Agam 06 Ang 06 Gnatadharma Sutra Shwetambar Agam Guna Manjusha

SR No.: 003256
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 116
Language: Prakrit
Classification: Book_Devnagari, Agam, Canon, & agam_gyatadharmkatha
File Size: 11 MB

Page 57

(६) णायाधम्मकहाओ प. सु. ८ अ. मल्ली [४६ ]
पत्ता अभिसमन्नागया । एवं खलु देवाणुप्पिया ! सक्के देविदे देवराया सोहम्मे कप्पे सोहम्मवडिंसए विमाणे सभाए सुहम्माए बहूणं देवाणं मज्झगते महया सद्देणं आतिक्खति, भासति, पण्णवेति, परूवेति एवं खलु जंबुद्दीवे दीवे भारहे वासे चंपाए नयरीए अरहन्नए समणोवासगे अहिगयजीवाजीवे, नो खलु सक्का केणति देवेण वा दाणवेण वा णिग्गंथाओ पावयणाओ चालित्तए वा जाव विपरिणामेत्तए वा । तते णं अहं देवाणुप्पिया ! सक्कस्स णो एयमहं सद्दहामि णो पत्तियामि, णो रोएमि । तणं मम इमेयारूवे अज्झत्थिए [चितिए पत्थिए मणोगए संकप्पे समुप्पज्जित्था ] 'गच्छामि णं अरहन्नयस्स अंतियं पाउब्भवामि, जाणामि ताव अहं अरहन्नगं किं पियधम्मे, णो पियधम्मे ? दढधम्मे नो दढधम्मे ? सीलव्वय गुरव्वय० किं चालेति २ जाव परिच्चयति णो परिच्चयति त्ति कट्टु एवं संपेहेमि, २ ओहिं पउंजामि, २ देवाणु [प्पियं] ओहिणा आभोएमि, २ उत्तरपुरत्थिमं [ दिसीभागं अवक्कमामि,] २ उत्तरविउव्वियं [रूवं विउव्वामि, २त्ता ] ताए उक्किट्ठाए [तुरियाए चवलाए चंडा जईणाए छेयाए सीहाए सिग्घाए दिव्वाए उद्धयाए देवगतीए] जेणेव समुद्दे जेणेव देवाणुप्पिए तेणेव उवागच्छामि, २ त्ता देवाणुप्पियाणं उवसग्गं करेमि, नो देवाप्पिया भीया वा [ तत्था वा तसिया वा उव्विग्गा वा संजायभया वा] तं जं णं सक्के देविदे देवराया एवं वदति सच्चे णं एसमट्ठे । तं दिट्ठे णं देवाणुप्पियाणं इड्डी जुई जसे बले वीरिए पुरिसकारपरक्कमे लब्द्धे पते अभिसमन्नागए। तं खामेमि णं देवाणुप्पिया ! खमंतु ! मरिहंतु णं देवाणुप्पिया ! णाइभुज्जो एवं करणयाए त्ति क पंजलिउडे पायवडिए एयमहं विणएणं भुज्जो भुज्जो खामेइ, २ त्ता अरहन्नयस्स समणोवासगस्स दुवे कुंडलजुयले दलयति, २ त्ता जामेव दिसं पाउब्भूए तामेव दिसं पडते । ७०. तसे अरहन्नए सत्यवाहे निरुवसग्गमिति कट्टु पडिमं पारेति । तए णं ते अरहन्नगपामोक्खा जाव वाणियगा दक्खिणाणुकूलेणं वाएणं जेणेव गंभीर पोयट्ठाणे तेणेव उवागच्छंति, २ त्ता पोयं लंबेति, २ त्ता सगडिसागडं सज्जेति, २ त्ता तं गणिमं च धरिमं च मेज्जं च पारिच्छेज्जं च सगडि [सागडं] कामेति २त्ता सगडी [सागडं] जोएंति, २ त्ता जेणेव मिहिला तेणेव उवागच्छंति, २ मिहिलाए रायहाणीए बहिया