Page Text
________________
फफफफफफफ
(१०) पण्डावागरण पटमा मुक्यम्यधावदार अ
(3)
Og
अप्पच्चयकारकं परमसहुगरहणिज्जं परपीलाकारकं परमकिण्हलेस्ससहियं दुग्गइविणिवायवड्ढणं भवपुणब्भवकरं चिरपरिचियमणुगतं दुरन्तं कित्तिय बितित अधम्मंदारं । ५। तस्स य णामाणि गोण्णाणि होति तीसं, तं०- अलियं सढं अणज्जं मायामोसा असंतकं कूडकवडमत्थुगं च निरत्थयमवत्थयं च विद्देसगरहणिज्जं अणुज्जुकं कक्कणाय १० वंचणाय मिच्छापच्छाकडं च साती उ उच्छन्नं उक्कूलं च अहं अब्भकखाणं च किब्बिसं वलयं गहणं च २० मम्मणं च नूमं निययी अप्पच्चओ असमओ असच्चसंधत्तणं विवक्खो अवहीयं (आणाइयं पा०) उवहिअसुद्धं अवलोवोत्ति ३०. अविय तस्स एयाणि एवमादीणि नामधेज्जाणि होति तीसं सावज्जस्स अलियस्स वइजोगस्स अणेगाई । ६ । तं च पुण वदंति केई अलियं पावा असंजया अविरया कवडकुडिलकडुयचडुलभावा कुद्धा लुद्धा भया य हस्सट्टिया य सक्खी चोरचारभडा खंडरक्खा जियजूईकरा य गहियगहणा कक्ककुरुगकारगा कुलिंगी उवहिया वाणियगा य कूडत्तुलकूडमाणी कुडकाहावणोवजीवी पडगारकलायकारुइज्जा वंचणपरा चारियचाटुयारनगरगोत्तियपरिचारगा दुट्ठवायिसूयक अणबलभणिया य पुव्वकालियवयणदच्छा साहसिका लहुस्सगा असच्चा गारविया असच्चट्ठावणाहिचित्ता उच्चच्छंदा अणिग्गहा अणियता छंदेण मुक्कवाता भवंतिअलियाहिं जे अविरया, अवरे नत्थिकवादिणो वामलोकवादी भांति नत्थि जीवो न जाइ इह परे वा (१३०) लोए न य किंचिवि फुसति पुन्नपावं नत्थि फलं सुकयदुक्कयाणं पंचमहाभूतियं सरीरं भासंति हे ! वातजोगजुत्तं, पंच य खंधे भांति केई. मणं च मणजीविका वदंति, वाउजीवोत्ति एवमाहंसु. सरीरं सादियं सनिधणं इह भवे एगे भवे तस्स विप्पणासंमि सव्वनासोत्ति, एवं जंपंति मुसावादी, तम्हा दाणवयपोसहाणं तवसंजमबंभचेरकल्ला माइयाणं नत्थि फलं नवि य पाणवहे अलियवयणं न चेव चोरिक्ककरणपरदारसेवणं वा सपरिग्गहपावकम्मकरणंपि नत्थि किंचि न
इयतिरियमणुयाण जोणी न देवलोको वा अत्थि न य अनि सिद्धिगमणं अम्मापियरो नत्थि नवि अत्थि पुरिसकारो पच्चक्खाणमवि नत्थि नवि अत्थि कालमच्चू य अरिहंता चक्कवट्टी बलदेवा वासुदेवा नत्थि नेवत्थि केई रिसओ धम्माधम्मफलं च नवि अत्थि किंचि बहुयं च थोवकं वा तम्हा एवं विजाणिऊण जहा सुबहु इंदियाणुकूलेसु सव्वविसएस वगृह णत्थि काई किरिया वा अकिरिया वा एवं भणति नत्थिकवादिणो वामलोगवादी, इमपि बितीयं कुदंसणं असब्भाववाइणो पण्णवेति मूढा संभूतो अंडकाओ लोको सयंभूणा सयं च निम्मिओ, एवं एवं अलियं. पयावइणा इस्सरेण य कयंति केति, एवं विण्हुमयं कसिणमेव य जगति केई, एवमेके वदंति मोसं एको आया अकारको वेदको य सुकयस्स दुक्कयस्स य करणाणि कारणाणि सव्वहा सव्वहिं च निच्चो य निक्किओ निम्गुणो य अणुव (अन्नो अ पा०) लेवओत्तिविय एवमाहंसु असम्भावं, जंपि इहं किंचि जीवलोके दीसह सुकयं वा दुक्कयं वा एयं वा जदिच्छाए वा सहावेण वावि दइवतप्पभावओ वावि भवति, नत्थेत्थ किंचि कयकतत्तं लक्खणविहाणनियतीए कारियं एवं केई जंपंति इडिढरससातगारवपरा बहवे करणालसा परूवेति धम्मवीमंसएण मोसं, अवरे अहम्मओ
यदुवं अभक्खाणं भणेतिअलियं चोरोत्ति अचोरयं करेंतं डामरिउत्तिवि य एमेव उदासीणं दुस्सीलोत्ति य परदारं गच्छतित्ति मइलिति सीलकलियं अयंपि गुरुतप्पओ अण्णे एमेव भांति उवाहणंता मित्तकलत्ताइं सेवंति अयंपि लुत्तधम्मो इमोवि विसंधायओ पावकम्मकारी अगम्मगामी अयं दुरप्पा बहुए य पापगेसु जुत्तोत्ति एवं जंपति मच्छरी, भद्दके वा गुणकित्तिनेहपरलोगनिप्पिवासा, एवं ते अलियवयणदच्छा परदोसुप्पायणप्पसत्ता वेढेन्ति अक्खातियबीएण अप्पाणं कम्मबंधणेण मुहरी असमिकिखयप्पलावा निक्खेवे अवहरंति परस्स अत्यंमि गढियगिद्धा अभिजुंजंति य परं असंतएहिं लुद्धा य करेति कूडसक्खित्तणं असच्चा अत्थालियं च कन्नालियं च भोमालियं च तह गवालियं च गरुयं भांति अहरगतिगमणं, कारणं अन्नंपि य जातिरूवकुलसीलपच्चयं मायाणिगुणं चवलपिसुणं परमभेदकमसंकं विसमणत्यकारकं पावकम्ममूलं दुद्दिद्वं दुस्सुयं अमुणियं निल्लज्जं लोकगरहणिज्जं वहबंधपरिकिलेसबहुलं जरामरणदुक्खसोयनिम्मं असुद्रपरिणामसंकैिलि भांति अलिया हिंसंति संनिविट्ठा असंतगुणुदीरका य संतगुणनासका य हिंसाभूतोवघातितं अलियसंपउत्ता वयणं सावज्जमकुसलं सागरहणिजे अथम्यजणां भांति अणभिगयपुन्नपावा. पुणोवि अधिकरणकिरियापवत्तका बहुविहं अणत्थं अवमद्दं अप्पणी परस्स य करेति, एमेव जंपमाणा महिससकरे य सानि चायगाणं स्वपसयरोहिट्रय साहिति वागुराणं तित्तिरवकलावके य कविजनकवोयके य साहिति साउणीणं झसमगरकच्छभे य साहिति ((0555554 श्रीग
| SR No. | 003260 |
| Book Title | Agam 10 Ang 10 Prashna Vyakaran Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 33 |
| Language | Prakrit |
| Classification | Book_Devnagari, Agam, Canon, & agam_prashnavyakaran |
| File Size | 4 MB |