Page Text
________________
(१०)बीओ सुक्यो -अ. मंबरवारा [२३]
६ ६ ६ ६ ६ ६ ६
सीले सुमचे व हरएविक्समियतावे उग्घोसियसुनिम्मलंव आयंसमंडलतलंव पागडभावेण सुद्धभावे सोंडीरे कुंजरोव्व वसभेव्व जायथामे सीहेवा जहा माहि झेति दुप्पधरिसे सारयसलिलंव सुद्धहिययेभारंडे चेव अप्पमत्ते खग्गिविसाणंव एगजाते खाणुं चेव उड्ढकाए सुन्नगारेब्व अप्पडिकम्मे सुन्नागारावणस्संतो निवायसरणप्पदीपज्झाणमिव निप्पकंपे जहा खुरो चेव एगधारे जहा अही चेव एगदिट्ठी आगासं चेव निरालंबे विहगेविव सव्वओ विप्पमुक्के कयपरनिलए जहा चेव उरए अप्पडिबद्धे अनिलोव्व जीवोज्ञ अप्पडिहयगती गामे एकरायं नगरे य पंचरायं ० दूइज्जंते य जितिंदिए जितपरीसहे निब्भओ विऊ (सुद्धो पा० ) सच्चित्ताचित्तमीसकेहिं दव्वेहिं विरायं गते संचयातो विरए मुत्ते लहुके निरवकंखे जीवियमरणासभयविप्पमुक्के निस्संधिं निव्वणं चरित्तं धीरे कारण फासयंते सततं अज्झप्पज्झाणजुत्ते निहुए एगे चरेज्न धम्मं, इमं च परिग्गहवेरमणपरिरक्खणट्टयाए पावयणं भगवया सुकहियं अत्तहियं पेच्चाभाविकं आगमेसिभद्दं सुद्ध नेयाउयं अकुडिलं अणुत्तरं सव्वदुक्खपावाण विओसमणं, तस्स इमा पंच भावणाओ चरिमस्स वयस्स होति परिग्गहवेरमणरक्खणट्टयाए- पढमं सोइदिएण सोच्चा सद्दा मणुन्नभद्दगाइ, किं ते ?, वरमुरयमुइंगपणवददुरकच्छभिवीणाविपंचीवल्लयिवद्धीसक सुघोसनंदिसुसरपरिवादिणि वंसतूणकपव्वकतंतीतलतालतुडियनिग्घोसगीयवाइयाइं नडनट्टकजल्लमल्लमुट्ठिकवेलंबक कहकपवकलासगआइक्खकलंखमंखतूण- इल्लतुं बवीणियतालायरपकरणाणि य बहूणि महुरसरगीतसुस्सरातिं कंचीमेहलाकलावयत्तरकपहेरकपायजालगघंटियखिखिणिरयणोरूजालियछुद्दियनेउ-रचलणमालियकणगनियलजालभूसणसद्दाणि लीलाचंकम्ममाणाणुदीरियाई तरूणीजणहसियभत्रणियकलरिभितमंजुलाई गुणवयणाणि व बहूणि महुरजणभासियाइं अन्नेसु य एवमादिएसु सद्देसु मणन्नभद्दएसु णं तेसु समणेणं सज्जियव्वं न रज्जियव्वं न गिज्झियव्वं न मुज्झियव्वं न विनिग्घायं आवज्जियव्वं न लुभियव्वं न तुसियव्वं न हसियव्वं न स च मई च तत्थ कुज्जा, पुणरवि सोइंदिएण सोच्चा सद्दाई अमणुन्नपावकाई, किं ते ?, अक्कोसफ रूसखिसणअवमाणणतज्जणनिब्भं छणदित्तवयणता-सणउक्कूजियरून्नरडियकंदियनिग्घुट्ठरसियकलुणविलवियाई अन्नेसु य एवमादिएसु सद्देसु अमणुण्णपावएसु न तेसु समणेण रूसियव्वं न हीलियव्वं न निंदियव्वं न खिंसियव्वं न छिंदियव्वं