Page Text
________________
(५) भगवड १ सत उसक९ (१९५
णामं अणगारे जेणेव थेरा भगवंतो तेणेव उवागच्छति, उवागच्छित्ता थेरे भगवंते एवं वयासी थेरा सामाइयं ण जाणंति, थेरा सामाइयस्स अहं ण याणंति, थेरा पच्चक्खाणं ण याति, थेरा पच्चक्खाणस्स अहं ण याणति, थेरा संजमं ण याणंति, थेरा संजमस्स अट्ठ ण याणंति, थेरा संवरं ण याणंति, थेरा संवरस्स अहं ण. याणंति, थेरा विवेगं याणंति, थेरा विवेगस्स अहं ण याणंति, थेरा विउस्सग्गं ण याणंति, थेरा विउस्सग्गस्स अहं ण याणंति । (२) तए णं ते थेरा भगवंतो कालासवेसियपुत्तं अणगारं एवं वयासी जाणामो णं अज्झो ! सामाइयं, जाणामो णं अज्झो ! सामाइयस्स अट्ठे जाव जाणमों णं अज्झो ! विउस्सग्गस्स अहं । (३) तए णं से कालासवेसियपुत्ते अणगारे ते घेरे भगवंते एवं वयासी जति णं अज्झो! तुब्भे जाणह सामाइयं, जाणह सामाइयस्स अट्ठ जाव जाणह विउस्सग्गस्स अट्ठ, किं भे अज्जो सामाइए ? किं भे अज्जो ! सामाइयस्स अट्ठे ? जाव किं भे विउस्सग्गस्स अट्ठे ? (४) तए णं ते थेरा भगवंतो कालासवेसियपुत्तं अणगारं एवं वयासी आयाणे अज्जो ! सामाइए, आया णे अज्जो ! सामाइयस्स अट्ठे जाव विउस्सग्गस्स अट्ठे । (५) तए णं से कालासवेसियपुत्तं अणगारं थेरे भगवंते एवं वयासी जति अनो ! आया सामाइए, आया सामाइयस्स अट्ठे एवं जाव आया विउस्सग्गस्स अट्ठे, अवहट्टु कोह -माण- माया -लोभे किमहं अज्जो ! गरहह ? कालासाह संजमट्टयाए। (६) से भंते! किं गरहा संजमे ? अगरहा संजमे ? कालास० ! गरहा संजमे, नो अगरहा संजमे, गरहा वि य णं सव्वं दोसं पविणेति, सव्वं बाल परिणा एवं खु णे आया संजमे उवहिते भवति, एवं खूणे आया संजमे उवचिते भवति, एवं खु णे आया संजमे उवट्ठिते भवति । २२. (१) एत्थ णं से कालासवेसियपुत्ते अणगारे संबुद्धे थेरे भगवंते वंदति णमंसति, २ एवं वयासी एतेसि णं भंते! पदाणं पुव्विं अण्णाणयाए असवणयाए अबोहीए अणभिगमेणं अदिट्ठाणं अस्सुताणं अमुताणं अविण्णायाणं अवोगडाणं अव्वोच्छिन्नाण अणिज्जूढाणं अणुवधारिताणं एतमट्ठे णो सद्दहिते, णो पत्तिए, णो रोइए । इदाणिं भंते ! एतेसिं पदाणं जाणताए सवणताए बोहीए अभिगमेणं दिट्ठाणं सुताणं मुयाणं विण्णाताणं वोगडाणं वोच्छिन्नाणं णिज्जूढाणं उवधारिताणं एतमहं सहामि, पत्तियामि, रोएमि। एवमेतं से जहेयं तुब्भे वदह । (२) तए णं ते थेरा भगवंतो कालसवेसियपुत्तं अणगारं एवं वयासी सद्दहाहि अज्जो ! पत्तियाहि अज्नो ! से जहेतं अम्हे वदामो । २३. (१) तए