Agam 06 Ang 06 Gnatadharma Sutra Shwetambar Agam Guna Manjusha

SR No.: 003256
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 116
Language: Prakrit
Classification: Book_Devnagari, Agam, Canon, & agam_gyatadharmkatha
File Size: 11 MB

Page 88

XOKO$$
$$$$$$$5
) णायाधम्मकहाओ प. स.
/१६ अ, अवरकंका [७७]5
5 55555555eroy
FOR9555555555555555555555555555555555555555555555555OXOS
चेडियाचक्कवाल सद्धिं संपरिवुडा उप्पिं आगासतलगंसि कणगतेंदूसएणं कीलमाणी २ विहरति । तते णं से जिणदत्ते सत्थवाहे सूमालियं दारियं पासति, २ त्ता सूमालियाए दारियाए रूवे य जोव्वणे य लावण्णे य जायविम्हए कोडुबियपुरिसे सद्दावेति, २ एवं वदासी एस णं देवाणुप्पिया ! कस्स दारिया, किं वा णामधेज्जं से? तते णं ते कोडुंबियपुरिसा जिणदत्तेणं सत्थवाहेणं एवं वुत्ता समाणा हट्ठतुट्ठा करयल जाव एवं वयासी एस णं देवाणुप्पिया ! सागरदत्तस्स सत्थवाहस्सधूया भद्दाए अत्तया सूमालिया नाम दारिया सुकुमालपाणिपाया जाव उक्किट्ठा [उक्किट्ठसरीरा] । तते णं से जिणदते सत्थवाहे तेसि कोडुबियाणं अंतिए एयमढे सोच्चा जेणेव सए गिहे तेणेव उवा गच्छति, २ पहाए जाव मित्त-नाइ- [णियग-सयण-संबंधि-परिजणस] परिवुडे चंपाए मज्झमज्झेणं जेणेव सागरदत्तस्स गिहे तेणेव उवागए । तए णं से सागरदत्ते सत्थवाहे जिणदत्तं सत्थवाह एज्जमाणं पासइ, २ त्ता आसणाओ अब्भुढेइ, २त्ता आसणेणं उवणिमंतेति, २ आसत्थं वीसत्थं सुहासणवरगयं एवं वयासी भण देवाणुप्पिया ! किमागमणपओयणं ? तते णं से जिणदत्ते सत्थवाहे सागरदत्तं सत्थवाह एवं वयासी एवं खलु अहं देवाणुप्पिया ! तव धूयं भद्दाए अत्तयं सूमालियं सागरस्स भारियत्ताए वरेमि, जति णं जाणह देवाणुप्पिया ! जुत्तं वा, पत्तं वा, सलाहणिज्जं वा, सरिसो वा संजोगो, ता दिज्जउ णं सूमालिया सागरगस्स दारगस्स, तते णं देवाणुप्पिया ! भण किं दलामो सुकं सूमालियाए ? तए णं से सागरदत्ते सत्यवाहे जिणवाहं सत्थवाहं एवं वदासी एवं खलु देवाणुप्पिया ! सूमालिया दारिया मम एगा धूया एगजाया इट्ठा कंता पिया मणुण्णा मणामा जाव किमंग पुण पासणयाए ? तं नो खलु अहं इच्छामि सूमालियाए दारियाए खणमवि विप्पओगं, तं जति णं देवाणुप्पिया ! साजरए दारए मम घरजामाउए भवति तो णं अहं सागरस्स दारगस्स सूमालियं दलयामि । तते णं से जिणदत्ते सत्थवाहे सागरदत्तेणं सत्थवाहेणं एवं वुत्ते समाणे जेणेव सए गिहे तेणेव उवागच्छइ, २ सागरगं दारगं सद्दावेति, २त्ता एवं वयासी एवं खलु पुत्ता ! सागरदत्ते सत्थहे मम एवं वयासी एवं खलु देवाणुप्पिया! सूमालिया दारिया इट्ठा