Agam 11 Ang 11 Vipak Sutra Shwetambar Agam Guna Manjusha

SR No.: 003261
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 36
Language: Prakrit
Classification: Book_Devnagari, Agam, Canon, F000, F001, & agam_vipakshrut
File Size: 4 MB

Page 15

G.C555555555555555
6.3055555555555555555555555555555555555yeron
पढमस्स अज्झयणस्स अयमद्वे पण्णत्तेत्तिबेमि।६।। इति मृगापुत्रीयाध्ययनं ॥ जति णं मंतं : समणेणं जाव संपनेणं दुहविवागाणं पढमस्स अज्झयणस्स अयमढे पं० दोच्चस्स णं भंते ! अज्झयणस्स दुहविवागाणं समणेणं जाव० संपत्तेणं के अढे पं० १, नते णं से सुहम्मे अणगारे जंबूं अणगारं एवं व०-एवं खलु जम्बू ! तेणं कालेणं० वाणियग्गामे णाम नगरे होत्था रिद्र०, तस्स णं बाणियग्गामस्स उत्तरपुरच्छिमे दिखीभाए दूतिपन्नाय नाम उन्नाणे होत्था, तत्थ णं दुइपलासे० सुहमस्स जक्खस्स जक्खायतणे होत्था, तत्थ णं वाणियग्गामे मित्ते नामं राया होत्था वण्णओ, तत्थ णं मित्तस्स रण्णो सिरी नामं देवी होत्था वण्णओ, तत्थ णं वाणियग्गामे कामज्झया णामं गणिया होत्थाअहीण० जाव सुरूवा बावत्तरीकलापंडीया चउसटिगणियागुणोववेया एकूणतीसविसेसे रमम्माणी एक्कवीसरतिगुणप्पहाणा बत्तीसपुरिसोवयारकुसला णवंगसुत्तपडिबोहिया अट्ठारसदेसीभासाविसारया सिंगारागारचारूवेसा गीयरतियगंधव्वनट्टकुसला संगतगत० सुंदरत्थण ऊसियधया सहस्सलंभा विदिण्णछत्तचामरबालवीयणिया कण्णीरहप्पयाया यावि होत्था बहूणं गणियासहस्साणं आहेवच्चं जाव विहरति ७/ तत्थ णं वाणियग्गामे विजयमित्ते नाम सत्थवाहे परिवसति अड्ढे०, तस्स णं विजयामित्तस्स सुभहा नाम भारिया होत्था अहीण०, तस्स णं विजयमित्तस्स पुत्ते सुभद्दाए भारियाए अत्तए उज्झियए नामं दारए होत्था अहीण जाव सुरूवे, तेणं कालेणं० समणे भगवं महावीरे समोसढे परिसा निग्गता राया निग्गओ जहा कूणिओ निग्गओ धम्मो कहिओ परिसा० पडिगओ राया य, तेणं कालेणं० समणस्स भगवओ महावीरस्स जेट्टे अंतेवासी इंदभूती जाव लेसे छटुंछट्टेणं जहा पण्णत्तीए पढमाए जाव जेणेव वाणियगामे तेणेव उवा० वाणियग्गामे उच्चणीय अडमाणे जेणेव रायमग्गे तेणेव ओगाढे. तत्थ णं बहवे हत्थी पासति सण्णद्धबद्धवम्मियगुडिये उप्पीलियकच्छे उद्दामियघंटे णाणामणिरयणविविहगेविज्जउत्तरकंचुइज्जे पडिकप्पिते झयपडागवरपंचामेलआरूढहत्थारोहे गहियाउहपहरणे अण्णे य तत्थ बहवे आसे पासति सण्णद्धबद्धवम्मियगुडिते आविद्धगुडे ओसारियपक्खरे उत्तरकंचुइयओचूलमुह (प्र० चुडामुहा) चंडाधरचामरथासकपरिमंडियकडीए आरूठअस्सारोहे गहियाउहपहरणे