Page Text
________________
AG
$$$$$555555555
(५) भगवई ६ सतं उद्देसक - ५.६ [७६]
555555555555555OTOR
अदुवा अणंतखुत्तो, नो चेवणं बादरआउकाइयत्ताए, बादरअगिणकाइयत्ताए, बादरवणस्सतिकाइयत्ताए वा। सु. ३२-३५. कण्हराइओवासंतरगयलोगंतियविमाणाणं णामाई ठाणाई च] ३२. एयासि णं अट्ठण्हं कण्हराईणं अट्ठसु ओवासंतरेसु अट्ठ लोगंतियविमाणा पण्णत्ता, तं जहा अच्ची अच्चिमाली वइरोयणे पभंकरे चंदाभे सूराभे सुक्कामे सुपतिहाभे, मज्झे रिट्ठाभे। ३३. कहिणं भंते ! अच्ची विमाणे प०? गोयमा ! उत्तरपुरत्थिमेणं । ३४. कहिणं भंते! अच्चिमाली विमाणे प० ? गोयमा! ' पुरस्थिमेणं । ३५. एवं परिवाडीए नेयव्वयं जाव कहिणं भंते ! रिटे विमाणे पण्णत्ते ? गोयमा ! बहुमज्झदेसभागे। [सु. ३६-४०.लोगंतियदेवाणं नामाइं विमाणनामाई परिवारदेवसंखा य] ३६. एतेसु णं अट्ठसु लोगंतियविमाणेसु अट्ठविहा लोगंतिया देवा परिवसंति, तं जहा “सारस्सयमातिच्या वण्ही वरुणा य गद्दतोया य। तुसिया अव्वाबाहा अग्गिच्चा चेव रिट्ठा य" ||२॥ ३७. कहि णं भंते ! सारस्सता देवा परिवसंति ? गोयमा ! अच्चिम्मि विमाणे परिवसंति । ३८. कहि णं भंते ! आदिच्चा देवा परिवसंति ? गोयमा ! अच्चिमालिम्मि विमाणे० । ३९. एवं नेयव्वं जहाणुपुव्वीए जाव कहिणं भंते ! रिट्ठा देवा परिवर्सति ? गोयमा ! रिट्ठम्मि विमाणे। ४०., (१) सारस्सय-मादिच्चाणं भंते ! देवाणं कति देवा, कति देवसता पण्णत्ता ? गोयमा ! सत्त देवा, सत्त देवसया परिवारो पण्णत्तो। (२) वण्ही-वरुणाणं देवाणं चउद्दस देवा, चउद्दस देवसहस्सा परिवारो पण्णत्तो। (३) गद्दतोय-तुसियाणं देवाणं सत्त देवा, सत्त देवसहस्सा परिवारो पण्णत्तो। (४) अवसेसाणं नव देवा, नव देवसया परिवारो पण्णत्तो। “पढमजुगलम्मि सत्त उ सयाणि बीयम्मि चोद्दस सहस्सा । ततिए सत्त सहस्सा नव चेव सयाणि सेसेसु" ॥३॥ [सु. ४१. लोगंतियविमाणाण पतिट्ठाण-बाहल्ल-उच्चत्त-संठाणाइवत्तव्वया] ४१. (१) लोगंतिगविमाणा णं भंते ! किंपतिहिता पण्णत्ता ? गोयमा ! वाउपतिट्ठिया पण्णत्ता। (२) एवं नेयव्वं 'विमाणाणं पतिठ्ठाणं बाहल्लुच्चत्तमेव संठाणं' । बंभलोयवत्तव्वया नेयव्वा जाव हंता गोयमा ! असतिं अदुवा अणंतखुत्तो, नो चेव णं देवित्ताए। [सु. ४२. लोगंतियदेवाणं ठितिपरूवणा] ४२. लोगंतिगविमाणेसु लोगंतियदेवाणं भंते ! केवतियं कालं ठिती पण्णत्ता ! गोयमा ! अट्ठ सागरोवमाइं ठिती पण्णत्ता। [सु. ४३. लोगंतियविमाण -लोगंताणं अंतरपरूवणा] ४३. लोगंतिगविमाणेहिणं भंते ! केवतियं अबाहाए लोगंते पण्णत्ते ? गोयमा! असंखेज्जाइं जोयणसहस्साई अबाहाए लोगंते पण्णत्ते । सेवं भंते ! सेवं भंते ! त्ति० ॥