Page Text
________________
फ्र
किं भवसिद्धीए बंध, अभवसिद्धीए बंधइ, नोभवसिद्धीएनो अभवसिद्धीए बंधति ? गोयमा ! भवसिद्धीए भयणाए, अभवसिद्धीए बंधति, नोभवसिद्धीएनोअभवसिद्दीए न बंधइ | २ (२) एवं आउगवज्जाओ सत्त वि । (३) आउगं हेट्ठिल्ला दो भयणाए, उवरिल्लो न बंधइ । [सु. १८. दसमं दारं चक्खुदंसणिआइ पडुच्च अट्ठण्हं कम्मपगडीणं बंधपरूवणा] १८. (१) णाणावरणिज्जं किं चक्खुदंसणी बंधति, अचक्खुदंस०, ओहिदंस०, केवलदं० ? गोयमा ! हेट्टिल्ला तिष्णि भयणाए, उवरिल्ले ण बंधइ । (२) एवं वेदणिज्जवज्जाओ सत्त वि। (३) वेदणिज्जं हेट्ठिल्ला तिण्णि बंधंति, केवलदंसणी भयणाए । [सु. १९. एक्कारसमं दारं पज्जत्तापज्जत्ताइ पडुच्च अट्ठण्हं कम्मपगडीणं बंधपरूवणा) १९. (१) णाणावरणिज्जं कम्मं किं पज्जत्तओ बंधइ, अपज्जत्तओ बंधइ, नोपज्जत्तएनो अपज्जत्तए बंधइ ? गोयमा ! पज्जत्तए भयणाए, अपज्जत्तए बंधइ, नोपज्जत्तएनो अपज्जत्तए न बंधइ। (२) एवं आउगवज्जाओ। (३) आउगं हेट्ठिल्ला दो भयणाए, उवरिल्ले ण बंधइ । [ सु. २०. दुवालसमं दारं-भासयाभासए पडुच्च अट्ठण्हं कम्मपगडीणं बंधपरूवणा ] २०. (१) नाणावरणिज्जं किं भासए बंधइ, अभासए० ? गोयमा ! दो वि भयणाए । (२) एवं वेदणिज्जवज्नाओ सत्त । (३) वेदणिज्जं भासए बंधइ, अभासए भयणाए । [ सु. २१. तेरसमं दारं परित्तापरित्ताइ पडुच्च अट्ठण्हं कम्मपगडीणं बंधपरूवणा । २१. (१) णाणावरणिज्जं किं परित्ते बंधइ, अपरित्ते बंधइ, नोपरित्तेनोअपरित्ते बंद ? गोयमा ! परित्ते भयणाए, अपरित्ते बंधइ, नोपरित्तेनोअपरित्ते न बंधइ । (२) एवं आउगवज्जाओ सत्त कम्मपगडीओ । (३) आउए परितो वि, अपरित्तो वि भयणाए । नोपरित्तोनोअपरित्तो न बंधइ । [सु. २२-२३. चोद्दसमं दारं-पाणिअण्णाणिणो पडुच्च अट्ठण्हं कम्मपगडीणं बंधपरूवणा] २२. (१) णाणावरणिज्जं कम्मं किं आभिणिबोहियनाणी बंधइ, सुयनाणी०, ओहिनाणी०, मणपज्जवनाणी०,
नाणी बं० ? गोयमा ! हेट्ठिल्ला चत्तारि भयणाए, केवलनाणी न बंधइ । (२) एवं वेदणिज्जवज्जाओ सत्त वि। (३) वेदणिज्जं हेट्ठिल्ला चत्तारि बंधंति, केवलनाणी भयणाए । २३. णाणावरणिज्जं किं मतिअण्णाणी बंधइ, सुय०, विभंग० ? गोयमा ! आउगवज्जाओ सत्त वि बंधति । आउगं भयणाए । [ सु. २४. परसमं दारं-मणजोगिआइ पडुच्च अट्ठण्हं कम्मपगडीणं बंधपरूवणा] २४. (१) णाणावरणिज्जं किं मणजोगी