अण्णे य तत्थ बहवे पुरिसे पासति सण्णद्धबद्धवम्मियकवए उप्पीलियसरासणपट्टीए पिणद्धगेवेज्जे विमलवरबद्धचिंधपट्टे गहियाउहपहरणे तेसिंच णं पुरिसाणं मज्झगयं पुरिसं पासति अवओडगबंधणं उक्वित्तकण्णनासं नेहतुप्पियगत्तं बज्झकरकडिजुयनियत्थं कंठेगुणरत्तमल्लदामं चुण्णगुंडियगातं वुण्णयं (प्र० घुण्णंत) वज्झपाणपीयं तिलंतिलं चेव छिज्जमाणं काकणिमंसाई खावियंतं पावं खक्कर (रक) सएहिं हम्ममाणं अणेगनरनारीसंपरिवुडं चच्चरे चच्चरे खंडपडहएणं उग्घोसिज्जमाणं इमं च णं एयारूवं उग्घोसणं सुणेति-नो देवाणुप्पिया ! उज्झियगस्स दारगस्स केई राया वा रायपुत्ते वा अवरज्झतिअप्पणो से सयाई कम्माइं अवरज्झंति।८ातते णं से भगवओ गोतमस्स तं पुरिसं पासित्ता इमे अज्झत्थिते०-अहोणं इमे पुरिसे जाव नरयपडिरूवियं वेयणं वेदेतित्तिकटु वाणियग्गामे णगरे उच्चनीयकुले जाव अडमाणे अहापज्जत्तं सामुयाणियं गेण्हति त्ता वाणियग्गामं नगरं मज्झंमज्झेणं जाव पडिदंसेति, समणं भगवं महावीरं वंदति णमंसति त्ता एवं व०-एवं खलु अहं भंते ! तुब्भेहिं अब्मणुण्णाते समाणे वाणियग्गामे तहेव जाव वेएति से णं भंते ! पुरिसे पुव्वभवे के आसी० जाव पच्चणुभवमाणे विहरति ?, एवं खलु गोतमा ! तेणं कालेणं० इहेव जंबुद्दीवे दीवे भारहे वासे हथिणाउरे नाम नयरे होत्था रिद्ध०. तत्थ णं हत्थिणाउरेणगरे सुणंदे नामं राया होत्था महयाहि०, तत्थ णं हत्थिणाउरे नगरे बहुमज्झदेसभाए एत्थ णं महं एगे गोमंडवे होत्था अणेगखंभसयसंनिविढे पासाईए० तत्थ णं बहवे णगरगोरूवाणं सणाहा य अणाहा य णगरबलीवद्दा य णगरपडिडयाओ य णगरवसभा य पउरतणपाणिया निब्भया निरूवसग्गा (व्विगा) सुहंसुहेणं परिवसंति, तत्थ णं हत्थिणाउरे नगरे भीमे नाम कृडग्गाहे होत्था अधम्मिए जाव दुप्पडियाणंदे. तस्स णं भीमस्स कडग्गाहस्स उप्पला नाम भारिया होत्था अहीण०. तते णं उप्पला कडग्गाहिणी अण्णया कयाई आवण्णसत्ता जाया यावि होत्था, तते णं तीसे उप्पलाए कूडग्गाहिणीए तिण्हं मासाणं बहुपडिपुण्णाणं अयमेयारूवे दोहले पाउब्भूते- धण्णाओं ताओ अम्मयाओ जाव सुलद्धे जम्मजीवि (यफले) जाओ णं बहूणं नगरगोरूवाणं सणाहाण य जाव वसभाण य ऊहेहि (१३५) य थणेहि य वसणेहि य छप्पाहि य ककुहेहि य वहेहि ॥ य कन्नहिय अच्छीहि य नासाहि य जिब्भाहि य ओट्टेहि य कंबलेहि य सोल्लेहि य तलितेहि य भज्जितेहि य परिसुक्केहि य लावणिएहि य सुरं च मधुं च मेरगं च जातिं eve5555555555555555555555555 श्री आगमगुणमंजूषा-49545555555555555555555555555556
68听听听听听听听听听听听听听听听听听听听听听听听听听听听听听听听听听听听听听听坎听听听听听听听听C