Agam 11 Ang 11 Vipak Sutra Shwetambar Agam Guna Manjusha

SR No.: 003261
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 36
Language: Prakrit
Classification: Book_Devnagari, Agam, Canon, F000, F001, & agam_vipakshrut
File Size: 4 MB

Page 30

फ्र
(११) श्री विवागसूर्य पढमो सुयक्खंधो ८ सोरियदत्त [१८]
निप्पंखेति सिरियस्स महाणसियस्स उवर्णेति, तते णं से सिरिए महाणसिए बहूणं जलयरथलयरखहयराणं मंसाई कप्पणीकप्पियाइं करेति तं० सण्हखंडियाणि य बट्ट० दीह० रहस्स० हिमपक्काणि य जम्मघम्म (वेग) मारूयपक्काणि य कालाणि य हेरंगाणि य महिद्वाणि य आमलरसियाणि य मुद्दिया० कविट्ठ०दालिमरसियाणि०मच्छरसि० तलियाणि य भज्जियाणि य सोल्लियाणि य उवक्खडावेति अण्णे य बहवे मच्छरसए य एणेज्जरसए य तित्तिर० जाव मयूररसए य अण्णं विउलं हरियसागं उवक्खडावेति त्ता मित्तस्स रण्णो भोयणमंडवंसि भोयणवेलाए उवणेइ अप्पणावि य णं से सिरिए महाणसिए तेसिं च बहूहिं जाव ज० थ० ख० मंसेहिं रसएहिं य हरियसागेहि य सोल्लेहि य तलेहि य भज्जेहि य सुरं च० आसादे० विहरति, तते णं से सिरिए महाणसिए एयकम्मे सुबहुं जाव समज्जिणित्ता तेत्तीसं वाससयाइं परमाउंपालयित्ता कालमासे कालं किच्चा छट्ठीए पुढवीए उववण्णे, तते णं सा समुद्ददत्ता भारिया निंदुया यावि होत्या, जाया २ दारगा विणिघायमावज्जंति,
PUK
गंगदत्ता चिंता आपुच्छणा उवातियं दोहलो जावं दारगं पयाता जाव जम्हा णं अम्हं इमे दारए सोरियस्स जक्खस्स उवाइयलद्धए तम्हा णं होउ अम्हं दारए सोरियदत्ते णामेणं, तते णं से सोरियदत्ते दारए पंचधाई० जाव उम्मुक्कबालभावे विण्णायपरिणयमेत्ते जोव्वण० होत्या, तते णं से समुद्ददत्ते अण्णया कयाई कालधम्मुणा संजुत्ते, तते गं से सोरियदत्ते दारए बहूहिं मित्त० रोयमाणे समुद्ददत्तस्स णीहरणं करेति त्ता लोइयाइं मयकिच्चाई करेति अण्णया कयाई सयमेव मच्छंधमहत्तरगत्तं उवसंपज्जित्ताणं विहरति, तते णं से सोरिए दारए मच्छंधे जाते अधम्मिए दुप्पडियाणंदे, तते णं तस्स सोरियमच्छंधस्स बहवे पुरिसा दिण्णभति० कल्लाकुल्लिं एगट्टियाहिं जउउणं महाणदिं ओगाहिति त्ता बहूहि य दहगलणेहि य दहमलणेहि य दहमद्दणेहि य दहमहणेहि य दहवहणेहि य दहपवाहणेहि य अयंपुलेहि य पयंपुलेहि य जंभाहि य तिसराहि य भिसराहि य घिसराहि य विसराहि य हिल्लीरीहि य झिल्लिरीहि य लल्लिरीहि य जालेहि य गलेहि य कूडपासेहि यं वक्कबंधेहि य सुत्तबंधेहि य वालबंधेहि य बहवे सण्हमच्छे य जाव पडाग़ातिपडागे य गेण्हंति