कंता पिया मणुण्णा मणामा, तं चेव , तं जति णं सागरए दारए मम घरजामाउए भवति जाव दलयामि । तते णं से सागरए दारए जिणदत्तेणं सत्थवाहेणं एवं वुत्ते समाणे तुसिणीए [संचिट्ठति । तते णं जिणदत्ते सत्थवाहे अन्नदा कयाइ सोहणंसि तिहि-करण- [णक्खत्त-मुहुर्तसि] विउलं असण ४ उवक्खडावेति, २ मित्त-णाइ -[णियगसयण-संबंधि-परिजणं] आमंतेइ, २ जाव सम्माणित्ता सागरगं दारगं पहायं जाव सव्वालंकारविभूसियं करेइ, २ पुरिससहस्सवाहिणीयं सीयं दुरुहावेति, २ ता मित्त-णाइ जाव संपरिवुडे सव्विड्डीए सातो गिहाओ निग्गच्छति, २ त्ता चंपं नयरिं मझमज्झेणं जेणेव सागरदत्तस्स गिहे तेणेव उवागच्छति, २त्ता सीयाओ पच्चोरुहति, २त्ता सागरगं दारगं सागरदत्तस्स सत्थवाहस्स उवणेति । तते णं से सागरदत्ते सत्यवाहे विपुलं असण ४ उवक्खडावेइ, २ जाव सम्माणेत्ता सागरगं दारगं सूमालियाए दारियाए सद्धिं पट्टयं दुरुहावेइ, २ सेयापीतएहिं कलसेहि मज्जावेति, २ अग्गिहोम कारावेति, २ त्ता सागरगं दारयं सूमालियाए दारियाए पाणिं गेण्हावेति । १११. तते णं से सागरए दारए सूमालियाए दारियाए इमं एयारूवं पाणिफासं पडिसंवेदेति से जहानामए असिपत्ते इ वा जाव मुम्मुरे इवा एत्तो अणिठ्ठतराए चेव अकंततराए चेव अप्पियतराए चेव अमणुण्णतराए चेव अमणामतराए चेव पाणिफासं संवेदेति । तते णं से सागरए अकामए अवसवसे मुहत्तमेत्तं संचिट्ठति । तते णं सागरदत्ते सत्थवाहे सागरगस्स दारमस्स अम्मापियरो मित्त-णाइ[णियग-सयण-संबंधि-परिजणं च] विपुलं(लेणं) असण ४ पुप्फ-वत्थ जाव सम्माणेत्ता पडिविसज्जेति। तते णं सागरए दारए सूमालियाए सद्धिं जेणेक कारघरे तेणेव उवागच्छति, २ सूमालियाए दारियाए सद्धिं तलिमंसि निवज्जति । तते णं से सागरए दारए सूमालियाए दारियाए इमं एयारूवं अंगफासं पडिसंवेदेति, से जहा नामए असिपत्ते इ वा जाव अमणामतरागं चेव अंगफासं पच्चणुब्भवमाणे विहरति । तते णं से सागरए दारए तं अंगफासं असहमाणे अवसवसे मुहुत्तमेत्तं संचिट्ठति। तते णं से सागरए दारए सूमालिय दारिय सुहपसुतं जाणित्ता सूमालियाए दारियाए पासातो उडेति, २ जेणेव सए सयणिज्जे तेणेव उवागच्छति, २ सयणीयंसि निवज्जइ। तते णं सा सूमालिया दारिया तओ मुहत्तंतरस्स पडिबुद्धा समाणी पतिवया पतिमणुरत्ता पति पासे अपस्समाणी तलिमाओ उद्वेति, २ जेणेव से सयणिज्जे तेणेव ॥
उवागच्छति, २ सागरस्सदारगस्स पासे णुवज्जइ । तते णं से सागरए दारए सूमालियाए दारियाए दोच्चं पि इम एयारूवं अंगफासं पडिसंवेदेति जाव अकामए Nexo5
5 55555555 श्री आगमगुणमंजूषा- ६६७ $ $$$$$$$$$$$$$ $$$OOK
听听听听听听听听听听听听听听听听听听听听听听听听听听听听听乐乐听听听听听听听听听听听听听听听听听3