Agam 06 Ang 06 Gnatadharma Sutra Shwetambar Agam Guna Manjusha

SR No.: 003256
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 116
Language: Prakrit
Classification: Book_Devnagari, Agam, Canon, & agam_gyatadharmkatha
File Size: 11 MB

Page 58

ॐॐॐॐॐॐॐ
I
(६) णायाधम्मकहाओ प. सु. ८ अ. मल्ली [ ४७ ] गमणाए । ७१. ते णं काले णं ते णं समए णं कुणाला नाम जणवए होत्था । तत्थ णं सावत्थी नाम नगरी होत्था । तत्थ णं रूप्पी कुणालाहिवई नाम राया होत्था । तस्स णं रुप्पिस्स धूया धारिणीए देवीए अत्तया सुबाहू नाम दारिया होत्था, सुकुमालपाणिपाया रूवेण य जोव्वणेण य लावण्णेण य उक्किट्ठा उक्किट्ठसरीरा जाया होत्था। तीसे णं सुबाहूए दारियाए अन्नदा चाउम्मासियमज्जणए जाए यावि होत्था । तते णं से रुप्पी कुणालाहिवई सुबाहुए दारियाए चालम्मासियमज्जणयं वयं जाणाति, २ ता कोडुंबिय पुरिसे सद्दावेति, २ त्ता एवं वयासी एवं खलु देवाणुप्पिया ! सुबाहूए दारियाए कल्लं चाउम्मासियमज्जणए भविस्सति, तंतुब्भेणं रायमग्गमोगाढंसि चउक्कंसि जल-थलयदसद्धवण्णं मल्लं साहरह जाव सिरिदामगंडं ओलइंति । तते णं से रुप्पी कुणालाहिवती सुवन्नगारसेणिं सद्दावेति, २ ता एवं [वयासी] खिप्पामेव भो देवाणुप्पिया ! रायमग्गमोगाढंसि पुप्फमंडवंसि णाणाविहपंचवन्नेहिं तंदुलेहिं णगरं आलिहह, आलिहित्ता तस्स बहुमज्झदेसभाए पट्टय रएह, रएत्ता जाव पच्चप्पिणंति । तते णं से रुप्पी कुणालाहिवई हत्थिखंधवरगए चाउरंगिणीए सेणाए [सद्धिं संपरिवुडे] महया भड [ चडगरवंदपरिक्खिते] अंतेउरपरियालसंपरिवुडे सुबाहुं दारियं पुरतो कट्टु जेणेव रायमग्गे जेणेव पुप्फमंडवे तेणेव उवागच्छति, २ त्ता हत्थिखंधातो पच्चोरुहति, २ त्ता पुप्फमंडवं अणुपविसति, २ त्ता सीहासणवरगए पुरत्याभिमुहे सण्णिसण्णे । तते णं ताओ अंतेउरियाओ सुबाहुं दारियं पट्टयंसि दुरुहेति, २ त्ता सेयापीतयहिं कलसेहिं हाति, २ सव्वालंकारविभूसियं करेति, दारिया जेणेव रुप्पी राया तेणेव उवागच्छति, २ त्ता पायग्गहणं करेति । तते णं से रुप्पी राया सुबाहुं दारियं अंके निवेसेति, २ सुबाहूए दारियाए रूवे य जोव्वणे य लावण्णे य जायविम्हए वरिसधरं सद्दावेति, २ एवं वयासी तुमं णं देवाणुप्पिया ! मम दोच्चेणं बहूणि गामागरनगर० गिहाणि अणुपविससि, तं अत्थि याइं ते कस्सइ रन्नो वा ईसरस्स वा कर्हिचि एरिसए मज्जणए दिट्ठपुव्वे जारिसए णं इमीसे सुबाहूए दारियाए मज्जणए ! तते णं से वरिसधरे रुप्पिं करतल [परिग्गहियं दसणहं सिरसावत्तं मत्थए अंजलिं कट्टु ] एवं वयासी