Page Text
________________
x
(१०) पण्हावागरणं पढमो सुयक्खंधो १ आसवदारं (अधम्मदार) [४]
घोरा रसमाणभीमरूवेहिं अक्कमित्ता दढदाढागाढडक्क कडि ढयसुतिक्खनहफालियउद्धदेहा विच्छिष्पंते समतओ विमुक्त संधिबंधणा वियंगमंगा कंककुररगिद्धघोरकट्ठवायसगणेहि य पुणो खरथिरदढणक्खलोहतुंडेहिं ओवतित्ता पक्खाहयतिक्खणक्खविकिन्नजिब्भंछियनयणनिद्धओलुग्गविगतवयणा उक्कोसंता य उपयंता निपतता भमंता पुव्वकम्मोदयोवगता पच्छाणुसएण डज्झमाणा णिदंता पुरेकडाई कम्माई पावगाई तहिं २ तारिसाणि ओसन्नचिक्कणाइं दुक्खातिं अणुभविता ततो य आउक्खएणं उव्वट्टिया समाणा बहवे गच्छति तिरियवसहिं दुक्खुत्तरं सुदारुणं जम्मणमरणजरावाहिपरियट्टणारहट्ट जलथलखहचरपरोप्परविहिंसणपवंचं इमं च जगपागडं वरागा दुक्खं पावेन्ति दीहकालं, किं ते ?, सीउण्हतण्हाखुहवेयणअप्पईकारअडविजम्मणणिच्चभउव्विग्गवास जग्गणवहबंधणताडणंकणनिवायणअद्विभंजणनासाभेयप्पहारदूमणच्छ विच्छे यणअभिओगपावणक संकु सारनिवायदमणाणि वाहणाणि य मायापितिविप्पयोगसोयपरिपीलणाणि य सत्यग्गिविसाभिघायगलगवलआवलणमारणाणि य गलजालुच्छिप्पणाणि पउलणविकप्पणाणि य जावज्जीविगबंधणाणि पंजरनिरोहणाणि य सयूहनिद्धाडणाणि य धमणाणि य दोहणाणि य डगलबंधणाणि य वाडगपरिवारणाणि य पंकजलनिमज्जणाणि य वारिप्पवेसणाणि य ओवायणिभंगविसमणिवडणदवग्गिजालदहणाई य. एवं ते दुक्खसयसंपलित्ता नरगाउ आगया इहं सावसेसकम्मा तिरिक्खपंचेदिएसु पाविति पावकारी कम्माणि पमायरागदोसबहुसंचियाइं अतीव अस्सायकक्कसाई भमरमसगमच्छिमाइएस य जाइकुलकोडिसयसहस्सेहिं नवहिं चउरिदियाण तहिं तहिं चेव जम्मा अणुभवंता कालं संखेज्जकं भमंति नेरइयसमाणतिव्वदुक्खा फरिसरसणघाणचक्खुसहिया तहेव तेइंदिएस कुंथुपिपीलिकाअवधिकादिके सु य जातिकुलकोडिसयसहस्सेहिं अट्ठहिं अणूणएहिं तेइंदियाण तहिं २ चेव जम्मणमरणाणि अणुहवंता कालं संखेज्जकं भमंति नेरइयसमाणतिव्वदुक्खा फरिसरसणघाणसंपउत्ता गंडूलयजलूयकिमियचंदणगमादिएसु य जातीकुलकोडिसयसहस्सेहिं सत्तहिं अणूणएहिं बेइंदियाण तहिं २ चेव जम्मणमरणाणि अणुहवंता कालं संखिज्जकं भमंति नेरइयसमाणतिव्वदुक्खा परिसरसणसंपत्ता पत्ता एगिदियत्तणंपि य पुढवीजलजलणमारुयवणप्फती सुहुमबायरं च पज्जत्तमपज्जत्तं पत्तेयसरीरणाम साहारणं च पत्तेयसरीरजीविएसु य तत्थवि कालमसंखेज्जगं भमंति अणंतकालं च अनंतकाए फासिंदियभावसंपउत्ता दुक्खसमुदयं इमं अणि पाविति पुणो तहिं चेव परभवतरुगणगणे (गहणे पा० ) कोद्दालकु लियदालणसलिलमलणखं भणरुं भणअणलाणिलविविहसत्थघट्टणपरोप्पराभिहणणमारणाविराहणाणि य अकामकाई परप्पओगोदीरणाहि य कज्जपओयणेहि य पेस्सपसु निमित्तओ सहाहारमाइएहिं उक्खणणऊक्कत्थणपयणकोट्टणपीसणपिट्टणभज्जणगालण आमोडणसडणफु डणमज्जणछे यणतच्छणविलुं चणपत्तज्झोडणअग्गिदहणाइयातिं, एवं ते भवपरंपरादुक्खसमणुबद्धा अडति संसारबीहणकरे जीवा पाणाइवायनिरया अणंतकालं, जेविय इह माणुसत्तणं आगया कहंचि नरगा उव्वट्टिया अधन्ना तेविय संति पायो विकयविगलरूवा खुज्जा वडभा य वामणा य बहिरा काणा कुंटा पंगुला विउला य मूका य (अविय जलमूया पा० ) मंमणा य अंधयगा एगचक्खू विणिहयसचे (पिस पा०) ल्लया वाहिरोगपीलियअप्पाउयसत्थवज्झवाला कुलक्खणुक्किन्नदेहा दुब्बलकुसंघयणकुप्पमाणकुसंठिया कुरूवा किविणा या सत्ता निच्चं सोक्खपरिवज्जिया असुहदुक्खभागा णरगाओ उव्वहंति इहं सावसेसकम्मा एवं णरगं तिरिक्खजोणिं कुमाणुसत्तं च हिंडमाणा पावंति अणंताई दुक्खाई पावकारी, एसो सो पाणवहस्स फलविवागो इहलोइओ परलोइओ अप्पसुहो बहुदुक्खो महब्भयो बहुरयप्पगाढो दारुणो कक्कसो असाओ वाससहस्सेहिं मुच्चति, नय अवेदयित्ता अस्थि हु मोक्खोत्ति एवमाहंसु, नायकुलनंदणो महप्पा जिणो उ वीरवरनामधेज्जो कहेसीय पाणवहस्स फलविवागं, एसो सो पाणवहो चंडो रुद्दो खुद्दो अणारिओ निग्घिणो निस्संसो महब्भओ बीहणओ तासणओ अणज्नो उव्वेयणओ य णिरवयक्खो निद्धम्मो निप्पिवासो निक्कलुणो निरयवासगमणनिधो मोहमहब्भयपवड्ढओ मरणवेमणसो★★★ पढमं अहम्मदारं समत्तंतिबेमि ★★★ | ४ || द्वारं १ ॥ जंबू | बितियं च दारं★ ★ ★ अलियवयणं लहुसगलहुचवलभणियं भयंकरं दुहकरं अयसकरं वेरकरगं अरतिरतिरागदोसमणसंकिलेसवियरणं अलियनियडिसातिजोयबहुलं नीयजणनिसेवियं निस्संसं ॐ श्री आगमगुणमजूषा - ७३६
५०%
| SR No. | 003260 |
| Book Title | Agam 10 Ang 10 Prashna Vyakaran Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 33 |
| Language | Prakrit |
| Classification | Book_Devnagari, Agam, Canon, & agam_prashnavyakaran |
| File Size | 4 MB |