अग्गुज्जाणंसि सगडीसागडं मोएंति, २तं महत्थं महग्धं महरिहं विउलं रायरिहं पाहुडं कुंडलजुयलं च गेणहंति, २ त्ता अणुपविसंति, २ त्ता जेणेव कुंभए तेणेव उवागच्छंति, २ त्ता करयल [परिग्गहियं दसणहं सिरसावत्तं मत्थए अंजलिं कट्टु ] तं महत्थं दिव्वं कुंडलजुयलं उवर्णेति, तते णं कुंभए तेसिं संजत्तगाणं जाव पडिच्छइ, २ मल्ली विदेहवररायकन्नं सद्दावेति, २ त्ता तं दिव्वं कुंडलजुयलं मल्लीए विदेहवररायकन्नगाए पिणद्धति, २ पडिविसज्जेति । तते णं से कुंभए राया ते अरहन्नगपामोक्खे जाव वाणियगे विपुलेणं असण ४ वत्थगंध मल्लालंकारेणं जाव उस्सुकं वियरति २ रायमग्गमोगाढे य आवासे वियरति, २ त्ता पडिविसज्जेति । तते णं अरहन्नग [पामोक्खा] संजत्तगा [णावावाणियगा] जेणेव रायमग्गमोगाढे आवासे तेणेव उवागच्छंति, २ भंडववहरणं करेति, २ त्ता पडिभंडं गेण्हंति, २ त्ता सगडी [सागडं] भरेति, जेणेव गंभीरए पोयट्ट उवागच्छंति, २ त्ता पोतवहणं सज्जेति, २ त्ता भंड संकामेति, दक्खिणाणु (कूलेणं वातेणं) जेणेव चंपा पोयट्ठाणे तेणेव [उवागच्छंति, २ त्ता] पोयं लंबेति, २ सगडी [सागडं] सज्जेंति, २ तं गणिमं च धरिमं च मेज्जं च पारिच्छेज्जं च सगडी [सागडं] संकामेति, २ जाव महत्थं पाहुडं दिव्वं च कुडंलजुयलं गेण्हंति, २ जेणेव चंदच्छाए अंगराया तेणेव उवागच्छंति, २ त्ता तं महत्थं जाव उवर्णेति । तते णं चंदच्छाए अंगराया तं दिव्वं महत्थं च कुडलजुयलं पडिच्छति, २ त्ता ते अरहन्नगपामोक्खे एवं वदासी तुब्भेणं देवाणुप्पिया ! बहूणि गामागर जाव आहिंडह, लवणसमुदं च अभिक्खणं २ पोयवहणेहिं ओगाहह, तं अत्थि याइं भे केइ कहिंचि अच्छेरए दिवे ? तते णं ते अरहन्नगपामोक्खा चंदच्छायं अंगरायं एवं वदासी एवं खलु सामी ! अम्हे इहेव चंपाए नयरीए अरहन्नगपामोक्खा बहवे संजत्तगा वावाणियगा परिवसामो । तते णं अम्हे अण्णदा कदाइ गणिमं च धरिमं च मेज्जं च पारिच्छेज्जं च, तहेव अहीणमतिरित्तं, जाव कुंभस्स रन्नो उवणेमो, तते णं से कुंभ मल्लीए विदेहरायवरकन्नाए तं दिव्वं कुंडलजुयलं पिणिद्धति, २ त्ता पडिविसज्जेति । तं एस णं सामी ! अम्हेहिं कुंभगरायभवणंसि मल्ली विदेहरायवरकन्न अच्छेरए दिट्ठे, तं नो खलु अन्ना का वि तारिसिया देवकन्नगा वा जाव जारिसिया णं मल्ली विदेहरायवरकन्ना । तते णं चंदच्छाए ते अरहन्नगपामोक्खे सक्कारेति सम्माणेति, २ त्ता पडिविसज्जेति, तते णं चंदच्छाए वाणियगजणितहासे दूतं सद्दावेति, २ त्ता जाव जइ वि य णं सा सयं रज्जसुंका । तते णं से दूते हट्ठ जाव पहारेत्थ श्री आगमगुणमंजूषा - ६३६
第666666
HOTO
$ $ $ $$$$$$$$$$$1