बंधइ, वय०, काय०, अजोगी बंधइ ? गोयमा ! हेट्ठिल्ला तिण्णिभयणाए, अजोगी न बंधइ । (२) एवं वेदणिज्जवज्जाओ। (३) वेदणिज्जं हेट्ठिल्ला बंधंति, अजोगी न बंधइ । [सु. २५. सोलसमं दारं सागारअणगारोवउत्ते पडुच अट्ठण्हं कम्मपगडीणं बंधपरूवणा] २५. णाणावरणिज्जं किं सागारोवउत्ते बंधइ, अणागारोवउत्ते बंधइ ? गोयमा ! अट्ठसु वि भयणाए । [सु. २६. सत्तरसमं दारं- आहारय अणाहारए पडुच्च अट्ठण्हं कम्मपगडीणं बंधपरूवणा) २६. (१) णाणावरणिज्जं किं आहारए बंधइ, अणाहारए बंधइ ? गोयमा ! दो विभयणा । (२) एवं वेदणिज्ज आउगवज्जाणं छण्हं । (३) वेदणिज्जं आहारए बंधति, अणाहारए भयणाए। आउगं आहारए भयणाए, अणाहारए न बंधति । [सु. २७. अट्ठारसमं दारं-सुहुम-बायराइ पडुच्च अट्ठण्हं कम्मपगडीणं बंधपरूवणा] २७. (१) णाणावरणिज्जं किं सुहुमे बंधइ, बादरे बंधइ, नोसुहुमेनोबादरे बंधइ ? गोयमा ! सुहुमे बंधइ, बादरे भयणाए, नोसुहुमेनोबादरे न बंधइ । (२) एवं आउगवज्जाओ सत्त वि । (३) आउए सुहुमे बादरे भयणाए, नोसुहुमेनोबादरे ण बंधइ । [सु. २८. एगूणवीसइमं दारं-चरिमाचरिमे पटुच्च अट्ठण्हं कम्मपगडीणं बंधपरूवणा] २८. णाणावरणिज्जं किं चरिमे बंधति, अचरिमे बं० ? गोयमा ! अट्ठ वि भयणाए । [सु. २९. दारं २० छट्टाइ एगूणवीसइमपज्जतदारतग्गयपदाणमप्पाबहुयं । २९. (१) एएसि णं भंते! जीवाणं इत्थवेदगाणं पुरिसवेदगाणं नपुंसगवेदगाणं अवेदगाण य कयरे २ अप्पा वा ४ ? गोयमा ! सव्वत्थोवा जीवा पुरिसवेदगा, इत्थिवेदगा संखेज्जगुणा, अवेदगा अनंतगुणा, नपुंसगवेदगा अणंतगुणा । (२) एतेसिं सव्वेसिं पदाणं अप्पबहुगाई उच्चारेयव्वाइं जाव सव्वत्थोवा जीवा अचरिमा, चरिमा अनंतगुणा। सेवं भंते! सेवं भंते ! ति० ॥ ॥ ★★★ छट्टसए तइओ उद्देसो समत्तो ||६.३॥ चउत्थो उद्देसो 'सपएस' ★★★ [सु. १ ६. कालादेसेणं जीव - चउवीसदंडगेसु एगत्त-पुहत्तेणं सपदेस- अपदेसवत्तव्वया ] १. जीवे णं भंते ! कालादेसेणं किं सपदेसे, अपदेसे ? गोयमा ! नियमा सपदेसे । २. (१) नेरतिए णं भंते । कालादेसेणं किं सपदेसे, अपदेसे ? गोयमा ! सिय सपदेसे, सिय
(५) भगवई ६ स तं उद्देसक ३-४
[ ७२ ]
श्री आगमगुणमंजूषा २८
*******££££££
| SR No. | 003255 |
| Book Title | Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 394 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 35 MB |