयसाणं बहुमज्झदेसभाए पत्तेयं २ वइरामया अकुंसा पं०, तेसु णं वइरामएसु अंकुसेसु पत्तेयं २ कुंभिक्का मुत्तादामा पं०, ते णं कुंभिक्का मुत्तादामा अन्नेहिं चउहिं २ तदद्धुच्चप्पमाणमेत्तेहिं अट्टकुंभिक्केहिं मुत्तादामेहिं सव्व समंता संपरिक्खित्ता, ते णं दामा तवणिज्जलंबूसका सुव्वणपयरगमंडिता जाव चिह्नंति, तेसिं णं पासायवडिंसगाणं उप्पिं बहवे अट्ठट्ठमंगलगा पं० सोत्थिय तधेव छत्ता । १३१ । विजयस्स णं दारस्स उभओ पासिं दुहओ णिसीहियाए दो दो तोरणा पं०, ते णं तोरणा णाणामणिमया तव जाव अट्ठट्ठमंगलगा य छत्तातिच्छत्ता, सिंणं तोरणाणं पुरतो दो दो सालभंजिताओ पं० जहेव णं हेट्ठा तहेव, तेसिं णं तोरणाणं पुरतो- दो दो नागदंतगा पं०, ते णं णागदंतगा मुत्ताजालंतरूसिया तहेव, तेसु णं णागदंतएसु बहवे किण्हसुत्तवट्टवग्घारितमल्लदामकलावा जाव चिह्नंति, तेसिं णं तोरणाणं पुरतो दो दो हयसंघाडगा जाव उसभसंघाडगा पं० सव्वरयणामया अच्छा जाव पडिरूवा, एवं पंतीओ वीहीओ मिहुणगा दो दो पउमलयाओ जाव पडिरूवाओ, तेसिं णं तोरा ॥ पुरतो दो दो चंदणकलसा पं०, ते णं चंदणकलसा वरकमलपइट्टाणा तहेव सव्वरयणामया जाव पडिरूवा समणाउसो !, तेसिं णं तोरणाणं पुरओ दो दो भिंगारगा पं० वरव नलपट्टाणा जाव सव्वरयणामया अच्छा जाव पडिरूवा महतामहतामत्तगयमुहागितिसमाणा समणाउसो !, तेसिं णं तोरणाणं पुरतो दो दो आतंसगा पं०, तेसिं णं आतंसगाणं अयमेयारूवे वण्णावासे पं० तं तवणिज्जमया पयंठगा वेरुलियमया छरुहा वडरामया वरंगा णाणामणिमया वलक्खा अंकमया मंडला अणोघसियनिम्मलाए छायाए सव्वतो चेव समणुबद्धा चंदमंडलपडिणिकासा महतामहता अद्धकायसमाणा पं० समणाउसो !, तेसि णं तोरणाणं पुरतो दो दो वइरणाभे थाले पं०, ते णं थाला अच्छतिच्छडियसालितंदुलनहसंदट्टबहुपडिपुण्णा चेव चिड़ंति सव्वजंबूणतामता अच्छा जाव पडिरूवा महतामहतारहचक्कसमाणा समणाउसो !, तेसिं णं तोरणाणं • पुरतो दो दो पातीओ पं०, ताओ णं पातीओ अच्छोदयपडिहत्थाओ णाणाविधपंचवण्णस्स फलहरितगस्स बहुपडिपुण्णाओविव चिट्ठति सव्वरयणामतीओ जाव
फ्र
| SR No. | 003264 |
| Book Title | Agam 14 Upang 03 Jivabhigam Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 102 |
| Language | Prakrit |
| Classification | Book_Devnagari, Agam, Canon, & agam_jivajivabhigam |
| File Size | 10 MB |