Page Text
________________
फफफ
फफफफफफफफ
(५) भगवई ६ सतं उद्देसक ४ [७३]
अपदेसे। (२) एवं जाव सिद्धे । ३. जीवा णं भंते ! कालादेसेणं किं सपदेसा, अपदेसा ? गोयमा ! नियमा सपदेसा । ४. (१) नेरइया णं भंते! कालादेसेणं किं सपदेसा, अपदेसा ? गोयमा ! सव्वे वि ताव होज्ज सपदेसा, अहवा सपदेसा य अपदेसे य, अहवा सपदेसा य अपदेसा य । (२) एवं जाव थणियकुमारा । ५. (१) पुढविकाइया णं भंते ! किं सपदेसा, अपदेसा ? गोयमा ! सपदेसा वि, अपदेसा वि । (२) एवं जाव वणप्फतिकाइया । ६. सेसा जहा नेरइया तहा जाव सिद्धा । [सु.७-१९.आहारगाइ-भवसिद्धियाइ सण्णिआइ- सलेसाइ सम्मद्दि-ट्ठिआइ-संजताइ सकसायाइ - णाणाइ- सजोगिआइ- सागारोवउत्ताइ सवेयगाइससरीरिआइ-पज्जत्तयाईसु सपदेस - अपदेसवत्तव्वया] ७. (१) आहारगणं जीवेगेदियवज्जो तियभंगो । (२) अणाहारगाणं जीवेगिदियवज्जा छब्भंगा एवं 'भाणियव्वा-सपदेसावा, अपदेसा वा अहवा सपदेसे य अपदेसे य, अहवा सपदेसे य अपदेसा य, अहवा सपदेसा य अपदेसे य, अहवा सपदेसा य अपदेसा य । सिद्धेहिं तियभंगो । ८. (१) भवसिद्धीया अभवसिद्धीया जहा ओहिया । (२) नोभवसिद्धियनोअभवसिद्धिया जीवा- सिद्धेहिं तियभंगो । ९. (१) सण्णीहिं जीवादिओ तियभंगो। (२) असण्णीहिं एगिदियवज्जो तियभंगो । नेरइय- देव मणुएहिं छब्भंगा । (३) नोसण्णिनोअसण्णिणो जीव- मणुय-सिद्धेहिं तियभंगो । १०. (१) सलेसा जहा ओहिया । कण्हलेस्सा नीललेस्सा काउलेस्सा जहा आहारओ, नवरं जस्स अत्थि एयाओ । तेउलेस्साए जीवादिओ तियभंगो, नवरं पुढविकाइएसु आउ-वणप्फतीसु छब्भंगा । पम्हलेस - सुक्कलेस्साए जीवइओ तियभंगो ! मणुस्से छब्भंगा । (२) अलेसेहिं जीव- सिद्धेहिं तियभंगो । ११. ( १ ) सम्मद्दिट्ठीहिं जीवाइओ तियभंगो । विगलिदिएसु छब्भंगा । (२) मिच्छद्दिट्ठीहिं एगिदियवज्जो तियभंगो । (३) सम्मामिच्छद्दिट्ठीहिं छब्भंगा । १२. (१) संजतेहिं जीवाइओ तियभंगो। (२) असंजतेहिं एगिदियवज्जो तियभंगो। (३) संजतासंजतेहिं तियभंगो जीवादिओ । (४) नोसंजयनोअसंजयनोसंजतासंजत जीवसिद्धेहिं तियभंगो । १३. (१) सकसाईहिं जीवादिओ तियभंगो। एगिदिएस अभंगकं । कोहकसाईहिं जीवेगिदियवज्जो तियभंगो । देवेहिं छब्भंगा | माणकसाई मायाकसाई जीवेगिदियवज्जो तियभंगो । नेरतिय देवेहिं छब्भंगा। लोभकसायीहिं जीवेगिदियवज्जो तियभंगो । नेरतिएसु छब्भंगा । (२) अकसाई जीव-मणुए हिं सिद्धेहिं तियभंगो । १४. (१) ओहियनाणे आभिणिबोहियनाणे सुयनाणे जीवादिओ तियभंगो । विगलिदिएहिं छब्भंगा । ओहिनाणे मणपज्जवणाणे केवलनाणे जीवादिओ तियभंगो। (२) ओहिए अण्णाणे मतिअण्णाणे सुयअण्णाणे एगिदियवज्जो तियभंगो। विभंगणाणे जीवादिओ तियभंगो। १५. (१) सज़ोगी जहा ओहिओ । मणजोगी वयजोगी कायजोगी जीवादिओ तियभंगो, नवरं कायजोगी एगिदिया तेसु अभंगकं । (२) अजोगी जहा अलेसा । १६. सागारोवउत्तअणागारोवउत्तेहिं जीवेगिदियवज्जो तियभंगो । १७. (१) सवेयगा य जहा सकसाई । इत्थिवेयग- पुरिसवेदग नपुंसग वेदगेसु जीवादिओ तियभंगो, नवरं नपुंसगवेदे एगिदिएस अभंगयं । (२) अवेयगा जहा अकसाई । १८. (१) ससरीरी जहा ओहिओ । ओरालिय-वेउव्वियसरीरीणं जीवएगिदियवज्जो तियभंगो। आहारगसरीरे जीव-मसु छभंगा । तेयग कम्मगाणं जहा ओहिया । (२) असरीरेहिं जीव- सिद्धेहिं तियभंगो । १९. (१) आहारपज्जत्तीए सरीरपज्जत्तीए इंदियपज्जत्तीए आणापाणपज्जत्तीए जीवेगिदियवज्जो तियभंगो। भासामणपज्जत्तीए जहा सण्णी । (२) आहारअपज्जत्तीए जहा अणाहारगा। सरीरअपज्जत्तीए इंदियअपज्जत्तीए आणापाणअपज्जत्तीए जीवेगिदियवज्जो तियभंगो, नेरइय- देव मणुएहिं छब्भंगा । भासामणअपज्जत्तीए जीवादिओ तियभंगो, णेरइय-देव- मणुएहिं छब्भंगा । [सु. २०. पढमाइएगूणवीसइमपज्जंतसुत्तविसयसंगहणीगाहा ] २०. गाहा सपदेसाऽऽहारग भविय सण्णि लेस्सा दि संजय कसाए। णाणे जोगुवओगे वेदे य सरीर पज्जत्ती ॥१॥ [ सु. २१. जीव - चउवीसदंडगेसु पच्चक्खाण अपच्चक्खाणाइवत्तव्वया । २१. (१) जीवा णं भंते! किं पच्चक्खाणी, अपच्चक्खाणी, पच्चक्खाणापच्चक्खाणी ? गोयमा ! जीघा पच्चक्खाणी वि, अपच्चक्खाणी वि, पच्चक्खाणाऽपच्चक्खाणी वि। (२) सव्वजीवाणं एवं पुच्छा। गोयमा ! नेरइया अपच्चक्खाणी जाव चउरिदिया, सेसा दो पडिसेहेयव्वा । पंचिदियतिरिक्खजोणिया नो पच्चक्खाणी अपच्चक्खाणी वि, पच्चक्खाणापच्चक्खाणी वि । मणुस्सा तिणि वि। सेसा जहा नेरतिया । [सु. २२-२३. जीवाईसु पच्चक्खाणजाणणा-कुव्वणावत्तव्वया । २२. जीवा णं भंते! किं पच्चक्खाणं जाणंति, अपच्चक्खाणं 5 श्री आगमगुणमंजूषा २२८
6666666666666
| SR No. | 003255 |
| Book Title | Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 394 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 35 MB |