त्ता एगट्टियाउ भरेति त्ता कूलं गार्हति त्ता कूलं गाहेति त्ता मच्छखलए करेति आयवसि दलयंति अप्पणाऽविय णं से सोरिये मच्छंधए कल्लाकुल्लिं एगट्ठिताए जउणं महाणदिं ओगाहेति त्ता सरिसवच्छिद्दपमाणमेत्तेणं जालेणं बहवे सण्हमच्छे य जाव गेहति एगट्ठियं भरेति कूलं गाहेति त्ता मच्छखलए करेति आयवंसि दलयति, अण्णे य से बहवे पुरिसा दिण्णाभइभत्त० आयवतत्तएहिं मच्छेहिं सोल्लिएहि य तलिएहिं भज्जितेहिय रायमग्गंसि वित्तिं कप्पेमाणा विहरंति, अप्पणाविय से सोरयदत्ते बहूहिं सण्हमच्छेहिं जाव पडागा० सोल्लिएहि य त० भ० सुरं च० आसादे० विहरति, तते णं तस्स सोरियदत्तस्स मच्छंधस्स अण्णया कयाई ते मच्छ० सोल्ले य तलि० भज्जि० आहारेमाणस्स मच्छकंटए गलए लग्गे यावि होत्था, तते णं से सोरिय० महईए वेयणाए अभिभूते समाणे कोडुंबियपुरिसे सद्दावेति त्ता एवं व०- गच्छह णं तुब्भे देवा ! सोरियपुरे नगरे सिंघाडगजावपहेसु महया सद्दे उग्घोसेमाणा २ एवं वह एवं खलु देवा ! सोरियस्स मच्छकंटकए गले लग्गे तं जो णं इच्छति वेज्जो वा० सोरियमच्छियस्स मच्छकंट्टयं गलाओ नीहरित्तए० तस्स णं सोरिए विउलं अत्यसंपयाणं दलयति, तते णं ते कोडुंबियपुरिसा जाव उग्घोसंति, तए णं ते बहवे वेज्जा य० इमं एयारूवं उग्घोसणं उग्घोसिज्जमाणं निसामंत त्ता जेणेव सोरयगिहे जेणेव मच्छंधे तेणेव उवा० त्ता बहुहिं उप्पत्तियाहि य० बुद्धीहिं परिणामेमाणा वमणेहि य छड्डणेहि य ओवीलणेहि य कवलग्गाहेहि य सल्लुद्धरणेहि य विसल्लकरणेहि य विसल्लकरणेहि य इच्छंति सोरियमच्छंधस्स मच्छकंटगं गलाओ नीहरित्तए० नो चेव णं संचाएंति नीहरित्तए वा विसोहित्तए वा, तणं ते बहवे वेज्जा य० जाहे नो संचाएंति सोरियस्स मच्छकंटगं गलाओ नीहरित्तए वा विसोहित्तए वा ताहे संता जाव जामेव दिसं पाउब्भूता तामेव दिसं डिगता, तते णं से सोरिए मच्छंधे वेज्जपडियारनिव्विण्णे तेणं दुक्खेणं महया अभिभूते सुक्के जाव विहरति, एवं खलु गोतमा ! सोरियदत्ते पुरा पोराणाणं जाव विहरति, सोरिए णं भंते! मच्छंधे इओ कालमासे कालं किच्चा कहिं गच्छिहिति कहिं उववज्जिहिति ?, गोतमा !० सत्तरि वासाइं परमाउं पालयित्ता कालमासे कालं किच्चा इमीसे रयणप्पभाए संसारो तहेव जाव पुढवी ततो हत्थिणाउरे मच्छत्ताए उववज्जिहिति, से णं ततो मच्छिएहिं जीवियाओ ववरोविते तत्थेव सिट्ठिकुलंसि बोही सोहम्मे महाविदेहे वासे सिज्झिहिति० । निक्खेवो ★★★ ।२८। इति शौरिकदत्ताध्ययनं ८ ॥ ★★★ जति णं भंते १० उक्खेवो णवमस्स । एवं खलु
प्र श्री आगमगुणमंजूषा ७७४