Page Text
________________
लागगगगगगनananananananam
(५) भगवई ३ सत्तं उ - १.२ [४१]
hhhhhhhhhhhhh5hOS
SAGRO555555555555555555555555555555555555555555555xol
चिर्द्वति। सि.६२-६४. सणंकुमारदेविंदस्स भवसिद्धियत्ताइ- ठिति -अणंतरभवपरूवणा] ६२. (१) सणंकुमारेणं भंते ! देविदे देवराया किं भवसिद्धिए, अभवसिद्धिए? सम्मद्दिद्वी. मिच्छट्ठिी ? परित्तसंसारए, अणंतसंसारए ? सुलभबोहिए, दुलभबोहिए ? आराहए, विराहए ? चरिमे अचरिमे ? गोयमा! सणकुमारे णं देविदे देवराया भवसिद्धीए नो अभवसिद्धीए, एवं सम्मदिट्टी परित्तसंसारए सुलभबोहिए आराहए चरिमे, पसत्थं नेयव्वं । (२) से केणटेणं भंते ! ? गोयमा ! सणंकुमारे देविदे देवराया बहूणं समणाणं बहूणं समणीणं बहूणं सावगाणं बहूर्ण साविगाणं हियकामए सुहकामए पत्थकामए आणुकंपिए निस्सेयसिए हिय -सुह -निस्सेसकामए, से तेणद्वेणं गोयमा ! सणंकुमारे णं भवसिद्धिए जाव नो अचरिमे। ६३. सणंकुमारस्स णं भंते ! देविंदस्स देवरण्णो केवतियं कालं ठिती पण्णत्ता ? गोयमा ! सत्त सागरोवमाणि ठिती पण्णत्ता। ६४. सेणं भंते ! ताओ देवलोगातो आउक्खएणं जाव कहिं उववज्जिहिति ? गोयमा ! महाविदेहे वासे सिज्झिहिति जाव अंतं करेहिति । सेवं भंते ! २०। [सु. ६५. तइयसयपढमुद्देसस्स १६-६४ सुत्ताणं संगहणिगाहाओ ] ६५. गाहाओ छट्टऽट्ठम मासो अद्धमासो वासाइं अट्ठ छम्मासा। तीसगकुरुदत्ताणं तव भत्तपरिण्ण परियाओ॥१|| उच्चत्त विमाणाणं पादुब्भव पेच्छणा य संलावे। किच्च विवादुप्पत्ती सणंकुमारे य भवियत्तं ॥२***मोया समत्ता। तइयसए पढमो उद्देसो समत्तो॥३.१॥★★★ बिइओ उद्देसओ 'चमरो' *AA[सु.१-२. उवुग्घाओ] १. तेणं कालेणं तेणं समएणं रायगिहे नामं नगरे होत्था जाव परिसा पज्जुवासइ । २. तेणं कालेणं तेणं समएणं चमरे असुरिद असुरराया चमरचंचाए रायहाणीए सभाए सुहम्माए चमरंसि सीहासणंसि चउसट्टीए सामाणियसाहस्सीहिं जाव नट्टविहिं उवदंसेत्ता जामेव दिसिंपाउब्मूए तामेव दिसिं पडिगए। [सु. ३-४. असुरकुमारठाणपरूवणा] ३. (१) भंते ! त्ति भगवं गोयमे समणं भगवं महावीरं वंदति नमंसति, (२) एवं वदासी अस्थि णं भंते ! इमीसे रयणप्पभाए पुढवीए अहे असुरकुमारा देवा परिवसंति ? गोयमा ! नो इणद्वे समझे। (२) एवं जाव अहेसत्तमाए पुढवीए, सोहम्मस्स कप्पस्स अहे जाव अस्थि ण भंते ! ईसिपब्भाराए पुढवीए अहे असुरकुमारा देवा परिवसंति ? णो इणढे समढे । ४. से कहिं खाई णं भंते ! असुरकुमारा देवा परिवसंति ? गोयमा ! इमीसे रयणप्पभाए पुढवीए असीउत्तरजोयणसतसहस्सबाहल्लाए, एवं असुरकुमारदेववत्तव्वया जाव दिव्वाई भोगभोगाई भुंजमाणा विहरंति। [सु. ५-७. असुरकुमाराणं अहोगइविसयपरूवणा] ५. अत्थि णं भंते ! असुरकुमाराणं देवाणं अहे गतिविसए प०? हंता, अत्थि। ६. केवतिए चणं भंते ! असुरकुमाराणं देवाणं अहेगतिविसए पण्णत्ते ? गोयमा ! जाव अहेसत्तमाए पुढवीए, तच्च पुण पुढविंगता य, गमिस्संति य । ७. किंपत्तियं णं भंते ! असुरकुमारा देवा तच्चं पुढविं गता य, गमिस्संति य ? गोयमा ! पुव्ववेरयस्स वा वेदणउदीरणयाए, पुव्वसंगतियस्स वा वेदणउवसामणयाए। एवं खलु असुरकुमारा देवा तच्चं पुढविं गता य, गमिस्संति य। [सु. ८-१०. असुरकुमाराणं तिरियगइविसयपरूवणा] ८. अत्थि णं भंते ! असुरकमाराणं देवाणं तिरियं गतिविसए पण्णत्ते ? हता, अत्थि । ९. केवतियं ज णं भंते ! असुरकुमाराणं देवाणं तिरियं गतिविसए पण्णत्ते ? गोयमा ! जाव असंखेज्जा दीव-समुद्दा, नंदिस्सरवरं पुण दीवं गताय, गमिस्संति य।१०. किंपत्तियंणं भंते । असुरकुमारा देवानंदीसरवरदीवं गताय, गमिस्संतिय? गोयमा जे इमे अरिहंता भगवंता एतेसिंणं जम्मणमहेसु वा निक्खमणमहेसु वाणाणुप्पत्तिमहिमासु वा परिनिव्वाणमहिमासु वा एवं खलु असुरकुमारा देवा नंदीसरवरं दीवं गत्ता य, गमिस्संति य। सु. ११-१३. असुरकुमाराणं उड्डगइविसयपरूवणा] ११. अत्थिणं भंते ! असुरकुमाराणं देवाणं उर्ल्ड गतिविसए प०? हंता, अत्थि। १२. केवतियं च णं भंते ! असरकुमाराणं देवाणं उ8 गतिविसए ? गोयमा ! जाव अच्चुतो कप्पो । सोहम्मे पुण कप्पं गता य, गमिस्संति य। १३. (१) किं पतियं णं भंते! असुरकुमारा देवा सोहम्मं कप्पं गता य, गमिस्संति य? गोयमा ! तेसिंणं देवाणं भवपच्चइयवेराणुबंधे। ते ण देवा विकुव्वेमाणा परियारेमाणा वा आयरक्खे देवे वित्तासेति । अहालहुस्सगाई रयणाइं गहाय आयाए एगतमंत अवक्कमंति। (२) अत्थि णं भंते ! तेसिं देवाणं अहालहुस्सगाई रयणाई ? हता, अत्थि। (३) से कहमिदाणिं पकरेति? तओ से पच्छा कार्य पव्वहंति। (४) पभू णं भंते ! ते असुरकुमारा देवा तत्थगया चेव समाणा ताहिं अच्छराहिं सद्धिं दिव्वाई भोगभोगाई
5 55555555555555 श्री आगमगुणमंजूषा - २५६ 555555555555555
ww.jainelibrary.co
5 FGxx
| SR No. | 003255 |
| Book Title | Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 394 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 35 MB |