Page Text
________________
(१४) जीवाजीवाभिगम (३) पडिवत्ति (च.) दीव समुद्द [४०]
लवणसमुद्दपुरच्छिमद्धस्स पच्चत्थिमेणं सीयाए महाणदीए उप्पिं एत्थ णं जंबुद्दीवस्स दीवस्स विजये णामं दारे पं० अट्ठ जोयणाई उहुंउच्चत्तेणं चत्तारि जोयणाई विक्खंभेणं तावतियं चेव पवेसेणं सेए वरकणगधूभियागे इहामियउसभतुरगनरमगरविहगवालगकिण्णररूरुसरभचमरकुं जरवणलतप-उमलयभत्तिचित् खंभुग्गतवइरवेदियापरिगताभिरामे विज्जाहरजमलजुयलजंतजुत्तेइव अच्चीसहस्समालिणीए रूवगसहस्सकलिते भिसमाणे भिब्भिसमाणे चक्खुल्लोयणलेसे सुहफासे सस्सिरीयरूवे वण्णो दारस्स तं० - वइरामया णिम्मा रिट्ठामया पतिट्ठाणा वेरूलिया खंभा जायरूवोवचियपवरपंचवण्णमणिरयणकोट्टिमतले हंसगब्भमए एलए गोमेज्जमते इंदखीले लोहितक्खमईओ दारचेडीओ जोतिरसामते उत्तरंगे वेरूलियामया कवाडा वइरामया संधी लोहितक्खमईओ सूईओ णाणामणिमया समुग्गगा वईरामई अग्गलाओ अग्गलापासाया वइरामई आवत्तणपेढिया अंकुत्तरपासते णिरंतरितघणकवाडे भित्तीसु चेव भित्तिगुलिया छप्पण्णा तिण्णि होति गोमाणसी तत्तिया णाणामणिरयणवालरू वगलीलट्ठियसालिभंजियाए वइरामए कूडे रययामए उस्सेहे सव्वतवणिज्जमए उल्लोए णाणामणिरयणजालपंजरमणिवंसगलोहितक्खपडिवंसगरयतभोम्मे अंकामया पक्खबाहाओ जोतिरसामया वंसा वंसकवेल्लुगा य रयतामयी पट्टिताओ जाय ओहाडणी वइरामयी उवरि पुच्छणी सव्वसेतरययामए च्छायणे अंकमतकणगकूडतवणिज्जधूभियाए सेते संखतलविमलणिम्मलदधिघणगोखीरफेणरयरयणिगरप्प गासद्धचंदचित्ते तिलगरयणद्धचंदचित्ते णाणामणिमयदामालंकिए अंतो य बहिं च सण्हे तवणिज्जरूइलवालुयापत्थडे सुहप्फासे सस्सिरीयरूवे पासातीए०, विजयस्स णं दारस्स उभयो पासिं दुहतो णिसीहि याते दो दो चंदणकलसपरिवाडीओ पं०, ते णं चंदणकलसा वरकमलपट्ठाणा सुरभिवरवारिपडिपुण्णा चंदणकयचच्चागा आविद्धकंठेगुणा परमुप्पलपिहाणा सव्वरयणामया अच्छा सण्हा जाव पडिरूवा महता २ महिंदकुंभसमाणा पं० समणाउसो !, विजयस्स णं दारस्स उभओ पासिं दुहतो णिसीहिआए दो दो णागदंतपरिवाडीओ, ते णं णागदंतगा मुत्ताजालंतरूसिता हेमजालगवक्खजालखिखिणीघंटाजालपरिक्खित्ता अब्भुग्गता अभि तिरियं सुसंपगहिता अहेपण्णगद्धरूवा पण्णगद्धसंठाणसंठिता सव्वरयणामया अच्छा जाव पडिरूवा महता २ गयदंतसमाणा पं० समणाउसो !, तेसु णं णागदंतएसु बहवे किण्हसुत्तबद्ध (वट्ट) वग्घारितमल्लदामकलावा जाव सुक्किल्लसुत्तवट्टवग्घारियमल्लदामकला वा, तेणं दामा तवणिज्जलंबूसगा सुवण्णपतरगमंडिता णाणामणिरयणविविधहारद्रहार जाव सिरीए अतीव २ उवसोभेमाणा २ चिट्ठति, तेसिं णं णागदंतकाणं उवरिं अण्णाओ दो दो णागदंतपरिवाडीओ पं०, तेसिं णं
