Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha

SR No.: 003255
Original Sutra Author: N/A
Author: Gunsagarsuri
Publisher: Jina Goyam Guna Sarvoday Trust Mumbai
Publication Year: 1999
Total Pages: 394
Language: Prakrit
Classification: Book_Devnagari, Agam, Canon, & agam_bhagwati
File Size: 35 MB

Page 51

फ्र
(५) भगवई २ सतं उद्देसक ९.१० [३२]
वेमाणियप्पमाणस्सं अद्धं नेयव्वं । सभा सुहम्मा उत्तरपुरत्थिमेणं, जिणघरं, ततो उववायसभा हरओ अभिसेय० अलंकारो जहा विजयस्स । उववाओ संकप्पो अभय विभूसणा यववसाओ। अच्चणिय सुहगमो वि य चमर परिवार इडुत्तं ॥ १ ॥ ★★★ ॥ बीयसए अट्टमो ॥ २.८॥ ★★★ नवमो उद्देसो 'दीव' ★★★ [सु. १. समयखेत्तपरूवणाजाणणत्थं जीवाभिगमसुत्तावलोयणनिद्देसो ] १. किमिदं भंते! 'समयखेत्ते' त्ति पबुच्चति ? गोयमा ! अड्डाइज्जा दीवा दो य समुद्दा एस वतिए 'समयखेत्ते ' त्ति पवुच्चति । 'तत्थ ण अयं जंबुद्दीवे दीवे सव्वदीव-समुद्दाणं सव्वब्भंतरए' (जीवाजीवाभि० सु. १२४, पत्र १७७) एवं जीवाभिगमवत्तव्वया नेयव्वा जाव अब्भिंतरं पुक्खरद्धं जोइसविहूणं । ★★★ ॥ बितीयस्स नवमो उद्देसो ॥। २.९ ॥ ★★★ दसमो उद्देसो 'अत्थिकाय' ★★★ [सु. १६. अत्थिकायाणं भेय-पभेयाइपरूवणं ] १. कति णं भंते! अत्थिकाया पण्णत्ता ? गोयमा ! पंच अत्थिकाया पण्णत्ता, तं जहा धम्मत्थिकाए अधम्मत्थिकाए आगासत्थिकाए जीवत्थिकाए पोग्गलत्थिकाए । २. धम्मत्थिकाए णं भंते! कतिवण्णे कतिगंधे कतिरसे कतिफासे ? गोयमा ! अवण्णे अगंधे अरसे अफासे अरूवी सासते अवट्ठिते लोगदव्वे । से समासतो पंचविहे पण्णत्ते, तं जहा दव्वतो खेत्ततो कालतो भावतो गुणतो । दव्वतो णं धम्मत्थिकाए एगे दव्वे । खेत्ततो लोगप्पमाणमेत्ते । कालतो न कदायि न आसि, न कयाइ नत्थि, जाव निच्चे । भावतो अवण्णे अगंधे अरसे अफासे । गुणतो गमणगुणे । ३. अधम्मत्थिकाए वि एवं चेव । नवरं गुणतो ठाणगुणे । ४. आगासत्थिकाए वि एवं चेव । नवरं खेत्तओ णं आगासत्थिकाए लोयालोयप्पमाणमेत्ते अणते चेव जाव (सु. २) गुणओ अवगाहणागुणे । ५. जीवत्थिकाए णं भंते ! कतिवण्णे कतिगंधे कतिरसे कइफासे ? गोयमा ! अवण्णे जाव (सु. २) अरूवी जीवे सासते अवट्ठिते लोगदव्वे । से समासओ पंचविहे पण्णत्ते; तं जहा दव्वतो जाव गुणतो। दव्वतो णं जीवत्थिकाए अणंताइं जीवदव्वाइं । खेत्तओ लोगप्पमाणमेत्ते। कालतो न कयाइ न आसि जाव (सु. २) निच्चे । भावतो पुण अवणे अगंधे अरसे अफासे । गुणतो उवयोगगुणे । ६. पोग्गलत्थिकाए