एवं खलु सामी ! अहं अन्नया तुब्भं दोच्चेणं मिहिलं गए, तत्थ णं मए कुंभगस्स रणो धूयाए पभावती देवीए अत्तयाए मल्लीए विदेहाय कन्नगाए मज्जणए दिट्ठे, तस्स णं मज्जणगस्स इमे सुबाहूए दारियाए मज्जणए सयसहस्सइमं पि कलं न अग्घति । तए णं से रुप्पी राया वरिसधरस्स अंतियं एतमट्ठे सोच्चा णिसम्म मज्जणगजणितहासे दूतं सद्दावेति, २ त्ता एवं जाव जेणेव महिला नयरी तेव पहारेत्थ गमणाए । ७२. णं काले णं ते णं समए णं कासी नाम जणवए होत्था । तत्थ णं वाराणसी नाम नगरी होत्था । तत्थ णं संखे नामं कासिराया होत्था । तते गं तीसे मल्लीए विदेहरायवरकन्नाए अन्नया कयाइ तस्स दिव्वस्स कुंडलजुयलस्स संधी विसंघडिए यावि होत्या, तते णं से कुंभए राया सुवण्णगारसेणिं सद्दावेति, २ एवं वदासी तुब्भे णं देवाणुप्पिया ! इमस्स दिव्वस्स कुंडलजुयलस्स संधी संधाडेह । तए णं सा सुवण्णगारसेणी एतमहं तहत्ति पडिसुणेति, २त्ता तं दिव्वं कुंडलजुयलं गेहति, २ जेणेव सुवण्णगारभिसियाओ तेणेव उवागच्छति, २ सुवण्णगारभिसियासु णिविसति, २ ता बहूहिं आएहिं य जाव परिणामेमाणा इच्छति तस्स दिव्वस्स कुंडलजुयलस्स संधिं घडित्तए, नो चेव णं संचाएति घडित्तए । तते णं सा सुवन्नगारसेणी जेणेव कुंभए तेणेव उवागच्छति, २ त्ता करयल [ परिग्गहियं दसणहं सिरसावत्तं मत्थए अंजलिं कट्टु जएणं विजएणं वद्धावेति,] वद्धवेत्ता एवं वदासी एवं खलु सामी ! अज्ज तुम्हे अम्हे सदावेहे २ जाव संधी संघाडेत्ता एत माणत्तिअं पच्चपिणह त तेणं अम्हे तं दिव्वं कुंडलं गेण्हामो, गेण्हित्ता जेणेव सुवन्नागारभिसियाओ जाव नो संचाएमो संधि संघाडित्तए । तते णं अम्हे सामी ! एतस्स दिव्वस्स कुंडलजुयलस्स अन्नं सरिसयं कुंडलजुयलं घडेमो । तते णं से कुंभए राया तीसे सुवन्नगारसेणीए अंतिए एतमहं सोच्चा णिसम्म आसुरुत्ते तिवलियं भिउडिं निडाले साहट्टु एवं वदासी से के णं तुब्भे कलायाणं भवह ? जे णं तुब्भे इमस्स दिव्वस्स कुंडलजुयलस्स नो संचाएह संधि संघाडेत्तए ? ते सुवण्णगारे निव्विस ए आणवेति । तते णं ते सुवण्णगारा कुभएणं [रण्णा] निव्विसया आणत्ता समाणा जेणेव सयातिं २ गिहातिं तेणेव उवागच्छंति, २ सभंडमत्तोवगरणमायाए मिहिलाए रायहाणीए मज्झंमज्झेणं निक्खमंति, (२) विदेहस्स जणवयस्स मज्झंमज्झेणं जेणेव कासी जणवए जेणेव वाराणसी नयरी तेणेव उवागच्छंति, २ त्ता अग्गुज्जाणंसि सगडीसागडं मोएंति, २ त्ता महत्थं जाव पाहुडं गेहंति, २ त्ता वाराणसीए नयरीए मज्झमज्झेणं जेणेव संखे कासीराया तेणेव उवागच्छंति, २ त्ता करयलप
श्री आगमगुणमंजूषा - ६३७ 20