Page Text
________________
(५) भगवई रातै २५ उ ७ [ ३४० ]
[सु. १८०-८२. चोत्तीसइमं भावदारं-पंचविहसंजएस ओवसमियाइभावपरूवणं ] १८०. सामाइयसंजए णं भंते! कयरम्मि भावे होज्जा ? गोयमा ! खओवसमिए भावे होज्जा । १८१. एवं जाव सुहुमसंपराए। १८२. अहक्खायसंजए० पुच्छा। गोयमा ! ओवसमिए वा खइए वा भावे होज्जा । दारं ३४ । [सु. १८३-८७. पंचतीसइमं परिमाणदारं- पंचविहसंजएसु एगसमयपरिमाणपरूवणं ]१८३. सामाइयसंजया णं भंते! एगसमएणं केवतिया होज्जा ? गोयमा ! पडिवज्जमाणए पडुच्च जहा कसायकुसीला (उ०६ सु० २३२) तहेव निरवसेसं । १८४. छेदोवट्ठावणिया० पुच्छा। गोयमा ! पडिवज्जमाणए पडुच्च सिय अत्थि, सिय नत्थि । जइ अत्थि जहन्ने एक्को वा दो वा तिन्नि वा उक्कोसेणं सयपुहत्तं । पुव्वपडिवन्नए पडुच्च सिय अत्थि, सिय नत्थि । जदि अत्थि जहनेणं कोडिसयपुहतं, उक्कोसेणं वि कोडिसयपुहत्तं । १८५. परिहारविसुद्धिया जहा पुलागा (उ० ६ सु० २२९) । १८६. सुहुमसंपरागा जहा नियंठा (उ० ६ सु० २३३) । १८७. अहक्खायसंजता णं० पुच्छा। गोयमा ! पडिवज्जमाणए पडुच्च सिय अत्थि, सिय नत्थि । जदि अत्थि, जहनेणं एक्को वा दो वा तिन्नि वा, उक्कोसेणं बावट्टं सयं अट्ठत्तरसयं खवगाणं, चउप्पन्नं उवसामगाणं । पुव्वपडिवन्नए पडुच्च जहन्नेणं कोडिपुहत्तं, उक्कोसेणं वि कोडिपुहत्तं । दारं ३५ । [सु. १८८. छत्तीसइमं अप्पाबहुयदारं-पंचविहसंजएसु अप्पाबहुयपरूवणं ] १८८. एएसि णं भंते ! सामाइय-छेओवट्ठावणिय परिहारविसुद्धिय-सुहुमसंपराय- अहक्खायसंजयाणं कयरे कयरेहिंतो जाव विसेसाहिया वा ? गोयमा ! सव्वत्थोवा सुहुमसंपरायसंजया, परिहारविसुद्धियसंजया संखेज्जगुणा, अहक्खायसंजया संखेज्जगुणा, छेओवट्ठावणियसंजया संखेज्जगुणा, सामाइयसंजया संखेज्जगुणा । दारं ३६ । [ सु. १८९. पडिसेवणा-ओलोयणादोसआईणि छ दाराई ] १८९. पडिसेवण १ दोसालोयणा य २ आलोयणारिहे ३ चेव । तत्तो सामायारी ४ पायच्छि ५ तवे ६ चेव ।। ६ ।। [सु. १९०. पढमं पडिसेवणादारं-पडिसेवणाए दस भेया ] १९०. दसविहा पडिसेवणा पन्नत्ता, तं जहा- दप्प १ प्पमाद-Sणाभोगे २-३ आउरे ४ आवती ५ ति य । संकिण्णे ६ सहसक्कारे ७ भय ८ प्पदोसा ९ य वीमंसा १० ॥ ७ ॥ दारं १ । [सु. १९१. बिइयं आलोयणदोसदारं- आलोयणाए दस दोसा ] १९१. दस आलोयणादोसा पन्नत्ता, तं जहा- आकंपइत्ता ? अणुमाणइत्ता २ जं दिवं ३ बायरं व ४ सुहुमं वा ५ । छन्नं ६ सद्दाउलयं ७ बहुजण ८ अव्वत्त ९ तस्सेवी १० ॥ ८ ॥ दारं २ [ सु. १९२-९३. तइयं आलोयणारिहदारं- आलोयणारिहस्स आलोयणायरियस्स य सरूवपरूवणं ] १९२. दसहिं ठाणेहिं संपन्ने अणगारे अरिहति अत्तदोसं आलोएत्तए, तं जहा जातिसंपन्ने १ कुलसंपन्ने २ विणयसंपन्ने ३ णाणसंपन्ने ४ दंसणसंपन्ने ५ चरित्तसंपन्ने ६ खंते ७ दंते ८ अमायी ९ अपच्छाणुतावी १० । १९३. अट्ठहिं ठाणेहिं संपन्ने अणगारे अरिहति आलोयणं पडिच्छित्तए, तं जहा आयारवं १ आहारवं २ ववहारवं ३ उव्वीलए ४ पकुब्वए ५ अपरिस्सावी ६ निज्जवए ७ अवायदंसी ८ । दारं ३ । [ सु. १९४. चउत्थं सामायारीदारं-सामायारीए दस भेया] १९४. दसविहा सामायारी पन्नत्ता, तं जहा इच्छा १ मिच्छा २ तहक्कारो ३ आवस्सिया य ४ निसीहिया ५। आउच्छणा य ६ पडिपुच्छा ७ छंदणा य ८ निमंतणा ९ । उपसंपया य काले १०, सामायारी भवे दसहा ॥ ९ ॥ दारं ४ ॥ [ सु. १९५. पंचमं पायच्छित्तदारं- पायच्छित्तस्स दस भेया] १९५. दसविहे पायच्छित्ते पन्नत्ते, तं जहा आलोयणारिहे १ पडिक्कमणारिहे २ तदुभयारिहे ३ विवेगारिहे ४ विउसग्गारिहे ५ तवारिहे ६ छेदारिहे ७ मूलारिहे ८ अणवट्ठप्पारिहे ९ पारंचियारिहे १० । दारं ५ । [ सु. १९६-२५५. छट्टं तवदारं तवस्स भेयदूयं तप्पभेया य] १९६. दुविहे तवे पन्नत्ते, तं जहा - बाहिरए य, अब्भिंतरए य । १९७. से किं तं बाहिरए तवे ? बाहिरए तवे छव्विघे पन्नत्ते, तं जहा अणसणमोमोयरिया १-२ भिक्खायरिया ३ य रसपरिच्वाओ ४ । कायकिलेसो ५ पडिसंलीणया ६ । [ सु. १९८-२१६. छव्विहबाहियतवस्स परूवणं सु. १९८-२०२. अणसणबाहिरयतवभेयपभेयपरूवणं] १९८. से किं तं इत्तरिए ? इत्तरिए अणेगविधे पन्नत्ते, तं जहा इत्तरिए य आवकहिए य। १९९. से किं तं इत्तरिए ? इत्तरिए अणेगविधे पन्नत्ते, तं जहाचउत्थे भत्ते, छट्टे भत्ते, अट्ठमे भत्ते, दसमे भत्ते, दुवालसमे भत्ते, चोद्दसमे भत्ते, अद्धमासिए भत्ते, मासिए भत्ते दोमासिए भत्ते । जाव छम्मसिए भत्ते । से तं इत्तरिए । २००. से किं तं आवकहिए ? आवकहिए दुविहे पन्नत्ते तं जहा-पाओवगमणे य भत्तपच्चक्खाणे य। २०१. से किं तं पाओवगमणे ? दुविहे पन्नत्ते, तं जहा - नीहारिमे य, अनीहारिमेय, नियमं अपडिकम्मे से तं पाओवगमणे । २०२. से किं तं भतपच्चक्खाणे ? भत्तपच्चक्खाणे दविधे पन्नत्ते, तं जहा- नीहारिमेय, अनीहारिमेय, नियम)
45 45 4 5 5 5 LE LE LELE LE LG LE LELE ME LE LELE श्री आसराणसंज
முழுகாககக்கககககககக*தமிழ்மிகமிகமம்ம
6666666666666
फ्र
| SR No. | 003255 |
| Book Title | Agam 05 Ang 05 Bhagvati Vyakhya Prajnapti Sutra Shwetambar Agam Guna Manjusha |
| Original Sutra Author | N/A |
| Author | Gunsagarsuri |
| Publisher | Jina Goyam Guna Sarvoday Trust Mumbai |
| Publication Year | 1999 |
| Total Pages | 394 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 35 MB |