दंतगाणं (उप्पं दो दो नागदंतगा) मुत्ताजालंतरूसिया तहेव जाव समणाउसो !, तेसु णं णागदंतएसु बहवे रयतामया सिक्कया पं० तेसु णं रयतामएसु सिक्कएसु बहवे वेरूलियामतीओ धूवघडीओ पं० तं० ताओ णं धूवघडीओ कालागुरूपवरकुंदुरुतुरुक्कक्क धूवमघमघंतगंधुद्धयाभिरामाओ सुगंधवरगंधगंधियाओ गंधवट्टिभूयाओ ओरालेणं मणुण्णेण घाणमणणिव्वुइकरेणं गंधेणं तप्पएसे सव्वतो समंता आपूरेमाणीओ २ अतीव सिरिए जाव चिट्ठति, विजयस्स णं दारस्स उभयतो पासिं णिसीधियाए दो दो सालभंजियापरिवाडीओ पं० ताओ णं सालभंजियाओ लीलट्ठिताओ सुपइट्टियाओ सुअलंकिताओ णाणागारवसणाओ णाणामल्लपिणद्धाओ मुट्ठीगेज्झमज्झाओ आमेलगजमलजुयलवट्टि अच्चुण्णयपीणरचियसंवट्टिपओहराओ रतावंगाओ असियकेसीओ मिदुविसयपसत्थलक्खणसंवेल्लितग्गसिरयाओ ईसिं असोगवरपादवसमुट्ठिताओ वामहत्थगहितग्गसालाओ ईसिं अद्धच्छिकडक्खचेट्ठिएहिं लूसेमाणीतोइव चक्खुल्लोयणलेसाहिं अण्णमण्णं खिज्नमाणीओइव पुढवी परिणामाओ सासयभावमुवगताओ चंदाणणाओ चंदविलासिणीओ चंदद्धसमनिडालाओ चंदाहियसोमदंसणाओ उक्काइव उज्जोएमाणीओ विज्जुघणमरीचिसूरदिप्पंततेयअहिययरसं निकासाओ सिंगारागारचारूवेसाओ पासाईयाओ० तेयसा अतीव २ उवसोभेमाणीओ चिट्ठति, विजयस्स णं दारस्स उभयतो पासिं दुहतो णिसीहियाए दो दो जालकडगा पं०, ते णं जालकडगा सव्वरयणामया अच्छा जाव पडिरूवा, विजयस्स णं दारस्स उभओपासिं दुहओ णिसीहियाए दो दो घंटापरिवाडीओ पं०, तासिं णं घंटाणं अयमेयारूवे वण्णावासे पं० तं० जंबूणयामतीओ घंटाओ वइरामतीओ लालाओ णाणामणिमया घंटापासगा तवणिज्जमतीओ संकलाओ रयतामतीओ रज्जूओ, ताओ णं घंटाओ ओहस्सराओ मेहस्सराओ हंसस्सराओ कोंचस्सराओ मंदिस्सराओ मंदिघोसाओ सीहस्सराओ
51515 श्री आगमण 53
KO
BOOK
| SR No. | 003264 |
| Book Title | Agam 14 Upang 03 Jivabhigam Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 102 |
| Language | Prakrit |
| Classification | Book_Devnagari, Agam, Canon, & agam_jivajivabhigam |
| File Size | 10 MB |