न भिंदियव्वं नवहेयव्वं न दुगुंछावत्तियाए लब्भा उप्पाएउं, एवं सोतिंदियभावणाभावितो भवति अंतरप्पा मणुन्नामणुन्नसुब्भिदुब्भिरागदोसप्पणिहियप्पा साहू मणवयणकायगुत्ते संवुडे पणिहितिदिए चरेज्जं धम्मं, बितियं चक्खिदिएणं पासिय रुवाणि मणुन्नाई भद्दकाई सचित्ताचित्तमीसकाई कट्ठे पोत्थे य चित्तकम्मे लेप्पकम्मे सेले य दंतकम्मे य पंचहिं वण्णेहिं अणेगसंठाणसंथियाई गंठिमवेढिमपूरिमसंघातिमाणि य मल्लाई बहुविहाणि य अहियं नयणमणसुहकराई वणसंडे पव्वते य गामागरनगराणि य खुद्दियपुक्खरिणिवावीदीहियगुंजालियसररपंतियसागरबिलपंतियखादियनदीसरतलागवप्पिणीफुल्लुप्पलपउमसंडपरिमंडियाभिरामे अणेगसउणगणमिहुणविचरिए वरमंडवविविहभवणतोरणचेतियदेवकुलसभप्पवावहसुकयसयणासणसीयरहसयडजाणजुग्गसंदणनरनारीगणे य सोमपडिरूवदरिसणिज्जे अलंकितविभूसिते पुव्वक यतवप्पभावसो हग्गसंपउत्ते नडनट्टगजल्लमल्लमुट्ठियवेलंगबगकहगपगलासगआइक्खगलंखमंखतूणइल्लतुंबवीणियतालायरपकरणाणि य बहूणि सुकरणाणि अन्नेसु य एवमादिएसु रूवेसु मन्नभद्दसु न तेसु समणेणं सज्जियव्वं न रज्जियव्वं जाव न सई च मई च तत्थ कुज्जा, पुणरवि चक्खिदिएण पासिय रूवाइं अमणुन्नपावकाई, किं ते ?, गंडिकोढिककुणिउदरिकच्छुल्लपइल्लकुज्जपंगुलवामणअंधिल्लगएगचक्खुविणिहय ( पीढ) सप्पिसल्लगवाहिरोपीलियं विगयाणि य मयककलेवराणि सकिमिणकुहियं च दव्वरासिं अन्नेसु य एवमादिएसु अमणुन्नपावतेसु न तेसु समणेणं रूसियव्वं जाव न दुगंछावत्तियावि लब्भा उप्पातेउं एवं चक्खिदियभावणाभावितो भवति अंतरप्प जाव चरेज्ज धम्मं, ततियं घाणिदिएणं अग्घाइय गंधातिं मणुन्नभद्दगाइ, किं ते ?, जलयथलयसरसपुप्फफलपाणभोयणकुट्ठतगरपत्तचोददमणकमख्य एलारसपिक्कमंसिगोसीससरसचंदणकप्पूरलवंग अगरकुंकुमकक्कोलउसीरसेयचंदणसुगन्धसारंगजुत्तिवरधूवववासे उउयपिंडिमणिहारिमगंधिएस अन्नेसु य एवमादिसुगंधेसु मणुन्नभद्दएस न तेसु समणेण सज्जियव्वं जाव न सतिं च महं च तत्थ कुज्जा, पुणरवि घाणिदिएण अग्घातिय गंधाणि अमणुन्नपावकाई, किं ते ?,
श्री आगमगुणमंजूषा ७५५
TRO LA LA LA JIA US $$$$$$乐乐五
| SR No. | 003260 |
| Book Title | Agam 10 Ang 10 Prashna Vyakaran Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 33 |
| Language | Prakrit |
| Classification | Book_Devnagari, Agam, Canon, & agam_prashnavyakaran |
| File Size | 4 MB |