णं भंते ! कतिवण्णे कतिगंधे० रसे० फासे ? गोयमा ! पंचवण्णे पंचरसे दुगंधे अट्ठफासे रूवी अजीवे सासते अवट्ठिते लोगदव्वे । से समासओ पंचविहे पण्णत्ते; तं जहा दव्वतो खेत्तओ कालतो भावतो गुणतो । दव्वतो णं पोग्गलत्थिकाए अणंताई दव्वाइं । खेत्ततो लोगप्पमाणमेते । कालतो न कयाइ न आसि जाव (सु. २) निच्चे । भावतो वण्णमंते गंध० रस० फासमंते । गुणतो गहणगुणे । [सु. ७-८. पंचण्हमत्थिकायाणं सरूवं ] ७. (१) एगे भंते ! धम्मत्थिकायपदेसे 'धम्मत्थिकाए' त्ति वत्तव्वं सिया ? गोयमा ! णो इणट्ठे समट्ठे । (२) एवं दोण्णि तिण्णि चत्तारि पंच छ सत्त अट्ठ नव दस संखेज्ना असंखेज्जा भंते! धम्मत्थिकायप्पदेसा 'धम्मत्थिकाए' त्ति वत्तव्वं सिया ? गोयमा ! णो इणट्ठे समट्ठे। (३) एगपदेसूणे वि य णं भंते! धम्मत्थिकाए ‘धम्मत्थिकाए' त्ति वत्तव्वं सिया ? णो इणट्टे समट्ठे । (४) से केणट्टेणं भंते! एवं वुच्चइ 'एगे धम्मत्थिकायपदेसे नो धम्मत्थिकाए त्ति वत्तव्वं सिया जाव (सु. ७२) एगपदेसूणे वि य णं धम्मत्थिकाए नो धम्मत्थिकाए त्ति वत्तव्वं सिया ?' । से नूणं गोयमा ! खंडे चक्के ? सगले चक्के ? भगवं ! नो खंडे चक्के, सगले चक्के । एवं छत्ते चम्मे दंडे दूसे आयुहे मोयए । से तेणद्वेणं गोयमा ! एवं वुच्चइ 'एगे धम्मत्थिकायपदेसे नो धम्मत्थिकाए त्ति वत्तव्वं सिया जाव एगपदेसूणे विय धम्मत्थिकाए नो धम्मत्थिकाए त्ति वत्तब्वं सिया' । ८. (१) से किं खाइं णं भंते! 'धम्मत्थिकाए' त्ति वत्तव्वं सिया ? गोयमा ! असंखेज्जा धम्मत्थिकायपदेसा ते सव्वे कसिणा पडिपुण्णा निरवसेसा एगग्गहणगहिया, एस णं गोयमा ! 'धम्मत्थिकाए' त्ति वत्तव्वं सिया । (२) एवं अहम्मत्थिकाए वि । (३) आगासत्थिकाय - जीवत्थिकाय -पोग्गलत्थिकाया वि एवं चेव । नवरं पदेसा अणंता भाणियव्वा । सेसं तं चेव । [सु. ९. अमुत्तजीवलक्खणवत्तव्वया) ] ९. (१) जीव णं भंते ! सउट्टाणे सकम्मे सबले सवीरिए सपुरिसक्कारपरक्कमे आयभावेणं जीवभावं उवदंसेतीति वत्तव्वं सिया ? हंता, गोयमा ! जीवं णं सउट्टाणे जाव उवदंसेतीति वत्तव्वं सिया । (२) से केणद्वेणं जाव वत्तव्वं सिया ? गोयमा ! जीवे णं अणंताणं आभिणिबोहियनाणपज्जवाणं एवं सुलनाणपज्जवाणं ओहिनाणपज्जवाणं मणपज्जवनाणपज्जवाणं केवलनाणपज्जवाणं मतिअण्णाणपज्जवाणं सुतअण्णाणपज्जवाणं विभंगणाणपज्जवाणं चक्खुदंसणपज्जवाणं अचक्खुदंसणपज्जवाणं
1
education International 2010 03
rox
Pavate & Personal Use Only
श्री आगमगणमंजुषा २४७ 55 56ON