णं से कालासवेसियपुत्ते अणगारे थेरे भगवंते वंदइ नमसइ, २ एवं वदासी इच्छामि णं भंते ! तुब्भं अंतिए चाउज्जामाओ धम्माओ पंचमहव्वइयं सपडिक्कमणं धम्मं उवसंपज्जित्ताणं विहरित्तए । अहांसुहं देवाणुप्पिया ! मा पडिबंधं करेह । (२) तए णं से कालसवेसियपुत्ते अणगारे थेरे भगवंते वंदइ नमसई, वंदित्ता नमंसित्ता चाउज्जामाओ धम्माओ पंचमहव्वइयं सपडिक्कमणं धम्मं उवसंपज्जित्ताणं विहरइ । २४. तए णं से कालसवेसियपुत्ते अणगारे बहूणि वासाण सामण्णपरियागं पाउणइ, २ जस्सट्ठाए कीरति नग्गभावे मुंडभावे अण्हाणयं अदंतधुवणयं अच्छत्तयं अणोवाहणयं भूमिसेज्जा फलगसेज्जा कट्टसेज्जा केसलोओ बंभचेरवासो परघरपवेसो लद्धावलद्धी, उच्चावया गामकंटगा बावीसं परिसहोवसग्गा अहियासिज्जति तमद्वं आराहेइ, २ चरमेहिं उस्सासे - नीसासेहिं सिद्धे बुद्धे मुक्के परिनिव्वुडे सव्वदुक्खप्पहीणे। [सु. २५. गोयमपुच्छाएं सेट्ठिपभिडं पडुच्च अपच्चक्खाणमिरियापरूवणं ] २५. 'भंते!' त्ति भगवं गोयमा ! समणं भगवं महावीरं वंदति नम॑सति, २ एवं वदासी से नूणं भंते ! सेट्ठिस्स य तणुयस्स य किविणस्स य खत्तियस्स य समा चेव अपच्चक्खाणकिरिया कज्जइ ? हंता, गोयमा ! सेट्ठिस्स य जाव अपच्चक्खाणकिरिया कज्जइ । से केणट्टेणं भंते ! ० ? गोयमा ! अविरतिं पडुच्च; से तेणद्वेणं गोयमा ! एवं वुच्चइ सेट्ठिस्स य तणु० जाव कज्जइ । [सु. २६. आहाकम्मभोइणो गुरुकम्मयापरूवणं ] २६. आहाकम्मं णं भुजमाणे समणे निग्गंथे किं बंधति ? किं पकरेति ? किं चिणाति ? किं उवचिणाति ? गोयमा ! आहाकम्मं णं भुंजमाणे आउयवज्जओ सत्त कम्मपगडीओ सिढिलबंधणबद्धाओ धणियबंधणबद्धाओ पकरे जाव अणुपरियट्टा । से केणट्टेणं जाव अणुपरियट्टइ ? गोयमा ! आहाकम्मं णं भुंजमाणे आयाए धम्मं अतिक्कमति, आयाए धम्मं अतिक्कममाणे पुढविक्कायं णावकंखति जाव तसकायं णावकंखति, जेसिं पि य णं जीवाणं सरीराई आहारमाहारेइ ते वि जीवे नावकंखति । से तेणट्टेणं गोयमा ! एवं वुच्चइ आहाकम्मं णं भुजमाणे आउयवज्जाओ सत्त कम्मपगडीओ जाव अणुपरियट्ठति । [सु. २७. फासएसणिज्जभोइणो लहुकम्मयापरूवणं] २७. फासुएसणिज्जं णं भंते! भुंजमाणे किं बंधइ जाव उवचिणाइ ? गोयमा ! फासुएसणिज्जं णं भुंजमा आउवाज्जओ 5 श्री आगमगुणमंजूषा - २३४
प्रप्रप्रप्रप्रप्र
| SR No. | 003255 |
| Book Title | Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 394 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 35 MB |