छट्ठसयस्स उद्देसओ पंचमओ॥६.५||★★★ छट्ठो उद्देसो 'भविए' ★★★ [सु. १-२. चउवीसदंडयाणं आवासाइवत्तव्वयानिद्देसो] १. (१) कति णं भंते ! पुढवीओ पण्णत्ताओ? गोयमा ! सत्त पुढवीओ पण्णत्ताओ, तं जहारयणप्पभा जाव तमतमा। (२) रयणप्पभादीणं आवासा भाणियव्वा जाव अहेसत्तमाए। २. एवं जे जतिया आवासा ते भाणियव्वा जाव कति णं भंते! अणुत्तरविमाणा पण्णत्ता ? गोयमा ! पंच अणुत्तरविमाणा पण्णत्ता, तं जहा-विजए जाव सव्वट्ठसिद्धे । [सु. ३-८. मारणंतियसमुग्घायसमोहयजीवस्स चउवीसदंडएसु आहाराइवत्तव्वया] ३. (१) जीवेणं भंते ! मारणंतियसमुग्घाएणं समोहते, समोहणित्ता जे भविए इमीसे रयणप्पभाए पुढवीए तीसाए निरयावाससयसहस्सेसु अन्नतरंसि निरयावासंसि नेरइयत्ताए उववज्जित्तए से णं भंते ! तत्थगते चेव आहारेज्ज वा, परिणामेज्ज वा, सरीरं वा बंधेज्जा ? गोयमा ! अत्यंगइए तत्थगते चेव आहारेज वा, परिणामेज्ज वा, सरीरं वा बंधेज्ज, अत्थेगइए ततो पडिनियत्तति, इहमागच्छति, आगच्छित्ता दोच्चं पिमारणंतियसमुग्घाएणं समोहणति, समोहणित्ता इमीसे रयणप्पभाए पुढवीए तीसाए निरयावाससयसहस्सेसु अन्नयरंसि निरयावासंसि नेरइयत्ताए उववज्जित्ता ततो पच्छा आहारेज वा परिणामेज्ज वा सरीरं वा बंधेज्जा। (२) एवं जाव अहेसत्तमा पुढवी । (४) जीवेणं भंते ! मारणंतियसमुग्घाएणं समोहए, २ जे भविए चउसट्ठीए असुरकुमारावाससयसहस्सेसु अन्नतरंसि असुरकुमारावासंसि असुरकुमारत्ताए उववज्जित्तए० जहा नेरइया तहा भाणियव्वा जाव थणियकुमारा। ५. (१) जीवेणं भंते ! मारणंतियसमुग्घाएणं समोहए, २ जे भविए असंखेजेसु पुढविकाइयावाससयसहस्सेसु अन्नयरंसि पुढविकाइयावासंसि पुढविकाइयत्ताए उववज्जित्तए से णं भंते ! मंदरस्स पव्वयस्स पुरत्थिमेणं केवतियं गच्छेज्जा, केवतियं पाउणेज्जा ? गोयमा! लोयंतं गच्छेज्जा, लोयंतं पाउणिज्जा। (२) से णं भंते ! तत्थगए चेव आहारेज्ज वा, परिणामेज वा, सरीरं वा
卐5555 He-r055555555555555555555555555555555
Monourcurricu
5 5555555555555/ श्री आगमगुणमजूषा - २९१5555555555555555555555555EO
| SR No. | 003255 |
| Book Title | Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 394 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 35 MB |